¹ Dia aang ithai itek, olarok, (aca acama nang d’ohothing hotek oyano), hijan oyano indafaitho othulo d’operok homamyarik inyong? ² Aca, athulo namuthaye, oyalu othorik d’onde, ahibu inyong homanya, ti, ara aye onde, ahibu inyong homanya, ti, ara aye onde, ohohini inyong na adi th’oyalu l’amutha. ³ Inyong nara, homijyo onde, ara isuka h’othulo lobo, ilongoi inyong ara amwak. Ti, ara aye onde, ohohini inyong na adi th’oyalu, ikara inyong na amwak, ara isuka h’othulo loboling. ⁴ Inyong na, olarok hundang, athuhi ithai nya athayeyo d’oyalu thal’ahwan no Kristo. Owon ahani, docohi enuthahina nathai holoboling, inyong na, do le, lonya ithabuhuni th’oye, defuni iyisunerek oduring d’Ojok. ⁵ Aca, hewon ohothai nya ditha h’ahwan, asang h’eyau hawak ahwan, hethadotho th’oyalu, hadigyema nya ditha h’ahwandek hahothai dirimahinerek aning nayyu d’aye. ⁶ Thenene ne, athuhi ohothai ahoina th‘oyalu. Rthuk ohothai aye d’aning nya othorik ohothai. Owon ahani, digyema ditha elangejuk n’Ohoile, ikara ditha elangoro n’amanini. ⁷ Ainyong de hathi ecama, awon oyalu th’ahwan ara eyau? Thaang hoiwona ahani. Ti, aang nang ira itehan eyau, ara ikara thol’oyalu. Aca, aang nag ira itehan ara kabong oyalu ojyo, “Hoiudo.” ⁸ Ti, arimak oyalu oyihoi thol’efahi karik ayisu opeceni olwarai h’audori ditha honing. Aca, juk esarak oyalu arakang, aye nya eyau. ⁹ Th’otii homok nya, amanya nang kwong oyalu. Ti, ajara efahi aindu, ebuhu eyau, ¹⁰ karik nang aye. Rfahi nanya ara iwonan ara esu na, eloitho ara aye. ¹¹ Arimak eyau oyihoi thal’efahi karik ethalwahu nang. Thal’efahi, attohok inyong nang. ¹² Inyong na, odwa oyalu karik odwa efahi, obis karik oyyu. ¹³ Inyong na, aindu aning nayyu donang ara aye. Thaang hoiwona ti do ahani. Ti, eyau, dithaithahina ijaran inyong eyau, eyanu aye donang ara aning nayyu karik thl’efahi, oindu eyau de ikalahina eyau. ¹⁴ Itek ohoi hijan oyalu l’Ohoile. Ti, nang l’ahwan ahayani. Athuhi nang ethanyangahina di langaca d’eyau. ¹⁵ Aca, aning nehandyo nang aang nang athenu ainyong ojyo inyong diri. Aca, aning nawak ehandyo, aang nang ehandyo karik ara aning naman nang, nang ehandyo. ¹⁶ Ti, ara ehandyo nang aning naang nang awak, eruk nang hijan oyyu oyalu. ¹⁷ Ti, aang howon thenene ne, hijan nang lehandyo inyong lya, ti, eyau nawon ditha honing. ¹⁸ Aca ateh nang hijan ditha honing, ditha h’ahwan hindang, omanya aning naang oyyu. Aca, awahan aning nayyu, owon ditha honing. Ti, aang ocohi donang dihandyo. ¹⁹ Aca, ayiji nawak nang, aang nang ehandyo, ti, amonyori naang nang awak, inyong ehandyo nang. ²⁰ Ahani ne, ara ehandyo nang aning naang nang awah, ithaithak hijan ikara nang legyema lya, kombwo ithaithak hijan eyau negyema ditha honing ne. ²¹ Iring na, arimak nang oyalu lo. Ara nang lawak ehandyo ayiji, orimak amonyori ditha honing. ²² Aca, amuno nang ditha h’oyalu l’Ojok honing th’ahwan tholothwa. ²³ Ti, atehu nang oyalu loikela ditha h’okangir h’ahwan hindang. ²⁴ Nang othulo lomiehunu! Ngai de iduhu nang adi thath’ahwan n’aye na? ²⁵ Ti, humo d’Ojok tholo Yesu Kristo, Ohobu lohothai! Iring na, Iring na, nang olefeng igyemarik oyalu l’Ojok th’ahu thono hindang. Ti, th’ahwan thono hindang ara othulo, egyema nang oyalu l’eyau.