¹ Ongon afa Cesaria lobo tungani lobara Koronelios lahitok na lobolorohi asegere kuna lilongoti ojo Asegere kolo Italian. ² inyi ko cio kulo kajinenge fad ara orumu cio kuna lobang Lobanga, icwara inyi lwaha diho cio to kibaya lo taumany ilifa Lobangatik tik. ³ 3 Lobo far kologoru tik mietaugon lo kurou odeu inyi malaika lo Lobanga olotu diho inyi to kitirija ojo dihoinyi,’’Koronelios!” ⁴ Ode Koronelios inyi to bangunoto ojo,’’ Nyio ba Lahiyok” inyiahahi Malaika diho inyi ojo,’’ Lolotu kilifa nino ko lwaha na licwara isi kakidahak lirwok kai ara kicorita na litiiyo Lobanga tosi. ⁵ jija tocule cio iya Jopa lofworo kilolonguno lobo tungani lobara Saimon na lara manyu karana Petero. ⁶ ongon inyi kolo Saimon Kanotani lo cionitok na lonyiha kaji nenge kutuk lo nam.’’ ⁷ kololo na Malaika lorumu otenya ko inyi, ilolongu Koronelios karwaak kunenge are ko asegereni na iningo na orumu lara lobito to kiji lo kaririak kunenge. ⁸ Orihohi inyi icieng pili sangite kuna lorihohi malaika inyi ko cularu icieng iya Joppa kilolonguno Petero. ⁹ Kiwanyi nenge kologorukolong ki-lo-far langun lofwonu icieng lonyiha kang, olo Petero kai lo kaji kilifa. ¹⁰ Oto kinga onyia inyi na lodam tohi lo daha orihe orumu daha ikukumati oto inyi ko kilura. ¹¹ Odeu inyi kai ongaja oto lobo tohi lori iya cuka nahitok olutu to kai ililituno to kiyoka kunenge iya kof. ¹² Katwa nenge orumu ongon tyangi ko sangite kuna ikuditaha ko kweny fad. ¹³ Ojo ogoro diho inyi,’’ Towoju Petero, ifade inyia.” ¹⁴ Inyiahahi Petero ojo,’’ Ida Lahitok, ida nan lanyia lobo tohi ibot kode idwa to warun nei.’’ ¹⁵ Ojo ogoro diho inyiari,’’ Kelolongo lobo tohi ijo odwa kode ibot na litinyu Lobanga. ¹⁶ Itiihino ene kakeny uni ko kinyiaharoti na cuka deu deu iya kai. ¹⁷ Kolorihe Petero ibuha fotiri lo na kitirija lo jimitan litotoro nyio, orumu kunucio loculu Koronelios lo rumu kaji lo Saimonko fwonunotivowoitati lokoli lo kang. ¹⁸ Itifi icieng lo yenun kalitongo tungani na lobara Saimon Petero ijia. ¹⁹ Kolorihe Petero iiyo tenyalona kitirija ojo Okorif diho inyi,’’Saimonkitahita kude cio uni isi .” ²⁰ jija towoju iculoto kof manyu keberu loro ko icieng tonyio nan laculu icieng. ²¹ Petero ko kiculoro olo diho kuna cio ojo diho icieng,’’ Nan tungani na litahita ite. Ifwono ite iyo nyio?’’ ²² Inyiahahi kuna cio inyi ojo,’’ Kifwonu ohoi diho Koronelios lahitok lo asegere ara inyi tungani na ijr na lobang Lobanga, na lorima Judeahin fad. Orihohi Malaika na inyu inyi ojo ojir isi ilo kalenge ojir inyi oning tenya na lititimahi isi inyi.” ²³ Petero kokifotuno kuna cio kaji ara welo kunenge. Kiwanyi nenge iciak Petero lotita ko icieng ilihiti kokude recera to Joppa. ²⁴ Lobito far nenge ogoru inyi Cesaria. Orumu Koronelios itila icieng ko kiklolonguno cio kunenge ko morot kunenge fad. ²⁵ Lagun lorutoro Petero kaji olotu Koronelios itiric inyi ko gungon ketemoni nenge to rima. ²⁶ Ati icio Petero inyi owoju ,ojo diho inyi,’’ Towoju ara manyu nan tungani token nei.” ²⁷ Kolotenya ko inyi, orute Petero kaji koloro rumunu cio beciek otuba, ²⁸ oto ojo diho icieng,’’ Iyen ite jimitan ida idacik niyang iruk Judaiani rutoro kaji lo Misiokohoni kode waja inyi. Ati lohirihohi Lobanga nan jimitan ojir nan ida alolong lobo tungani ojo ibot kode orohoi. ²⁹ Tona kaloculuni cio alotu nan na lida arisa kileng. Atifia dong nan, Nyio icularore isi cio kilolongo nan? ³⁰ Ifotu Koronelios ojo,’’ Faritin ongon kuna loring, angon orumu nan kaji nei kilifa jii iya ene. Tik meitaungon lo kurou. Deu deu olotu tungani na liciefita kyelani kuna imedehi owoita ketemoni nei ³¹ ko jimitan Koronelios loning Lobanga kilifa nino manyu liiu kicorita kunino diho kakidahak ³² tocule cio Joppa diho Saimon na lobara Petero. Ara inyi weloni lo Saimon kanotani lo cionitok na lonyiha kaji nenge kutuk lo nam. ³³ na ko cularu cio deu deu manyu akwama lotuno nino. Jija ohoi kuno lohituba fadene ketemoni lo Lobanga lo ningo sangite fad kuna locik Lahitokdiho isi rihohino ohoi.” ³⁴ Oto Petero iciaktenya ojo,’’ Ladeu hati nan jimitan ida Lobanga isisio kode igegela. ³⁵ ati iruk inyi cio to kofi kofi fad kuna lobang inyi manyi itiyo tohi na behi. ³⁶ Iyen ite tenya na loculu Lobanga diho cio kulo Isreal lo rihohino icieng layomit na ijir lo kisiliban ara diho Yesu Kristo na lara Lahitok lo cio fad. ³⁷ Iyen ite tohi na litiihino Judea fad kiciaha to Galilea to kifwongi lo kibatisa na lifura Jon ³⁸ ko koditi na lotware Lobanga Yesu to Nazaret to okrif na Inyu ko golun ko koditi na lolotitare inyi itiyo ticitici kuna ijiri itifurie cio fad kuna longon iyo twero lo sitan tonyio orumu Lobanga ongon ko inyi. ³⁹ Ohoi sadeni kulo sangite fad kuna litii inyi koflo cio kulo Judea ko Jerusalem. Ifade icieng inyi to iihahino inyi diho kete. ⁴⁰ ati itibuhu Lobanga inyi to kifwongi lo faritin uni manyu icio inyi odeuni. ⁴¹ Ida afacio fad odeu inyi atisadeni kuna afa lokeru Lobaga nyumuno-diho ohoi kulafa lohida kimata ko inyi to kifwongi lo kibuhuno nenge. ⁴² Ocik inyi diho ohoi lo rihohino cio ko kicwara saden jimitan inyi onyumu Lobanga ara kangotoni lo tenya lo kawarak ko kaweyak ⁴³ kamoak fad icio saden to inyi jimitan cio fad kuna liruk inyi orumu launo lo kipalipali to mkarana nenge.” ⁴⁴ Kolorihe Petero ifura kuna tenyi tenyi, olotu Okorif na Inyu diho cio pili kuna loning layomit. ⁴⁵ Karuhok kuna liliraru kuna lilihu ko Petero, ipanyiti noo to deuno jimitan kicorit lo Okorif na Inyu, lijuhohini kileng diho Misiok. ⁴⁶ Tonyio oning icieng Misiok kolotenya to ngadiefo gele gele omajati Lobanga. Oto Petero ojo, ⁴⁷ “ongon tungani na ngitik kuna cio kibatisa to kifi. Lorumu icieng Okorif na Inyu iya ohoi.” ⁴⁸ Oto inyi ocik ojo ojir cio ibatisi to karana lo Yesu Kristo. Oto icieng otan Petero ojoojir kitong klo icieng to faritin kude kuting.