¹ Nyenagon, luŋasirik lo wule, ta ŋarundya luŋu na ki. yeyeji ta Yesu, Lepeŋ logon a Luyökie ko a Koane duma lo yupet nikaŋ. ² Lepeŋ a lo to’diri ko ꜧun, lo wuluŋdyö lepeŋ lo, 'döki gwoso na gondi Mose ko to’diri köju i kita ko Ŋun i 'baŋ liŋ nu. ³ Ama Yesu a wuju bulet duma parik lwöŋu Mose, kogwon nye lo gweja kadi lo wuju töwesi jore löŋgu kadi ŋotena. ⁴ Kadijik liŋ geleŋ geleŋ ŋuto lo gweja, ama ŋo liŋ gweya Ko ꜧun. ⁵ Kogwon Mose köju a lo to’diri ikita a kölipönit ko ꜧun i 'baŋ ’bukuluŋ, i tokujö na ŋo nagon mo jajama i diŋit na ŋerot; ⁶ ama Kristo a lo to'diri i gwon a ꜧuro lo meddya 'baŋ na ꜧun liŋ. Yi a kadi na lepeŋ, ko yi a gwon'dan go a purwat ko i yendu na kine kuya. ⁷ Nyena gwoso na kulyani Mulökötyo Loke na adi, I lo lor ko ta a yiŋ gworo loyit ⁸ ko togo’yu ta töilyet kasuk, gwoso na renyani ta nye köju, i diŋit na tembi ta nye i yöbu nu. ⁹ Ina köju idiŋit na Merenyejin kasuk na tembi se nan nu, ma’di nagon se a met ŋo na kon nan kune i kiŋajin merya iŋwan. ¹⁰ Nyenagon nan köju a woran ko ŋutulu ti inu toberon, a nan köju kulyani adi, Lepeŋat idiŋitan liŋ yayaŋi kase i töilyet, a se gwe ti den kikolin kuwe. ¹¹ Nyena a gwe gwöti na milyejii nan iworan nio adi, Lepeŋat kwöŋ ti lupö kuwe i pirit na yukan. ¹² Kunyar ta pon luŋasirik kwe, an lele losuk gwe ti gwon ko töili loron lo ’bak yupet, töwili logwon löpuködu kaŋo ko ꜧun logwon jörun. ¹³ Ama kukuji ta ’borik temba i lor, gwati nagon diŋit na luŋu adi i lo lor na, an lele losuk gwon ti togolo i töili ko mumulukesi ti toron. ¹⁴ Nyenagwon yi gwe a lo ŋarju ko Kristo i pirit na geleŋ ko yi a ’depakindya go tojo i ’dutet, i yeŋdu na lepeŋ gwoso i suluet na. ¹⁵ Nyena gwoso na wuröni nu adi, I lo lor ko ta a yiŋ gworo lo lepeŋ, ko togo’yu ta töilyet kasuk, gwoso na renyani ta nye köju nu. ¹⁶ Lepeŋat a Ko ŋa logon a yiŋga gworo lo ꜧun a renyani ko lodog? 'bayin a se liŋ logon Mose a joun kaŋo Ejipeto yu kulu. ¹⁷ Lepeŋ a woran ko ko ŋa kiŋajin merya iŋwan? 'bayin a Lepeŋat logon a torondya kulo, logon a twatwa a mugunya kase 'do'done i yöbu yu nu. ¹⁸ Lepeŋ milyeju ko ko ŋa adi se ti lupö kwöŋ kanyit i yukan? ko 'bayin ko lepeŋat logon a renya yubbö na lepeŋ kulo. ¹⁹ Yi medda adi lepeŋat ti bulö lupö kayik i pirit yukaet kogwon se a ko yubbö.