¹ Nyenagon ti yi kölökindi ta todinesi suluesi ti loŋe lo Kristo, ti yi möröddi ta ŋerot i 'durjö. Ti yi gwe ti nyöggu ’bogga togwi ’diesi ti löpuggö na töili i konesi narok ti twan ko i yubbö na Ŋun. ² kode todonesi ti batisimo, sopakindya na könisi, ko ŋien na lo twatwa, se ko ’duŋöki na putet nagon ti ’duddyö. ³ Ama 'döki yi bubulö konda na kine ŋo ko ꜧun a rukökin yi. ⁴ gwon a nago ko kilo logon a wuju parara, logon a waŋ ’doket na po ki, logon a ŋarju koraki Mulökötyo Loke, ⁵ ka logon a waŋ ’busan na kulyaet lo ꜧun, se ko riŋitön ti diŋit na popo nu, ⁶ ama a lepeŋat i mukök a 'droro kaŋo i yupet, a se gwe tine bulö nyöke kwöŋa 'döki i löpuggö na töilyet; sona kogwon lepeŋat a nyöggu ’bikikindö ’börik ꜧuro lo ꜧun i ködini na görö 'döki, ko a launda lepeŋ. ⁷ nyena kak nagon ’biyaddu kudu lo ’don i kujöŋ, a topunundi kinyojin logon a lo’but a ti ŋutulu lo kurju se kulo, ina a kak nagon wuju 'boriesi ko ꜧun . ⁸ Ama ko ina kak pun kikwa ko kalelerök, lepeŋ ’bak ’bulit; ko nyona ko senya, ’dutet nayit gwon a ’yura ko kimaŋ. ⁹ Ama ma’di yi a jambu sona lo nyanyara, yi a ruk adi ŋo kasuk a na’but parik, kine a ŋo ti lwökit. ¹⁰ Kogwon ꜧun ti gwon a loron, lepeŋ mo ti böŋö kita nasuk ko nyarju nasuk na karen ti lepeŋ, nagon ta a kitakindi ŋutulu kayik, ko ta dede kitakinda lepeŋat na. ¹¹ Yi ’de’dekan ko toilyet kaŋ liŋ adi ta liŋ gelen geleŋ kӧdӧ yeŋon gwiliŋara ko pusok tojo ko ’dutet, anyen kweja adi yenet nasuk anago. ¹² ina kweja adi ta tine gwon a yokia, ama mirikindi ta ŋutulu logon a ŋoŋaddu ko yupet tojo se a wu ŋo nagon ꜧun a milyekin tindu se kune. ¹³ Kogwon i diŋit na milyekindi ꜧun i tindu na Abarayama nene ŋo nu, lepeŋ a milyeju ko mugun, kogwon lele ’bayin logon a duma Iwolwöŋ lepeŋ. ¹⁴ lepeŋ kuya adi, ’Diri ’diri, nan mo ’bo’boro do, ko tindu do nyakwariat jore. ¹⁵ I ilo kiko, Abarayama a wuju ŋo nagon ꜧun a milyekin tindu nye kune, i mukok nagon nye a ŋoŋga ko diŋit i mӧndu. ¹⁶ Nyenagon ŋutulu milyeju i karen ti lele logon a duma Iwӧlwӧŋ lepeŋat, i 'dutet na rerenyesi kase kiden, ŋilo milye kwekinda adi kineŋo a gik. ¹⁷ Nyena ko ꜧun aje 'dekan tukurindö pirujin 'bura lo wuju ŋo na milyeji nye, i ŋo na ruk nye i tindu ŋutulu adi nye ti lopuggo kwӧŋ, Lepeŋ konda ko milye. ¹⁸ Lepeŋ konda tina kogwon ŋo murek nagon ti bulo lӧpugga kwӧŋ nagon ꜧun ti bulö ’burönö, i ruket nait se ko milye. Nyena yi logon a ryeju pirit rupit kayik kulo, yi gwon ko toilyet nago i mogga na yenet na tiki yi ŋerot nu. ¹⁹ Nagwon gwe kaŋ a kaluti nikaŋ na tӧilyet nagon a ’bikiki go, a yenet na lupӧdu i boŋgo koret tojo i pirit nake na rurwan, ²⁰ nagon na wutini Yesu kaŋ ŋerot nu, aje lupӧdu kata yu i inu pirit kogwon kulya kaŋ, lepeŋ gwe a koane duma lo 'bak 'dutet i kenye na Melekisedek.