¹ Nyena ma'di tomoret togeleŋ nu 'döki kata ko saresi ti kwakwaddu, ko a pirit nake na rurwan na kak ni. ² Kogwon kemia a tetena nagon katayu a kora murek, pirit togeleŋ gwon ko togwi’diet na lombojin, ko misa nagon petanikin ambatajin, luŋu a Pirit Nake na Rurwan. ³ a i ki’diŋ na boŋgo koret tomurek gwe a pirit na luŋu a Nake na Rurwan parik. ⁴ Lepeŋ gwon ko pirit nagon a tetena ko dakap, ’yuret na bökur , 'döki ko sanduk na tomoret a mulunyö liŋ ko dakap. A katayu gwe a mu’da logon a dakap logon gwon ko mana katayu, 'döki ko ture lo Arona logon aje wilan, se ko ŋurupö murek na ’dayatak naŋo wuröki kuyajin ti tomoret. ⁵ A waluki na sanduk tomoret gwe a kerubajin logon kweja minyo lo ꜧun, a köpukön kase mugge muket lalayet na toronjin na. Na ’bayin a diŋit nyönyöket na kine kuya geleŋ geleŋ. ⁶ A i mukak nagon kine ŋo aje tetenaki sona, a koanejin yeŋe lupö i koret togeleŋ na kemia i konda na kitajin kase, ⁷ ama koane duma ka’de lo lupö i tomurek daŋ geleŋ i kiŋa. ko Lepeŋ ti tu 'bak rima nagon nye wukin i kuya kayik ko ti yaŋesi ti ŋutulu. ⁸ Mulökötyo Loke kwekinda adi ko kemia togeleŋ na dede gwo'dan i pirit a kiko lolupö i Pirit Nake na Rurwan parik na gwe ako pukun. ⁹ Ina köju a tokoret nagon kweja kulya ti na diŋit. Kweja adi ’dokesi se ko rubaŋgajin lo wuwuki kulo ti bulö tindu töilyet ti kakwakwasak i gwon a lo ’but 'bukuluŋ, ¹⁰ Lepeŋat swak tiriku ko ŋo lo nyenyei ko ŋo na mömötö, se ko lalaesi ka’de ka’de ti budu. a saresi ti ŋo ti mugun tojo i diŋit na tetenet ludukö ¹¹ Ama Kristo aje po a koane duma lo ŋo na ’but nagon gwe kata kune. lepeŋ a wutini ko lo Kemia nagon a duma ko a na ’but parik, naga ’bayi tetena ko kanin lo ŋuto, ’bayin a ŋo na gweya ti na kak. ¹² ,bayin ko rima ti yidin ko ti kisuk, ama ko rima kayik, na lupi Lepeŋ i Pirit Nake na Rurwan parik na daŋ geleŋ asut, , a aje dakundya yi a ’dutet. ¹³ Ama ko Rima ti yidin ko ti dwöni se ko gwagwataki na pulö ti tagwok na ŋo’yura i ŋutulu lo ŋo toluta, bubulö toke’ya se kase i mugunya. ¹⁴ a kirut gwanan rima ti Kristo na wukindi mugun i riŋit na Mulökötyo lo yeŋ nyin a rubaŋga lo ’bak yuyuket ko ꜧun, toke’ya yeyesi kaŋ i kitajin na ŋo twan a nyen yi kitakinda ꜧun lo gwon jöruŋ. ¹⁵ ko ina kwe, lepeŋ a katomoranit lo tomoret ludukötyo, anyen se logon Ŋun a luŋ kulo böŋö wuju ŋo nagon a lomore nagon ti ’duddyö, nagon nye aje rukökin na. Kine kulya bubulö, kogwon twan nanyit a dakuŋdya ŋutulu i toronjin nagon lepeŋat a kon na gwondi se i saret lo tomoret na kokwe nu. ¹⁶ Kogwon ko ŋuto sarakinda wajik kayik i ruddya na ŋo kayik, lepeŋat ti bulö ruddya tojo ko a dena ’bura adi lepeŋ ’diri aje twan. ¹⁷ Kogwon saresi kayik ’bak ’bulit ko nye dede gwon jörun, ama kilo saresi gwe ko riŋit i mukök nagon nye aje twan. ¹⁸ Nyenagon ma’di tomoret na kokwe nu a suluki ko rima. ¹⁹ Kogwon i mukök na laikindi Mose ŋutu liŋ jujuwesi ti Saresi nu, a lepeŋ ’dumundi rima ti dwani ko ti yidin, se ko pioŋ, ko kupir lotor se ko lomuröju, a gwagwaddi buk na saresi se ko ŋutulu liŋ, ²⁰ Akirut kuyani adi, Kine a rima ti tomoret nagon ꜧun aje sarakin ta na. ²¹ Jojo 'döki a lepeŋ gwagwaddi kemia se ko tito liŋ nagon a kitanikin kata kune. ²² gwöti na jambi Saresi adi ŋo na jore tokela ko rima, ko rima a ko ’bukö a toronjin tine bulö pitöki. ²³ Nyenagon ŋo nagon mirakindya ŋo ti ki yu kune agu tokela ko rubaŋgajin gwoso kijakua, ama ŋo nagon a ti ki ko 'börik ’de’dekan tokela ko rubaŋgajin logon a lo ’but parik. ²⁴ Kogwon Kristo a ko lupö ipirit nake na rurwan nagon tetena ko könisi, logon swak a mired na ŋo nagon a gwakna kune, ama lepeŋ a lupö ki yu komugun anyen gwo’dan ko ꜧun ikomoŋ kogwon kuya kaŋ. ²⁵ Lepeŋ ’bayin to yu anyen wukinda mugun döŋin jore, gwoso na kondi koane duma, i lupö i Pirit Nake na Rurwan temba ikiŋa joŋga rima legelok; ²⁶ kogwon ko ködö gwon tina, a lepeŋ ködö nyönyöggu ŋoŋga daŋin jore suluja igweya nakak. Ama lepeŋ tinana aje pukun daŋ geleŋ a sot idiŋit na ’dutet anyen tindu mugun nayit a lubaŋga itutuŋgö na toronjin liŋ. ²⁷ Gwati nagon ŋuto a tiki i twan daŋ geleŋ na, a kirut gwe a putet; ²⁸ gwon sona 'döki Kristo a wuki daŋ geleŋ anyen joŋga toronjin kaŋo ti ŋutulu jore. Lepeŋ mo pupukun daŋ tomurek, ti gwon ikuya ti toronjin, ama i lwöggu na se logwon möndu lepeŋ kulo.