¹ Ilo a Melekisedek mor lo Salem ko a koane lo ꜧun Katoŋanit lo liŋ, lepeŋ lo rumbö ko Abarayama, na witweni i mörö na tatuaji nye moran nu, a ’boroji lepeŋ. ² Ilo a lepeŋ logon Abarayama a tikin swot topuökit na ŋo liŋ na rake i gor kune. Togeleŋ, karen ti lepeŋ nyönyökö adi, mor lo löti lo rigwo, köti lepeŋ a mor lo Salem, logon nyönyökö adi, mor lo taliŋ. ³ Lepeŋ 'bak Monye, 'bak ŋote, 'bak merenyejin, ko 'bak suluet na perok kode 'dutet nayit na gwiliŋ. Lepeŋ gwon gwoso ꜧiro lo ꜧun; lepeŋ yeŋon a koane lo 'bak 'dutet. ⁴ Mete ta, todumalan na ilo ŋuto! Abarayama merenye likaŋ a tikin lepeŋ swöt topuökit lo ŋo na rake kune. ⁵ A nyakwariat ti Lewi logon a ’boroki a koanejin kulo, Saresi ti Mose a sarakin lepeŋat i pependa na swöt topuökisi iŋutulu logon a luŋasirik kase tijur lo Yisaraele, ma’di nagon se köti a nyakwariat ti Abarayama. ⁶ ilo ŋuto ’bayin a lo kötumit na koanejin, ama Abarayama a tikin lepeŋ swöt topuökit, a nye ’boroji Abarayama logon ꜧun a milyekin tindu lepeŋ neneŋo lo. ⁷ Lele ŋuto ’bayin lo rerenya i kine kulya, ꜧuto duma ’boroja ŋuto lo ’dit. ⁸ I kine kuya ŋutulu logon bubulo twatwa wuju swöt topuökisi, ama i kinu kuya jama adi lepeŋ yeŋon gwon jörun. ⁹ Nyena yi jambu tina adi, Lewi lo wuju swöt topuökit lo, lepeŋ a robba swöt topuökit ko Abarayama i mugun, ¹⁰ kogwon i diŋit na rumbi Melekisedek Abarayama nu, Lewi dede gwon ko merenye loyit Abarayama imugun. ¹¹ nyena, Ko ködyö tokoanan na Lewi tetemakinda itindu na ŋutulu igwon jojo, kogwon saresi ti ꜧun tiki ŋutulu ko lepeŋat i tokuanan. ko nyo nagon lele koane 'de'dekanikin i pukun logon tokoanan nayit gwon i kokori na Melekisedek, ko 'bayin idena i kokori na tokoanan na Arona? ¹² Nyena gwon ko tokoanan a löpuggö, a Saresi 'döki lölöpukö. ¹³ Kogwon nye logon kine ŋo jambu kuya kayik lo, a lo nene kötumit nagon lele ŋuto lose ’beron a ko kita ipirit ’yuret na rubaŋgajin. ¹⁴ Nyena a kweja kaŋo adi Matat likaŋ yuŋwe i kötumit Yuda, kötumit nagon Mose ako ’dind na jambi nye ikuya ti koanejin nu. ¹⁵ ꜧo na jam yi kune a kwekinda kaŋo ko lele koane a pukun logon gwoso Melekisedek. ¹⁶ Lepeŋ lo gwe a koane ama ti gwon kogwon saresi ti ŋo na memeta, ama kogwon riŋit na ru nagon ti ’duddӧ na. ¹⁷ Kogwon Book a jambu kuya kayik adi, Do a koane lo yeŋnyin, tokoanan inot gwon ikokori na Melekisedek. ¹⁸ 'Bayin adi Saresi ti ’beron kulo atiki i goŋet kogwon se a lomunyak ko ’bak ’bulit, ¹⁹ (kogwon Saret ti konakin ŋo nene i gwon 'dir), ama a na’but parik i kweki na yenet nagon anyen tidu yi i po nyona ko Ŋun. ²⁰ 'bayin adi lepeŋ a ko milyeki i kona a koane. kogwon lepeŋat a kona a koanejin 'bak milyeki i diŋit na Lewijin nu. ²¹ Ama nye a kona a koane ko milye lo jamakin lepeŋ nye lu adi, Matat lo milyeju logon ti lӧpuggӧ lo, adi, Do a koane lo 'bak 'dutet i kokori lo melikisedek . ²² Ko ina konet, Yesu a tindu yenet nago na tomoret na’but parik. ²³ Koanejin ti ’beron kulu kӧju jore kogwon kuya ti twan na goja lepeŋat i tu ŋerot ko kita; ²⁴ ama kogwon Yesu yeŋon gwon jӧrun 'bak 'dutet, a lepeŋ gwe ko tokuanan nagon ti 'duddӧ. ²⁵ nyenagon lepeŋ köti bubulö Iwöggu 'bukuluŋ ŋutulu lo tu ko lepeŋ ni kulo ko ꜧun yu, kogwon lepeŋ yeŋon idiŋitan liŋ i momo’yu kogwon kuya kase. ²⁶ Kogwon ’diri a jukin anyen yi gwon ko koane duma gwoso ŋilo, Logwon a loke, ’bak kulya, a ko toluta, ko a koraji kaŋo i kiden na katoronyak , a lepeŋ gwe ki parik Iwolwoŋ ’dikolo. ²⁷ nagon lepeŋ 'bayin 'dekanikin gwӧti dumalak ti Koanejin i wukinda lubaŋgajin temba i lor; togeleŋ a lo toronjin kase a kirut gwe a ti toronjin ti ŋutulu, ama lepeŋ aje konda sona daŋ geleŋ na wukindi nye mugun nayit nu. ²⁸ kogwon Sareta konda ŋutulu lomunyak a koanejin; ama kulaet lo milye lo ponda i mukӧk na Saret lo a wulundӧ koane logon a ꜧuro lo ꜧun, lo temakinda 'bukuluŋ 'bak 'dutet.