¹ Kogwon koanejin dumalak liŋ nyunyumwe ko ŋutulu kiden, a wulökini i kita na ŋo ti ꜧun i pirit na ŋutulu. anyen wukinda ’dokesi se ko lubaŋgajin ti toronjin. ² Lepeŋ a lokoyok i kita ko ŋutulu logon ti den kuya, ko se logon a mumuluka kulo, kogwon lepeŋ ko mugun bubulö gwon a lomunyan. ³ Ko ina kwe, lepeŋ 'de'dekanikin i wukinda na lubaŋgajin a ti toronjin kayik, gwoso nagon nye a wukinda i toronjin ti ŋutulu na. ⁴ ꜧuto ’bayin lo 'dumunda ina kita na bulet ko mugun, ama suak ko ꜧun a luŋ nye, gwoso na Arona köju nu. ⁵ Nyena Kristo 'döki a ko bulakin mugun i wora a koane duma; kölumbö, lepeŋ lo jambu ko nye lo kuya adi, Do a ꜧuro lio, i lo lor nan gwe a Munyi . ⁶ Gwon gwöti nagon nye 'döki a kuya i nene pirit adi, Do a koane lo 'bak 'dutet i kenye na Melekisedek. ⁷ I diŋit na gwondi nye a ŋuto nu, Yesu a wukida momolesi ko kwakwasesi ko gwien parik ko ŋolitan ki yu ko ꜧun , nye logwon bubulo lwöggu lepeŋ itwan lo. A lepeŋ iŋge yiŋa kogwon gwiliŋit loyit lo ŋun. ⁸ Ma’di nagon nye a ꜧiro, lepeŋ a todindö twöju i kuya ti ŋo na ŋoŋgi nye kune, ⁹ Nye aje konaki i temakinda a gwak, a lepeŋ gwe a kwe na lowökit na 'bak 'dutet, na ŋutulu liŋ lo twöju lepeŋ kulo. ¹⁰ ꜧun lo luŋgu lepeŋ i gwon a koane duma logon tokoanan nayit gwon i kenye na Melekisedek. ¹¹ Yi gwon ko ŋo jore nagon yi jajam i kuya ti lepeŋ, ama a nago i nyönyökökindö na ta kogwon swö kasuk toŋgitoŋgu i yiŋga. ¹² Ama nagon ködö i diŋit gwoso na ta gwe a katodinök, a ta dede ’dek ti lele ŋuto todinikindi ta todinesi suluesi ti loŋe lo ꜧun. Ta ’dek le 'bayin a kinyo logo. ¹³ ꜧuto logon kinyo loyit yeŋ a le, ti den kuya ti löti lo rigwo kogwon lepeŋ dede a lupudi. ¹⁴ Ama kinyo logo a lo ŋutulu temejik, kilo a lepeŋat logon aje gwon a temejik i kurundö na se aje todinö i korja na ŋo na’but ko ŋo narok.