¹ Nyena yupet gwon a yiyinikindö na ŋo nagon yi yeyen kune adi a gwak, ko deden adi ŋo nagon yi ti met kune ’diri kata. ² Nyena Kogwon sona merenyejin kulo a rukö kogwon yupet nase. ³ Kogwon yupet, a yi kurundi adi na kak ’bukuluŋ a gweya ko kuleyeet lo ꜧun, nyena ŋo nagon yi memet kune gweye kaŋo i ŋo nagon ti meta. ⁴ 4Kogwon yupet, Ebele a wukiŋdya ꜧun lubaŋga lo’but Iwolwoŋ lo Kaina; nyena a kwekindi adi nye a lo rigwoa, a ꜧun jambi kuya kayik a na'but a lyöŋe ko ’dokesi kayik, Nyena kogwon yupet Ebele dede jajambu ma’di naga a twan. ⁵ Nyena Kogwon yupet, Enoka a joŋa ki anyen lepeŋ gwe tine met twan. a lepeŋ gwe a ko rye kogwon ꜧun a joŋ lepeŋ kaŋo. kogwon i diŋit nagon lepeŋ dede a ko joŋa ki nu, Kuya kayik a jama adi lepeŋ a tulyöŋgu ꜧun. ⁶ Nyena ko yupet ’bayin gwon a nago i tulyöŋgu na Lepeŋ, kogwon 'de'dekannikin lo ponda ko ꜧun ni lo ti yubi yubö adi nye kata, köti adi nye roropakin kilo lo ga’yu nye lo. ⁷ Nyena Kogwon yupet, a Noa yupi loŋe lo jaki lepeŋ ki yu lo jambu kuya ti kukuesi ti ŋo nagon dede a ko metta, i kujönö nayit na ꜧun a lepeŋ ’duggi ki’bo anyen lwöggu 'baŋ nayit. Nyena na kondi tina, a kak ’bukuluŋ ’duŋökini putet arabat, a lepeŋ gwe a köpiröti lo löti lo rigwo kogwon yupet. ⁸ Ko gwon yupet, Abarayama a ruk luŋu nayit ko ꜧun anyen ŋiörö i jur logon ꜧun a milyekin i tiŋdu na lepeŋ a lomore loyit lu, a lepeŋ ŋiörö i tu ako den ko nye tu da. ⁹ Nyena Kogwon yupet, a Lepeŋ si’dani a juranit i jur logon ꜧun a milyekin tindu lepeŋ lu. A lepeŋ si’dani i kemialan se ko Yisaka ko Yakobo logon a nyakwarat loŋarunda 'döki ilo milye lo lomore. ¹⁰ Kogwon lepeŋ mettadu ikowe i möndu na köji nagon yiyie ko togwi’diesi kayik ko ’duggö liŋ kona ko ꜧun. ¹¹ Kogwon yupet, Sara ko mugun nanyit ma’di nagon nye ti yumeju na a wuju riŋit anyen pipigga ko a yumöunda , kine ŋo akonda tina i mukak nagon gwe a modoŋ, kogwon lepeŋ na a yup adi nye lo milyeju lo a lo yiniki i ŋo na milyeji nye na. ¹² Nyena i ilo ŋuto geleŋ logon gwe nyona ko twan lo a yume nyakwarat jore parik gwoso kaser ti ki, ko gwoso sese nagon ti bulö kena na gwon i kijit na tör. ¹³ A lepeŋat liŋ twatwane i yupet, ko lepeŋat a ko wu ŋo nagon a milyeki i tiki se kune, ama lepeŋat a met kine ŋo pajo a se iŋge yup a lyöŋi ko se. A se kurundi ko kuyani koke adi se a jurö ko a legelok i na kak. ¹⁴ Kogwon kilo lo jambu ŋo gwoso kine kulo a kwekinda koke adi se ga’yu jur lose. ¹⁵ A ko se ködö a yeyeju jur logon kö ponda kaŋo kata lu, a se ködö aje rö kwake na’but nagon kö witöni bot, ¹⁶ Ama ko gwe so na, lepeŋat 'dek jur lo’but parik logon a lo ki. Nyena ina a kwe nagon ꜧun ti yu kowe i luŋu a ꜧun lose, kogwon lepeŋ aje tetenakin lepeŋat köji. ¹⁷ Kogwon yupet, Abarayama i diŋit na temani Lepeŋ nu a wukinda Yisaka a lubaŋga. ꜧilo a ŋiro loyit logeleŋ lo wukin Lepeŋ lo, ma’di nagon ꜧun a milyekin lepeŋ adi, ¹⁸ Nyakwariat köluk mo pipilunda ko Yisaka. ¹⁹ Abrama atimun adi ꜧun bubulö