¹ माआयु अेहकी बातमी उनायो हाय का तुमाम सिनालो लालुज हाय. तो अेहकी की, आपेाम केडो आपो बाहका बिहरी थे आरी खाराब संबध ठोवला हाय. अेहडया बिह-य लोकामबी नाय मिलणा-या. ² आने तेबीबी तुमाआ गर्वाकी फुगाला हाय, पेन तुमान गोठी शोक वेअरा नाय जोजेतुलो का ज्या केडाई ई खाराब गोठया केअेल्या हाय तियाल तुमामेने काडी टाका जोजे. ³ काहाका माआयु शरीराकी तूमाम नाहा तेबी आत्माकी आयु हजर हाय, आने हजर वेअलाकी तिईया माआयु आगलान न्याय केअेलो हाय. ⁴ जिईयाई खाराब गोठ केअेंली हाय. जाहा तुमाआ प्रभु यीशु नावाआकी एकजागो आवाहा आने ताहा आपोहो प्रभु यीशु ईया सामर्थ्याकी माआ तुमाआरी रिई. ⁵ तुमाआ अेहडा माआहाल शरीराल नाशकेअता सैताना ताबाम दया, काहाका प्रभु दिही आवी ताहा तिईया आत्मा तारण वेअेरा जोजे ⁶ तुमाआ अभिमान हारो नाहा थोडो सोडो होग्गो गबोलो फगवी देहे, इतुमान मालुम हाय ने, ⁷ तिईयाल तुमाआ जुनो जीवन काडी टाका, इयाकेअता की जेअहकी तुमाआन नोवोजीवन मिललो हाय ते तुमाआ एक नावा गोला होस वेअरा जोजे, काहाका आपो वल्हांडणाआ पिलको जो ख्रिस्त हाय तिईया अर्पण वेअले हाय. ⁸ ताहा आपेा जुनो जिवन आने माठया गोठया आने सिनालो की नाहा,पेन हारीगोठी आने खेरापणाआ माआहाकी सण पालु. ⁹ माआयु तुमान माआ चिठठाम लिखलो आथो की सिनालो केअनाराआरी संबध नाहा थोवा. ¹⁰ तेहकीज जोरतीपने केअेनारे, लोभी, खोटेगोगणारे आने मुर्तीपुजा केअनारे ईया संगत केरा नाहा. अेहकी माआ आखनु नाहा, काहाका हाथी तुमान ई तोरतीवने बारे पोडा पोडी. ¹¹ पेन आमी, माआयु तुमान लिखलो हाय का, खिस्ताम पावुहु आखलो अेहेडो केडो जर सिनालो केअनारो लोभी, मुर्तिपुजनारो, निंदा केअनारो, पिणारो आने लुभाडणारो वेअरी ते तिईयाआरी संबध थोवा नाया इेहडा माआहा आरी माडोबी खा नाहा. ¹² काहाका जे मोंडलीबारे हाय तिईया न्याय केअनु मा िाम संबध , तियापेक्षा जे मोंडलीम हाय तिईया न्याय तुमाआ केअेते नाहा का, ¹³ पेन देव बाआरे देनारा न्याय केअेहे तिईयाल, तुमाआ आपोमने त्या दृष्ट माआहाल बारे काडा.