¹ पावहु आत्मिक माआहाआरी गोगतो तेहकी आय तुमाआरी गोगी शक्यो नाहा, पेन तिया फासे माल तुमाआरी दैहीक माआहा होच आने खिस्तामेने हाना पोयरा होच गोगा पोडयो. ² माय तुमाआह पियाखातुर दुध देदो जड अन्नआने देदो नाहा, काहाका तुमा जड अन्न खाय शकते नाहा आने आमी शुध्दा तुमा खाय शकते नाहा आने आमी शुध्दा तुमा खाय शकते नाहा. ³ तुमा आजीभी दैहिक हाय, काहाका तुमाम मत्सर आने भांडणे चालू हाय तोओ तुमा दैहीक नाहा काय आने जगामेने माआहा होच चाकते नाहा काआ. ⁴ काहाका जाहा एक आखेहे माया पौला हाय आने बिहरो आखेहे माय अपुल्लोसा हाय ताहा तुमाहा साधारण माहा हायकी नाहा. ⁵ तोओ फासे अपुल्लोस केहे हाय आने ककेडो हाय जियावाय तुमा विश्वास थोवलो हाय तो सेवक हाय हरएकाल प्रभुय जोओ काम होपलो हाय तिया प्रमाणे तेअे हाय. ⁶ मायुय बीयारो लागव्यो आपुल्लोसाय तियाहान पांय पाज्यो पेन देवाय तियान वादव्ये. ⁷ ताहा फासे लागवुणारा काय नेय, आने पांय देणाराबी काहीज नेय पेन वादवुनारो देव ओच काय तेबी हाय ⁸ जोओ बियारो लागंवेहे आने पांय पाजे हे तोअ एक आने दरेकाल जियातिया कामा प्रमाणे आपु आपुं मजुरी मिली. ⁹ काहाका आपुल्लोस आने माय देवा सेवाकार्यात सहकर्मी हाय.तुमा देवा खेत हाय आने देवाआ इमारत हाय ¹⁰ देवाआ कृपावाय जो माल देदलो हाय प्रमाणे माय सुज्ञ कुशल बाधंणाराप्रमाणे पायो टक्यो आणे बिहरा तियाप बांधतोअ हाय, ताहा तियापेने बांधकाम आपु केहकीकेअते हाय इयाबारेमे बाठये काळजी लाआ जोजे. ¹¹ यीशु देव ओ जो टाकलो पायो हायु, तिया शिवाय बिहरो पायो केडोबी टाकी शकतो नाहा. ¹² जाहा केडो तिया पायाप सोने, चांदी, मौल्यवान दगडो, लाकडो, चारो, आने पेंढा की बाधिंहे. ¹³ आने बांधनारा बादाहा काम उघडो वेरी दरआ काम उघडो वेरी , काहाका तो दिही तेअे उगडावी दिही लावी , तो दिही आगीवाय प्रगट वेरी आने तियु आगीम दरेकाआ काम केहेडो हाय तिया फरक वेरी. ¹⁴ जिया केंडा तिया पायाप बांधलेा काम टिकीई, तियाल प्रतिफल मिली. ¹⁵ पेन केडाऐका काम बोली जाय, आने तिया नुकसान वेरी तेबी काय आगीमेने बारे पडलाहिच तारण वेरी. ¹⁶ तुमा देवा मंदीर हाय, आने देवाआ आत्मा तुमाम वास केहे तुमाल मालुम नाहा काय. ¹⁷ जाहा केडो देवा मंदीराल नाश केहे , ताहा देव तिया व्यक्तील नाश केरी काहाका देवा मंदीर पवित्र हाय आने तोओ तुमा हाय. ¹⁸ केडोबी स्वताल फसवुलु नेय स्वताल इया जगतानजरीमेने ज्ञानी वेरूलो मुर्ख वेरा जोजे. ¹⁹ काहाका इया जगतु ज्ञान देवा नजरूम मुर्खपणा हाय काहाका ऐहकी पवित्र शास्त्राम लिखलो हाय की.

²⁰ आने फासे देव ज्ञानान तियाज फुसवुवुक तेहे परमेश्वर जाहि कीई ज्ञानवानु विचार व्यर्थ हाय, ²¹ तियाहल माहाबारामे केडोबी हुशारपणा केहयोमा काहाका बादयाज गोठया तुमा हाय. ²² तर तो पौल आने अपुल्लोस आने केफा, जगतुम जीवन आने मरण हाय. हा आमीनेज गोळयारा जोजे आथवा आपणा-या गोठया राजोने ई बादोज तुमा हाय. ²³ तुमा खिस्ता हाय, आने खिस्त देवा हाय.