¹ Kogwon Saresi swak a tölimöt lo ŋo na’but na popo kune, ’bayin a ŋöjinö gik ti ŋo kune. kilo lo tu ko ꜧun lepeŋat tine bulö kona a lo’but adi mit ko kilo Lubaŋgajin logon nyögu wuki temba i kiŋa kulo. ² A ko ködö kolo lubaŋgajin bubulö tindu ŋutulu i gwon a lo’but adi mit, a se ködö tine bulö wuki 'döki, kogwon kakwakwasak kulo ködö aje tokela daŋ geleŋ a jo, a töilyet kase 'döki ködö tine yeyeju adi se a konda toron. ³ Ama kölumbö kilo lubaŋgajin toyiyikindö ŋutulu toronjin kase temba ikiŋa, ⁴ kogwon rima ti dwöni ko ti yidin ti bulö joŋga toronjin kaŋo kwöŋ. ⁵ Ko ina kwe, i diŋit na poni Kristo i na kak nu, lepeŋ a kuya adi, Do a ko 'dekan lubaŋgajin se ko ’dokesi, ama do aje tetenakinda nan mugun. ⁶ Do ti lyöŋön ko lubaŋgajin lo ’yu’yura ’buluŋ se ko lubaŋgajin ti toronjin. ⁷ A nan kirut kuyani adi, mete Nan malo pon ꜧun, nan aje po i konda na ŋo nagon do ’de’dekan kune, gwoso na wurökini kuya kwe i nene na bukön könuk nu. ⁸ Togeleŋ lepeŋ a kuya adi, Do ti 'dekan lubaŋgajin kode ’dokesi, kode lubaŋgajin lo ’yu’yura ’buluŋ, kode lubaŋgajin ti toronjin, do 'bayin lyöŋön ko se, ma’di nagon se a wuki gwoso i saresi nu. ⁹ A kirut lepeŋ kuyani adi, mete Nan malo, anyen konda ŋo nagon do ’de’dekan kune. lepeŋ a joŋga kaŋo konesi togeleŋ anyen togwi'dikinda konesi tomurek. ¹⁰ Kogwon kine ’dekesi yi aje tokela kogwon mugun na Yesu Kristo a wuki a rubaŋga daŋ geleŋ a 'dutet. ¹¹ Koanejin liŋ gwi'dikin kita i nyöggu wukinda na lubaŋgajin logilijuk temba i lor. Lubaŋgajin logon ti bulö joŋga toronjin kaŋo kwöŋ. ¹² Ama Kristo wukinda mugun a lubaŋga lo toronjin daŋ geleŋ asut, a lepeŋ si ’dakini kak i könin lutaten lo ꜧun. ¹³ Lepeŋ möndu tojo ko merok kayik a tiki a tiket na mokosi kayik. ¹⁴ Nyena kogwon wuki na lubaŋga geleŋ swak, lepeŋ aje tindu ŋutulu logon nye a toke kulo i gwon a lo’but adi mit a'dutet. ¹⁵ A Mulökötyo Loke 'döki tokurukindi yi. i mukak na jambi lepeŋ adi, ¹⁶ Matat lo kulya adi, Na a tomoret nagon nan mo kon ko lepeŋat i mukök na kulu perok, nan mo tikin saresi kwe kase i töilyet, a nan mo wurökindi se ko lepeŋat i yeyeesi. ¹⁷ A lepeŋ ’yalakindi adi, Nan mo tine yiyiun toronjin kase ko lyaŋesi kase 'döki. ¹⁸ Nyenagon ko pitöki gwe kata i kine ŋo, a wuki na lubaŋgajin ti toron gwe 'dayin. ¹⁹ Nyenagon luŋasirik, yi gwe 'bak kujönö i lupöddu i pirit nake na rurwan parik na kogwon rima ti Yesu. ²⁰ Ilu a kiko ludukotyo ko a toruet logon Lepeŋ a togwi'dikin yi ikiko lo boŋgo koret, kode mugun nayit. ²¹ ko a koane duma logon medda 'daŋ na ꜧun, ²² Ti yi mijörö ta ko töilyet ti to’diri logon a den 'bura adi nye ko yupet, ko töilyet kaŋ a gwagwata ko a tokela i yeyeesi narok, ko mugunya kaŋ aje lalai ko pioŋ na loŋ. ²³ Nyena ti yi ’depakindi ta go i yenet nagon yi a ruk na, kogwon nye lo milyekindö lo a lo yiyiniki. ²⁴ Ti yi yeyeji ta 'bura ko yi ködö jujuja 'barik ada i tunyar ko i kondya na ŋo na’but. ²⁵ Ti yi gwe ti kölökindö momorja ko ’börik, gwöti na kondi kule ŋutulu na, kölumbö togo’yi ta ’börik bia parik, kogwon meteta lor ŋilo mijuu nyona. ²⁶ Kogwon ko yi yiŋikin wulundö konda toron aka i mukök nagon yi aje wuju denda na to’diri, a lele lubaŋga lo wuki toronjin gwe ’bayin. ²⁷ Ka’de yi yendu ko kujönö putet lo popo se ko kimaŋ na pape nagon mo tumbö merok ti ꜧun. ²⁸ ꜧuto logon a 'beleŋgu Saresi ti Mose i komoŋ na ŋutulu murek kode musala, lepeŋ pepeŋa ’bak won na kowen. ²⁹ A kirut yeyeji ta riŋet gwanan nago parik nagon jujukin ropaki ŋuto logon a ryokakinda ꜧuro lo ꜧun kak, a kondi rima ti tomoret nagon a lalaju lepeŋ kune a ŋo kana, a lepeŋ laundi Mulökötyo lo ꜧun lo ’busan? ³⁰ Kogwon yi deden nye lo kuya adi, kuya ti robba Kine a kwe , nan mo roropakin. ko nan nyönyök, Matat mo ’duŋökin ŋutu kayik putet. ³¹ a gwe a kujönö parik, ko logon a ’doro i könisi ti ꜧun logwon jörun. ³² Ama yiyiji ta perok ti köju kulu, i mukök nagon ta aje kweki parara, ta a gwo’de go iŋoŋga na sasanyesi jore. ³³ Ta a ’dö’döyö ko ŋutulu jore i komoŋ ko a konaki arabat, a i kunie diŋitan a ta ŋarji ko ŋutulu lo konaki arabat gwoso ta kulo. ³⁴ Kogwon ta a ŋarunda sasanyesi ti kilo logon a rereka, ko ta a ruk ko lyöŋön raka na ŋo kasu nu, kogwon ta a den adi ta kata ko ŋo na’but parik nagon yeye-ŋon. ³⁵ Nyenagon ko gumara ta topurwan nasu kaŋo, nagwon gwon ko ropet duma na. ³⁶ Nyena 'de'dekan ti ta gwo’de go kogwon ko ta aje kondya ŋo nagon ꜧun ’de’dekan kune, a ta wuji ŋo nagon nye a milyekin tindu ta kune. ³⁷ Kogwon yöŋgi diŋit a na’dit nye logon popo lo mo ’du’dur, 'bak karakin. ³⁸ Ama lepeŋ lo rigwo lo mo gwon jörun kogwon yupet, ama ko nye a kukutörö bot a nan mo tine lyöŋön ko lepeŋ. ³⁹ Ama yi 'bayin a kulye ti kilo logon löpuködu bot i tukara, ama yi a ti ŋutu lo gwon ko yupet kulo ko ridda ködudwölön kase.