1 Nyena kwe na kuya nagon yi jambu se na nyena; yi gwon ko koane duma logon aje si’daki kak i könin lo melet lo si’daet na Mor ki lu. 2 Lepeŋ a kakitanit i pirit nake na rurwan i kemia nagon a gwak. nagon Matat lo togwi’dikinda ki ’bayin a ŋuto. 3 kogwon Koanejin dumalak liŋ a wulwe anyen wukinda ’dokesi se ko lubaŋgajin; nyena ilo koane likaŋ duma 'döki 'dek ti wukindi neneŋo. 4 Nyena ko ködö lepeŋ gwon i kak ni, lepeŋ tine gwon a koane kwöŋ, kogwon koanejin kata logon wukinda ’dokesi gwoso na 'degi Saret. 5 Lepeŋat kita ŋo nagon a miret ko a ködudwö ti ŋo ti ki yu. gwoso na sarakindi ꜧun Mose köju nu i diŋit nagon Mose gwe nyona ko ’bilikinda na kemia ki nu, adi, Mete ’bura, ti do tetene ŋo liŋ gwoso i miret nagon köju a kweki do i mere yu nu. 6 Ama tinana Yesu aje wuju kita na 'but parik; ko 'döki lepeŋ a tomori lo tomoret nagon a laŋgu parik nagwon togwi’diki imilyejin logon a lo'but parik. 7 Kogwon ko ködö tomoret na ’beron na gwon a na’but, ꜧun ködö tine ga’yu tindu nene tomoret. 8 Kogwon idiŋit nagon ꜧun aje röju toron ko ꜧutulu a nye kuyani adi, mete, Perok mo popo logon nan mo teten tomoret ludukötyo ko kötumit na Yisaraele se ko na Yuda, matat lo kuya. 9 a tine gwon gwoso tomoret nagon nan köju a kon ko merenyejin kase nu, i lor logon nan a mokara se i könin anyen jiköddu lepeŋat kaŋo i jur lo Ejipeto nu; kogwon lepeŋat a ko ’debba tomoret nio na ko koŋon a nan iŋge kölökin rurugga na se, Matat lo kuya. 10 Na a tomoret nagon nan mo kokon i kötumit na Yisaraele i mukök na kulu perok, nan Matat lo kuya; nan mo titin saresi kuwe kase i kwinyita, a nan 'döki wurökindi kase i töilyet, a nan mo gwe a ŋun lose, a se mo gwe a ŋutulu kuwe. 11 A Lepeŋat, ŋadi geleŋ mo tine todindyö marate loyit kode luŋaser loyit adi, Dendi Matat, kogwon se liŋ mo deden nan suluja i lo ’di’dik tojo ko temejik. 12 Kogwon nan mo wowon kowen i konesi kase narok , a nan mo 'döki tine yeye toronjin kase kwöŋ. 13 Na jambi adi tomoret ludukötyo nu, nye aje lawija adi tomoret togeleŋ na aje ’baka. Ko ŋo nagon aje ’baka ko a na ŋuru na gwe nyona ko likin.