¹ Yeŋe ta i nyarju na toluŋaseran. ² Anta ko böŋö wuju jurön a kömu. kogwon Kulye köju a kondya sona a wuji malaikajin 'bak dened, ³ Yeyene ta ŋutulu logwon i kadi rereket gwoso nagon ta a rereko ko se i pirit geleŋ.Yeyene ta ŋutulu logon sasanya, goso naga ta 'döki a se i mugunya. ⁴ Ti yema 'depani ko twöju ko ŋutulu liŋ, ko ti totoet gwe ti toluta, kogwon ꜧun mo ’du’duŋgö putet lo kawutejin ko ti kalupök. ⁵ Ti gwiliŋisi kasuk gwe 'bayin i nyarju nagurut, yimönöni ta ko ŋo nagon kata kasuk, kogwon ꜧun ko mugun nanyit a kulya adi, Nan mo ti kölökin ta kode paju ta. ⁶ Ti yi gwe ko yimönö anyen yi bubulö jambu a logo adi, Matat a kaŋaranit lio; nan ti kujönö, nyo nagon ŋuto bubulo konakinda nan? ⁷ Yeyene ta ka'dolak kasuk, lo jamakinda ta kulyaet lo ꜧun kulo. ko Yeyene ta kweyesi ti gwiliŋisi kase i 'dutet nase, mirundi ta yupet nase. ⁸ Yesu Kristo gwon a nye lo geleŋ lo kaje, ko i lo lor, ko ŋerot 'bak 'dutet. ⁹ Ti ta gwe ti togiraji kaŋo ko todinesi ka’de ka’de nagon legelok . kogwon a na’but ko twöli a togolo ko ’busan na Ŋun, 'bayin ko kinyo logon ti ŋarakinda se lo wörö ko nye kulo. ¹⁰ Yi gwon ko pirit ’yuret na lubaŋgajin nagon koanejin lo kita i Kemia katayu kulo 'bak riŋit i nyesu kata. ¹¹ Kogwon rima ti kijakua lo peŋa ati toron kulo juwe ko Koane duma kadikata i Pirit Nake na Rurwan na; ama a mugunya ti kilo kijakua 'yurani i kaŋo na kemia. ¹² Nyena Yesu 'döki a ŋoŋga kaŋo na kötumit na köji, anyen toke’ya ŋutulu ko rima kanyit. ¹³ Nyenagon ti yi wuti ta kaŋo na kemia kayik yu, i lawe gwöti lepeŋ. ¹⁴ Kogwon yi ’bak köji na yeyeŋon i kak ni, ama yi ga’yu nagon popo malu nu. ¹⁵ Nyegon i keren ti lepeŋ, ti yi i diŋitan liŋ wukindi ꜧun lubaŋga pupuret logon a lude ti kutusin kayaŋ i ’dinda na karen kayik. ¹⁶ Ti yi ko böŋö konda ŋo na’but i ŋarju na ŋo ko kule ŋutulu. Kogwon kilo a lubaŋgajin logon tulyöŋgu ꜧun. ¹⁷ Twöji ko kuŋge ta temejik kasuk, kogwon lepeŋat yeŋon tiju köduduölön kasuk gwoso ŋutu logon mo pipiya i kulya kasuk. Twöji ta lepeŋat anyen se kita ko lyöŋön, ama 'bayin i deliya ko ’du’duatu, nogwon de ti gwon ana'but ko ta. ¹⁸ Kwakwaddi ta ko yi, kogwon yi a den adi yi ko yeyeesi na'but ko yi 'bek si'da 'bura i ŋo liŋ. ¹⁹ Nan junyökindö ta parik i konda tina, anyen nan bubulö witö kasuk ini adi wulek. ²⁰ Nyena ꜧun lo taliŋ, lo toŋiju Matat likaŋ Yesu i twan, logon a kayukunit duma lo yidin, matat likaŋ Yesu, kogwon rima ti tomoret lo milye lo yeŋ nyin. ²¹ Ti tojubbi ta ko ŋo liŋ na ’but, i koŋdya na ’dekesi kayik. Ti nye kitani kayaŋ i mugunya anyen yi tulyoŋgu lepeŋ, kogwon Yesu Kristo. Ti lepeŋ bulani bula 'bak 'dutet ko 'bak 'dutet. Amin. ²² Nan mo’yu ta Luŋasirik, i ŋoŋga na kulyaesi jujuwesi logon nan a wurökin ta ku’dik kilo. ²³ Dene ta den adi luŋaser likaŋ Timoteo aje kӧle i kadi rereket. Ko lepeŋ a po adi wulek nan de babarara lepeŋ itu niyo imeddya na ta. ²⁴ Rome ta ko temejik kasuk liŋ se ko ŋutulu liŋ ti ꜧun. Lepeŋat logon Italia kulo a roman ko ta. ²⁵ Ti ’busan gwe ko ta liŋ.