¹ होग्गाई माना जोजे की आमाहा खिस्ता सेवक आने देवाआ रहस्या कारभारी हाय. ² ई दृष्टीकोनाकी कामाआ हाय की जोबाबदार वेअला कारभा-याई विश्वासु राआ जोजे. ³ पेन तुमाआहिने आने केडा मानवाआहीने माआ न्याय वेअरा जोजे ई माल हानी गोठ लागेहे. माआयु माआ न्याय स्वताबी नाहा केअेतो. ⁴ काहाका माआ मोन माल दोष नाहा देतो तिईयाखातोर माआयु निर्दोष ठोरू अेहकी नाहा, प्रभु ओज माआ न्यायनिवाडो केअनारो हाय. ⁵ तिईयाल हारो समय आवितावलुगु तेहकीज प्रभु आवी तावलुगु न्यायपिवाडो केअराज नाहा, तो आदारामने गोठीप उजवाडो टाकी आने मोनामने गोठ काडावी टाकी, ताहा देवाहीने होग्गा प्रशंसा वेअेरी. ⁶ आमी,पावुहु, तुमाआकेअता , माआयु ई गोठया माआकेअता आने अपुल्लोसाकेअेता उदाहरणे लागु केअया हाय. ईसाकेअता की,शास्त्रलेखाने केडोच आपुल माना नाय जोजे ई तुमाआ आमाहीने हिका जोजे,तिईया खातोर तुमाईने केडाहीने केडोच गर्वाकी पोराय ना जाजाजो तेहकीज हारी वागणुक दीन बिहरा विरोध केरा नाय जोजे. ⁷ काहाका तोम आने तिहराम फरक वेअेहे तो केडो हाय आने तुल मिल्यो नाहा अेहडो तोपाही काय हाय जिईयाअर्थी तुल होग्गेा मिललो हाय, ते तुल मिल्यो नाहा अेहकी तु काहा वोडाई केअतोहो ⁸ तुमान जिईन गोरोज हाय तो हग्गी गोठ आगलाच तुमाहाई हाय, तुमाआ पेलाच श्रीमंत वेअले हाय,तृप्त वेअला हाय, तुमान अेहकी वाटेहे तुमाआ आमाशिवाय राजा बोनी गिईला हाय आने तुमाआ राजा वेयो वेअता तें ठीक वेयो वेतो, काहाका आमाबी तुमाआरी राजा बोनी जाता. ⁹ काहाका माल वाटेहे देवाही आमान मोरायाखातुर शिक्षा देदली हाय अेहडा लोकाआहारखे शेवटुले प्रषित केअेये काहाका आमाआ तोरतील देवदुता तेहच माआहान आमा तामाशो अेहेडे वेअले हाय. ¹⁰ आमाहा खिस्ताखातोर मोडे, ते तुमा खिस्ताम हारे हाय, आमाहा कमजोर हाय, पेन तुमाआ बलवान हाय तुमाआल मान हाय, पेन आमा तुच्छ हाय. ¹¹ आमा ई टायमालुग पुखे आने पियाहाले, उघडे हाय, टोकलो, आमा बेघर हाय ¹² आने आमाआ मेहनत केअेते, आमाआ आपो हाताकी काम केअेते, आपाआ की तु तेअेहे तेबी आमा आशिर्वादुच देतेहे. ¹³ जाहा आमाआ छी तु केअेहे ताहा आमा आशिर्वाद देतेहे नाहा आमा काल वेअेहे ताहा आमाआ सहन केअतेहे जाहा आमाआ निंदा वेअेहे, ताहा आमाआ तिईयाहारी दयाकी गोगतेहे, इया टायमालुग आमाआ तोतरीकेअता डोरो आने कोपोरो अेहडे वेअले हाय. ¹⁴ माआयु तुमान लाजवुनु केअता ई नाहा लिखी रेईयो, उलटो माआयु तुमाआन माआ मोयाले पोयरा सारखो हा-या गोठी जाणिव किई दि रिईलोक हाय. ¹⁵ काहाका तुमान खिस्ताम दोहो हजार गुरू वेअरी तेबी खुब बाहका नाहा, काहाका खिस्त यीशुम देवा हारी सुवार्ता माआयु तुमान जन्म देदलो हाय. ¹⁶ इयाखातोर माआयु तुमान होमजावु की, तुमाआ पाछला आवा. ¹⁷ इयाखातोर तीमथील तुमाही मोकलुलो हाय प्रभुम तो मेरालो पोयरो आने विाश्वासुं पोयरो हाय. जेहकी माआयु होग्गीवेलो मोडलीम होळवु , तेहकीच तो ख्रिस्ताम माआ हिकवुनी ईत किई दि. ¹⁸ पेन जेहकी माआयुं तुमाआही आवनारो नाहा, तेहकीज थोडेलोक गोवाळी फगाले हाय. ¹⁹ तेहकीज प्रभू इच्छा वेअरी ते माआयु माआरीज तुमाई आवे आने तहा माल होमजाई, ई जे गर्वाकी फुगाय गिईलें अेहडे कोतेक हाय ई वेंअराखातुर नाहा ते केअते समर्थ्याकी पोराले हाय ई माआयु वेअेहे. काहाका ²⁰ देवाआ राज गोगणुप नाहा ते सामर्थ्याप रेहे . ²¹ तुमान काय जोजे माआयु तुमाआरी तुमान शिक्षा केअराखातोर लागडी ली आवा जोजे, का मोयाले आने शांती आत्माकी आवा जोजे.