¹ Ara afa to kuna farin icarahe kabu Erod kinefa cio kuloKanisa owak kitigema icieng ² Odumu inyi Jems rece lo Jon ifade to ngalem latubot. ³ kolodeu jimitan itikwama ene tic Judeahin, kosodoro inefu manyu Petero. Itiihino ene to karamalo mugatihin kuna lida oyeri to ibala. ⁴ Langun liniefu inyi ko fihahino inyi mabus icio inyi ojo ojir iriri to ikorit kulo asegerehin ongon na longon iyo ikorit lobito asegere ongon. Owahare Erod kiyauno inyi kifura kiji locio coloring pasha. ⁵ Dong otorahini Petero mabus ati ilifa kanisa noo diho Lobanga to inyi. ⁶ karwe lo ketemoni lo na far lowahare Erod kiyauno Petero kifura, orumu Petero ogeto kiji lo asegere are manyu otora to nyororohin are ongon asegere kuna lowoita iriria agwala. ⁷ Deu deu oboto malaika lo Lobanga inwak wagon kaji lo mabus. Onang inyi Petero mari itikwenyu inyi. Ojo inyi diho Petero,”Deu towoju” oto nyororo ko douno to komoc lo Petero. ⁸ Oto Malaika ojo diho inyi,” iciefo kyelani kunino ko kamuha’’ itii Petero jii. ⁹ torwehi kyela nino ken ito hatikijif nan’’orihohi Malaika inyi. Ijif Petero inyi orutori oleng to mabus ati ida inyi iruk jimitan ene tohi litiyo Malaika ongon kitiihino dede. Ofik inyi ojpo kitirija ba inyi. ¹⁰ Ogal icieng kaririak kulo ketemoni ko kulo are ofwonuni lokoli nahitok na ligeno to biliet. Ongajaru lokoli ake orute icieng. Kololot icieng okeru karitan lo kikoi lokanghatwa lobito Malaika ko ngerihino inyi ake. ¹¹ Oto Petero ko yenun ken ko jimitan,” jija layen nan loru ko kikuya jimitan oculu Lahitok Malaika nenge lo lwahuno nan to kac kulo Erod ko ticitici fad kuna lowak cio kulo Judea kitio ken nei. ¹² Kolokwenyu kwe nenge jii, inyi ko loro kolo Meri ngoto Jon na manyu lobara Mark faji na lotubare cio kuna iborengi kilifa. ¹³ kalitotok Petero lokoli lo oleng oto inyi kito karioni karwaani na lobara Roda lol deya tungani na litotoho. ¹⁴ koloheru inyi ogoro lo Petero oto inyi ifut kokwama ingohi ida onga ko loro rihohino cio ojo, “ ongon [Petero lokoli.’’ ¹⁵ Orihohi icieng inyi ojo, ‘’ kidaha mining isi.” Ati ifuda inyi ojo, ‘’ ara dede’’ oto icieng ojo, ‘’ ara Malaika nenge.” ¹⁶ Ati osodoro Petero kitotoho lokoli, ojo icieng onga odeuni ara inyi, ipanyiti bebe ¹⁷ kalitibuk inyi icing to kiwata lo kana, oto ititimahi icieng kikoi na lo lahunore Lahitok inyi to mabus. Ko rihohino icieng ojo, ‘’ititimahiti Jems ko recera ene tenyainyi ko loro iya lobo faji ake. ¹⁸ kolowang kof oto tenya iciak nohun kiji lo asegere jimitan nyio litiihino diho Petero. ¹⁹ Langun lotak Erod inyi kwiik ida orumahi, ko kitifia aegere to lobito ko ciha jimitan ojir ifadari icieng. Erod ko loro to Judea iya Cesaria itong ija to faritin kude ²⁰ orumu inyi oswa ko cio kulo Taya ko Sidon oto dong icieng ofwonu ara lobito to tahita tenya ko inyi. Oto icieng otan Balasto na lara karwaani na hitok to kolo kabu ara katiyomoni neicieng ko kabu tonyio orumunita icieng daha to kof nenge. ²¹ To far na locihi icief Erod kyela lo okabwe nenge olotu itongohino iyo seger lo okabwe iciak kifura diho ilulung. ²² Oto icieng kololing tenya lo kabu igore ojo, “ ara ene ogoro lo lobanga ida ara lo tungani .” ²³ Deu deu tona lida Erod icwarare deyo dio Lobanga, Malaika ko boho inyi onyia kuru ko weyaru. ²⁴ Ati osodoro tenya lo Lobanga oparihi kof. ²⁵ Kolokeru Barnabas ko Sau tic neicieng oituni to Jerusalem ilihuni ko Jon na lobara Mark.