¹ Iring na,aang thenene ne edara d’ohothing howoni ditha ho Kristo Yesu. ² Aca, oyalu l’Ohoile l’esu ditha ho Kridto Yesu, athuk ohothai ahouna th’oyalu l’eyau karik l’aye. ³ Aca, aning nanya aang ocohi oyalu ehandyo th’elik thana elathulo, ehandyo Ojok,. Asulu olonyi lonyong olofeng dith’arijori n’othulo leyau d’ahohina n’eyau karik eda eyau ditha h’othulo. ⁴ Ihandyo ahani, dirimahinerek asang hawak oyalu dothai haang ara ohothing, ti,iring h”Ohoile. ⁵ Othothing hoisuka ara ohothing, igigilo ahosi hasong ara h’ohothing, ara ohothing, hoisuka ara h’Ohoile, igigiloi ahosi hasong asang h’Ohoile. ⁶ Aca, ahu nrgigilo asang hawon ara h’othulo, inyong aye, ti, ahu negigilo asang h’Ohoile, inyong, inyong esu karik elik n’ahap. ⁷ Ahu negigilo elathulo ti, ilamerok h’Ojok, aca, aang iruhok oyalu l’Ojok,aang ocohi donyong dihandyo ahanya. ⁸ Ohothing howoni di lathulo hamaring, aang ocohini ethamunoyo Ojok. ⁹ Ti, aang ithai th’elathulo ija, ti, ditha h’ohoile, ara diri isuka ohoile l’Ojok ditha hohothai. Ti, ara laang owon h’Ohoile lo Kristo, ikara inyong l’Kristo. ¹⁰ Ara owon Kristo ditha hohoi, ahwan aye ditha h’eyau, ti, omijyo ohoile d’abisan. ¹¹ Ara owon ohoile lo le, lonya ithabuhu Kristo thoye ditha hohoi, isarak de ithai esu karik dang ahwandek hathai ahayak hune thol’ohoile lonyong lomanya ditha hothai. . ¹² Iring ahani ne, olarok, ewon h’amari, ti, ikara d’othulo dimanya ara othulo. ¹³ Ara isuka ithai ara ohothing ti, eindek ithai aye; ti, ara th’Ohoile ithayeyo ithai egyemathik h’ahwan, imanya ithai de. ¹⁴ Aca, dia baya hothifoitho Ohoile l’Ojok, isong hulya olonyirok h’Ojok. ¹⁵ Kabong ithai ifothu Ohoile l’elangaca, dimanya th’abangi, ti, efothu ithai ohoile l’eruhuna, ekororik, “Abba/Monye.” ¹⁶ Ohoile olefeng otek hijan th’ohoile thol’othaji ewon ara okalifinok h’Ojok. ¹⁷ Ara ohothai okalifinok, ohothai ohofuhok, ohofuhok h’Ojok, karik ethuna ara ohofuhok ho Kristo, ara diri ethathaciana honyong, dithahuye dang ohothai honyong. ¹⁸ Aca, eduhu nang ethathacianitha h’operok hulo huna, aang ocohini ditharijyo hethahabuyo de nasarahini dohothai. ¹⁹ Aca, aning nesarak eririyo th’awahan n’ayeyo n’ahap, ithilayo anyahina olonyirok h’Ojok. ²⁰ Aca, ayeyo n’ahap ne, arwasahina nya ara aning naang ohwadu aning nabo, ti, anyo, ara hari inyong lonya isarak inyong ditha hayeyo. ²¹ Ohohini de adi ayeyo th’elangaca dith’amuyahi karik afunii ihohina ditha Ethahabuyo okalifinok h’Ojok. ²² Aca, itek ohoi hijan ayeyo bukulung, inyong emalanga karik egyema thanako dith’adihari amaji Aboithe thenene ne. ²³ Ikara ahani ija, juk ohoi th’ahwandek hoirimak aning nabo ehethemoni nalwahu n’ohoile, imalanga ohoi dang tholothwa ahibu ohoi iririyo bebe th’awahan bebe eruhuna n’ethalwahuna nahwan nahoi. ²⁴ Aca, ditha hayenio ne, ethalwahuni nya ohoi. Thoone ne, ayenio natehuni, ikara ayenio. Aca, angai oyenio inyong aning nacohi inyong atehuna? ²⁵ Ti, ara ayenio aning naang etehu, ethilayo inyong na th’angongio. ²⁶ Th’oyihoi tholya Aboithe, olwahu dang ohoile ditha h’elik nahothai. Aang ohothai itek angai era imojyo. Ti, ohoile th’ahwan thanyong omojyo thohothai th’adihari thanaang oleyo. ²⁷ Lottahitha atha n’othaja, otek ahu n’ohoile, anyo, omojyo inyong th’ahwandek thoh’ohothiong hodwa h’Ojok. ²⁸ Itek ohoi hijan d’ohothing homuno Ojok, igyema asang bukulung amaji aboithe d’ayiji, d’ohothing hoilongoi d’arami hawak inyong ehandyo. ²⁹ Anyo, ohothing hotek inyong berien, ikeluni isong hulo ara hoisarahini d’arijori n’Olonyi lonyong, dowon inyong ara ohoithemoni ditha h’olarok holwari. ³⁰ Ohothing honya athuk inyong ekeluna, isong aang nya ilongu. Hoilongo inyong th’oyalu, ithahuyo isong dang. ³¹ Ainyong hathi de isarak ohothai ajaran arami hune? Ara owon Ojok ara lohothai, ngai de ngona ida ohothai? ³² le, lokabong ofithok olonyi le, esarak adi thohothai bukulung, angai de aang ocohi donyong disarahina dohothai asang bukulung ija? ³³ Ngai de oindu imangahina epal d’ohothing hanyimunu h’Ojok? Ojok de Aboithe ithabisak. ³⁴ Nngai de loindu lya? Kristo Yesu Aboithe nya oye – tholohide hohune, ngai nya ithabuhuni, inyong lowoni dinget h’Ojok karik lomojyo thohothai. ³⁵ Ngai de ibwayo ohothai th’amuno no Kristo? Ethathaciana, ethor n’ahu, ethagyemio, ahure, adaha ija kwong eyofo, amonyori, odemi? ³⁶ Iring negerorik inyong: “Aca, d’arimahina nathai ayiji, ohoi nya hattohori ofaning taak. Eduhuni nya ohoi ara okero hongocye.” ³⁷ Th’arami thohune fodok, ekalu ohoi omerok thol’othulo aboithe lomuno ohothai. ³⁸ Isarahini nang arami hune diruhon hijan, ikara aye, esu, anjelohio, endafaitho karik epapahyo asang hawon, asang h’afuni ³⁹ ahodori, audori, aning nayeuni, inyong de ocohi ekeluna ohothai th’amuno n’Ojok nawon ditha ho Kristo Yesu, Ohobu lohothai.