¹ kӧju ’beron ꜧun a jambu ko merenyejin kaŋ ko nebijin i kutusin i diŋitan jore ko i kikolin ka’de ka’de. ² Ama i kulo perok ti ’dutet nye a jambu ko yi i kutuk na ꜧuro, logon lepeŋ a wulun i gwon a pirutat lo ŋo liŋ. 'daki kogwon lepeŋ, ꜧun a gweja kak ’bukuluŋ. ³ Lepeŋ a parara na minyo lo ꜧun, a ŋӧjinӧti gwak lo kelaji ko lepeŋ. Lepeŋ ’debba kak ’bukuluŋ ko kulyaet lonyit lo riŋit. I mukak nagon nye aje lalaju toronjin nu, a nye si’dakine kak i konin lutaten lo Mor ki yu. ⁴ A lepeŋ poni a duma Iwolwöŋ malaikajin kogwon karin na gwiki nye kune ana'but parik lwolwöŋ ti lepeŋat. ⁵ Kogwon lele a ŋa i malaikajin logwon ꜧun a kulya adi, Do a ꜧiro lio; i lo lor nan gwe a monye ilot? Kode lele a ŋa i malaikajin logwon ꜧun a kulya adi, Nan mo gwon a Monye loyit, a nye mo gwe a ꜧiro lio? ⁶ Ama 'doki, na jondi Ŋun Ŋuro lonyit kayu lo ina kak, a nye kulyani adi, ti malaikajin liŋ ti Ŋun kwakwadi lepeŋ. ⁷ I kulya ti malaikajin a nye jambi adi, Nye lo kondya malaikajin kanyit a mulӧkӧ, a kondi kakitak kanyit a ŋedepa ti kimaŋ. ⁸ Ama i kulya ti ꜧiro lepeŋ kulya adi, Pon ꜧun, si ’daet inot na tumatyan yeyeŋon ŋupi. Ture lo lӧti lo rigwo aTure lo tumatyan inot. ⁹ Do a nyarju lӧti lo rigwo a do mandi kulya narok, nyenagon ꜧun, ꜧun ilot aje we'ya do ko welet na lyӧŋӧn lwӧlwӧŋ ber kulӧk. ¹⁰ I suluet Matat do a togwo’ya togwi’diesi ti kak, a ki kune a kita na könisi kulök. ¹¹ Lepeŋat mo lilikin ama do yeyeŋon, se liŋ mo tutŋgö gwoso boŋgowat. ¹² Do mo ŋuŋudut se gwoso boŋgo mutket; a se mo lousani gwoso boŋgwat, ama do yeŋon jojo, a kiŋajin kulök tine ’duddö. ¹³ Ama lele a ŋa lo malaikajin logon ꜧun a kulya inene diŋit adi, "Si’dakine kuwe ikönin lutaten, tojo ko nan a tin merok kulok a sopet inot na mokosi"? ¹⁴ 'bayin a se Malaikajin liŋ logon a mulökö kakitak, ko logon a sonyo i medda iŋarakinda na ŋutulu logon mo wuju lwökt kulo?