¹ Nyenagon, gwöti naga yi aje loŋaki kiden ko ’diko duma na kwekinda yupet, ti yi tiki ta i meretet ŋo liŋ na totoŋu, se ko toron na palyalya i moga na yi, ti yi ŋoŋgi ta imöröddu wökön na opere nagon kayaŋ ŋerot ina. ² Ti yi dirji ta Yesu, kasuluwanit lo yupet, ko lo 'deba tojo ijukin 'bura lo. kogwon lyöŋön na gwon kanyit ŋerot nu, a ŋoŋga ködini na görö a ko yeye yu na kwe, ko a si’daki kak i könin lutaten lo si’daet na ꜧun. ³ Nyenagon yeyene ta nye logon a ŋoŋga yuykesi ti katoronyak logon a yuyugö lepeŋ kulo, anyen ta gwon ti dara ko tine gwon ko töilyet lomunyak. ⁴ Ta dede a ko mörju parik i mörö ko toron tojo ikwake na rima, ⁵ ko ta aje böŋö ŋariesi na kukuju ta gwoso wajik kayik; Adi, ŋuro lio, an do ko lalaun riŋesi ti Matat, ti töili ilot gwe ti kanya ko lepeŋ kukuju do. ⁶ Kogwon Matat riŋga nuto logon nye nyanyar, ko lepeŋ ’biddö wajik liŋ logon nye a ruk kulo. ⁷ ŋoŋgi ta dariesi gwoso riŋesi. ꜧun kita ko ta gwoso wajik kayik. Lon ꜧiro logon monye ti riŋ? ⁸ Ama Ko ta gwon 'bak riŋa, nagwon ŋutulu liŋ ŋarju nye na, kweja adi ta ’bayin a wajik ti ninu 'baŋ ta a juwe kaŋo. ⁹ I to ŋerot, Komonye kaŋ ti na kak köju a riŋga yi a yi twöji lepeŋat, gwanan parik ko yi ruggö twöju Monye lo ködudwölön kaŋ anyen yi gwon jörun! ¹⁰ Komonye kaŋ ti na kak riŋga yi ko diŋit a na’dit gwoso nagon lepeŋat met adi a na’but na; ama ꜧun Monye riŋga yi anyen yi ryeju ’bulit iŋarunda na kelan nayit. ¹¹ I diŋit nagon ŋiro ririŋa nu mimien parik, lyöŋön ’bayin kwön, ama imukök a kine riŋesi rade a ludweki ti taliŋ ko ti löti lo’but itöilyet ti ŋutulu logon a 'durundö iriŋa kulo. ¹² Nyena togole ta könisi kasuk lokolokak kilo ko kuŋuwat kasuk lukadapak kilo, ¹³ tetenaki ta mokosi kasuk kikolin lo rigwo, anyen mokot logon a ŋode gwon ti puledda, ama anyen totokela. ¹⁴ kepbita ta gwon taliŋ ko ŋutu liŋ, ko gwiliŋit Ioke, kogwon, 'bak gwilinit loke lele ’bayin lo meddya Matat. ¹⁵ Kunyar ta, ti lele geleŋ gwe ti gwon 'bak ’busan na Ŋun, ko gwon anyen murulö lupötör gwe ti punyun i jounda tuka'de, anyen gwon ti 'yodda kule jore. ¹⁶ Ko ti, tilele geleŋ gwe ti gwon a kalupönit kode ko gwiliŋit lo ’beron lo 'bak Ŋun, gwoso Esau logon a tugwör tokayu nayit ko töndi gelen na kinyo. ¹⁷ Nyena ta a den adi, imukök nagon lepeŋ yöŋöni ’boriet. ama a renyanikin, kogown lepeŋ ryöne kwake gwe 'bayin löpuket, ma’di nagon nye a mamaŋdu parik ko ŋolitan. ¹⁸ Ta a ko ’dur i Mere logon bubulö tanya, mere logon kobu a kimaŋ, ko a mudwe, ko a köbuŋöt wome, ¹⁹ ta ako po i kuta na tore, kode i gworo lo jambu kuya , logon kayiŋak mo’yi adi ti se gwe ti jamaki kulye kulyaesi. ²⁰ Kogwon lepeŋat ti bulö ŋoŋga saret lo tiki lo; adi ma’di kijakutat ko a ’bo’yu mere lo, gugumai ko ŋurupö. ²¹ nyena, kine ŋo totokujöndu i meta, a ma’di Mose kuyani adi, Nan kukujönö ko bö-böndu . ²² Kölumbö ta a ’dur i mere Siona, i köji na ꜧun lo gwon jörun, a Yerusalema na ki, ko alipan döŋin puök ti alipan ti malaikajin i omoret na lyöŋön. ²³ ta aje po i momoret na ŋwajik kayujin, logon karen kase a wuröki ki yu kulo. Ta aje po ko ꜧun logon a Ka’duŋönit lo putesi lo liŋ, ko i ködudwölön ti lo rigwo, logon a kona a lo’but kulo. ²⁴ Ta aje po ko Yesu logon a katomoranit lo tomoret ludukötyo. ko i Rima na gwagwata nagon jambu 'bura parik lwölwöŋ ti Ebele kune. ²⁵ Mete ta, an ta ko renya ta nye lo jajambu lo. kogwon ko se ti bulö rwöddu logon lepeŋat a ko ying i kunyarju na se köju i kak ni kulo, a yi kirut mo rwöddi ada ko yi a löpu-köddu kaŋo i yinga na nye lo kunyarju yi ki yu lu. ²⁶ I nene diŋit, Gworo lonyit a böböndu kak , ama soŋinana lepeŋ aje milyeju adi, Nan mo böbön dan geleŋ 'döki 'bayin a kak swak ama ko ki 'döki. ²⁷ ilo kulyet lo jambu adi, Daŋ geleŋ 'döki lo, nyönyögu adi, ŋo na gwegweya kune mo böbönö a wusani wusa, a ŋo nagon ti bulö böbönö kune mo na pitökini. ²⁸ Nyenagon ti yi tindi ta tinate kogon yi aje wuju tumatan nagon tibulö böbönö. Ti yi kwakwaddi ta ꜧun i kiko logon tulyöŋgu lepeŋ i kugga ko i kujönö, ²⁹ kogwon ꜧun likaŋ a kimaŋ na 'yurja adi kuyuk