¹ 1Nyenagon ti yi titiriku go i ’debba na ŋo nagon yi aje yiŋ kune, anyen yi gwon ti jeletaji kaŋo kata. ² ko Saresi lo jama köju ko malaikajin kulo a kweja adi alorigo, a konesi narok se ko 'beleŋgu na löti wuji ropet nagon jujukin, ³ nyena yi de rwöddu ada ko yi lalaun ŋina lwökit duma? Matat ko mugun lo laija a kokwe ŋina lwökit, a ŋutulu lo yiŋga lepeŋ kulo tukökindi yi adi a gik. ⁴ a iŋina diŋit kata ni ꜧun köti ko mugun jundi ko kweyesi, se ko söresi, ko kitajin temejik ka’de ka’de, ko i gwelakinda na ’dokesi ti Mulökötyo Loke gwoso na ’deggi nye na. ⁵ Kogwon ꜧun a ko wulökin malaikajin i sarju na kak i ponda, nagon yi kulo jambu kulya kanyit na. ⁶ Lele ŋuto a tokujö inene pirit adi, ŋuto a nyo? logon do yeyeju lepeŋ? kode tore lo ŋuto logon do medda lepeŋ 'bura? ⁷ Do a konda ꜧuto a lo’did madaŋ i metet ko malaikajin, do a tojub lepeŋ ko Ioguya lo minyo ko bulet. ⁸ Do tindu lepeŋ iryokakinda na ŋo liŋ kak. ko a lepeŋ logon köju ꜧun a tindu ŋo liŋ i dulakinda ko lepeŋ imokosi, nye a ko kölörö neneŋo kaŋo nagon a ko tiki ko lepeŋ iriŋit. Ama soŋinana yi a ko nyuŋ met ŋo liŋ ko lepeŋ i riŋit. ⁹ Ama yi a met lepeŋ, Yesu, logon a to’dita i malaikajin ko diŋit a na’dit, lepeŋ a tojupu ko Ioguya lo minyo ko bulet kogwon ŋoŋga nayit a ko twan na. kogwon ’busan na ꜧun lepeŋ mo wawaŋ twan kogwon ꜧutulu liŋ. ¹⁰ Nyenagon ana'but ko ꜧun, kogwon Lepeŋ, ŋo liŋ gwon jörun ko a kayik. i jounda na ŋwajik jore i minyo, a na’but ko lepeŋ i tindu na ka’dolanit lo lwökit nase igwon jojo gwak, kogwon ŋoŋesi na ŋoŋgi nye kune. ¹¹ Lepeŋat liŋ, katokelanit ko lepeŋat liŋ logon a totokela kulo a ti Monye geleŋ. Nyena ko ina kwe a nye tine yu kwe i luŋgu na se a luŋasirik. ¹² A nye kulyani adi, Nan mo tokukindö luŋasirik kwe karin kunök; nan mo yulukindö do puresi i kiden na Kanisa. ¹³ Ama 'döki, Nan mo yinikiŋdyö mugun ko lepeŋ. mete, Nan malo ni ko wajik logon ꜧun a tikin nan kulo. ¹⁴ Nyenagon, gwoso na ŋarji wajik mugun ko rima, lepeŋ a ŋarju kilo ŋo ko lepeŋat 'daki a geleŋ, anyen lepeŋ i kiko lo twan mo tukarju nye logon koriŋit na twan lo , ilo kaŋöönit, ¹⁵ kinneŋo a konda tina anyen lepeŋ lakaddu kilo liŋ a lui, logon a tindu gwiliŋisi kase i to'dupeton kogwon kujönö na twan kulo. ¹⁶ Kogwon ’diri lepeŋ 'bayin ŋarakinda malaikajin, ama nyakwariat ti Abarayama. ¹⁷ Nyena ana'but parik i ponda na lepeŋ gwoso luŋasirik kanyit i ŋo liŋ, nyenagwon anyen lepeŋ gwon ko won na konyen ko a koane duma lo yiyiniki i konesi ti ŋo ti Ŋun, anyen nye lalaju toronjin ti ꜧutulu. ¹⁸ Kogwon Yesu ko mugun a ŋoŋga ko a tema, lepeŋ bubulö ŋarakinda se logon a tema kilo.