¹ Nyenagon gwati nagon milye loyit dede gwi'dikin i pirit adi yi bubulö lupö kayik i yukan, ti yi gwe ko kujönö anyen lele losuk gwe ti meta gwoso nye a karakin kiden i lupö i ŋinu pirit na yukan. ² Kogwon ’diri yi aje tokuki Loŋe Lo’but gwoso lepeŋat köju. Ama ŋilu loŋe ako ŋarakin lepeŋat logon ako tomorja ageleŋ iyupet ko se logon köju a yubbö kulo. ³ nyenagon yi logon aje yupbö kulo a lulupö i inu yukan. gwoso na kuyani nye adi, Nan a milyeju i woran nio adi, Se kwöŋ mo ti lupö kuwe i pirit na yukan. Ma’di nagon kita nayit a tutuŋgö i suluwet na gweya na kak nu. ⁴ Kogwon nye a jambu i kule kalesi i nene pirit i kuya ti lor to buryo; adi a ꜧun yuke yukan i kitajin kayik liŋ i lor to buryo. ⁵ Ama köti i ina kalet lepeŋ a kuya adi, Se kwöŋ mo ti lupö kuwe i pirit na yukan. ⁶ Nyenagon, gwe a kule ŋutu 'döti i lupö i inu yukan, ama logon köju a tokuki Loŋe Lo’but kulu a ko lupö nyin kogwon se ti ’bön yiŋga. ⁷ nyenagwon ꜧun a wulundö lele lor a lungi adi i lo lor. i diŋit na jambi lepeŋ ko Dawidi i kutuk i mukök na diŋit najo nu ajambi iwuröt ni adi, i lo lor ko ta yiyiŋ gworo loyit, ko togo’yu ta töilyet kasuk. ⁸ Kogwon ko ködö Yosua a tindu se yukan, a ꜧun ködö tine jambu kuya ti lele lor. ⁹ Nyena Sabata lo yukan gwon i pirit a lo ŋutulu ti ꜧun; ¹⁰ kogwon ko logon a lupö ko ꜧun i pirit na yukan lo gwogwo’dan i kitajin kayik, gwoso na gwo’dini ꜧun i kitajin kayik köju nu. ¹¹ Nyenagon ti yi yeyeji ta lupö i nu yukan, anyen lele geleŋ gwon ti ’doro i kiko lo yiŋga 'bayin gwoso se. ¹² Kogwon kulyaet lo ꜧun gwon jörun ko kikita ko a lopi lwölwöŋ wale lo pilan swötön murek. Lepeŋ soju ma’di i pöggu na ködudwö se ko töili, ko i pöggu na tomoresi ti kuyu se ko welesi na gwon i kuyu lukata. ko bubulo koŋeunda ’dekesi ko yeyeesi nagwon i töili kune. ¹³ Nene ŋo ’bayin nagon a ’de’ya mugun ko ŋun i komoŋ i ŋo liŋ nagon a gweya kune. Kogwon ŋo liŋ a limu kana ko a banyaki koke i meta ko lepeŋ logon yi mo kwekwekin kulya kaŋ lo. ¹⁴ Nyena, gwöti nagwon yi gwon ko koane duma lo lwölwöŋgu logon aje tulöddu ki yu lu, lepeŋ a Yesu ꜧuro lo ꜧun, tiyi ’depakindi ta go kayaŋ rukesi ti yupet, ¹⁵ kogwon yi 'bak lele koane duma likaŋ logwon bubulö dendya tomunyan nikaŋ, ama yi kata ko lele ŋutu geleŋ logon a tema ko möriesi i ŋo liŋ gwöti yi, ama lepeŋ 'bak toron. ¹⁶ Nyena ti yi wuta ko tuöli geleŋ isi’daet na ’busan, anyen yi wuju won na konyen, ko i a ryeju na ’busan nanyit iŋarakinda idiŋit na yöŋö.