toŋiju ŋutulu ma’di i twan, gwoso na jama i lilim na adi lepeŋ ’diri a wuyun ŋiro loyit bot ko lepeŋat. ²⁰ 'döki'do Kogwon yupet i ŋo ti molua na popo Yisaka a ’boroja Yakobo ko Esau. ²¹ Kogwon yupet, a Yakobo ’boroji wajik ti Yosepa geleŋ geleŋ i diŋit nagon gwe nyona ko twan nu; a lepeŋ dulakini i kwakwaddu töggu mugun ko kowe na ture loyit. ²² Kogwon yupet, i diŋit nagon Yosepa gi nyona ko twan nu, a lepeŋ jambi kuya ti yuörö na ŋutulu ti Yisaraele kaŋo i Ejipeto adi ti se barara kuyu kayik. ²³ Kogwon yupet, monye ko ŋote Mose a ’de’ya lepeŋ ko yapala musala i mukök na yume nayit, kogwon se a met adi lepeŋ a lupudi loke parik, a lepeŋat gwe a ko kujönö saret lo mor. ²⁴ Kogwon yupet, i diŋit nagon Mose aje ’durjö nu, a lepeŋ renyani luŋu a ŋiro lo ŋiro na Paro. ²⁵ lepeŋ a wulundö sasanya ko ŋutulu ti ꜧun i pirit na geleŋ, Iwolwöŋ tulyöŋgu na mugun ko ŋo ti toron ko diŋit a na'dit. ²⁶ Lepeŋ kenda adi lawe i kulya ti Masia gwon a ’bulit duma lwölwöŋ tukwörienjin ti Ejipeto, kogwon lepeŋ mettadu ŋerot kayik i ropet na popo. ²⁷ Kogwon yupet, Mose a kö’yu Ejipeto, lepeŋ ako kujönö woran na mor; ko lepeŋ a ŋoŋga go gwoso nye a med logon ti bulö meta lo. ²⁸ Kogwon yupet, lepeŋ a konda Pasaka, ko a gwagwaddu rima anyen malaikatat kapeŋanit lo wajik kayujin lo gwon ti ’bo’yu wajik kayujin ti Yisaraele. ²⁹ Kogwon yupet, a se laggi Tör Nator gwoso nagon se wörö i kak nateyon; ama a na mori ŋutulu ti Ejipeto i laŋgu nu, a kö 'dire’dirön. ³⁰ Kogwon yupet, gorom nagon a mariŋ na Yeriko a duyömökindö kak i mukök na loŋi lepeŋat perok buryo nu. ³¹ Kogwon yupet, Raba nagon a kawute na a ko twan ko kilo logon ’bayin a kayupök kulo, kogwon lepeŋ a wuju kawirak kulo ko taliŋ. ³² Nan jambu nyo jore? Diŋit nio ’bayin nagon nan jambi kuya ti Gidiona, ko ti Barak, ko ti Simasona, ko ti Yepeta, ko ti Dawidi, ko ti Samuele se ko ti nebijin. ³³ Kogwon yupet, lepeŋat a te’ya tumatyanjin, a konda torigwo, a wuju ŋo nagon ꜧun a milyekin tindu se kune. Kogwon yupet, lepeŋat a mu’dut kutusin ti kömirukö, ³⁴ a peŋ riŋit na kimaŋ, a rwöddu peŋa ko bandok. lepeŋat a wora a logo i tomunyan nase . Agwe a wajin kamörök, ko a te'ya teŋon ti kamorök logon a ti jurön. ³⁵ Wate wuju bot ŋutulu kase lo toŋiyu itwan. Kule kulo a tomie, lepeŋat a reny lake kaŋo anyen se röju ŋien iru na’but. ³⁶ A kule kulo a ŋoŋga ’dö’döyö, ko yumö, ko tora ko toŋot, ko tiki ikadi rereket. ³⁷ lepeŋat a gugumai ko ŋurupö, ko a tutupöi, ko a peŋa ko bandokjin. A kö wöröni jupu gobero ti kabelok, ko ti yidin, lepeŋat a lomerika, a sasanya, ko a konaki arabat. ³⁸ Na kak ako jukin igwon a na’but ko lepeŋat. A se wöröni abur iyöbuöt ti sese, ko imereya, a sisi’dani ikuggiöt ko idiliyö ti kak. ³⁹ ma'di nagon Kilo ŋutu liŋ, ꜧun a ruk kogwon yupet nase, lepeŋat a ko wu ŋo nagon ꜧun a milyekin tiŋdu se kune. ⁴⁰ ꜧun a yiyikindö yi konet na ŋo na’but parik, adi lepeŋat ti bulö tetena a lo’but adi mit ko yi 'bayin.