¹ ओमा पाहु जाहा आय तुमापाही आलो ताहा आय देवा विषयी खेरो दबलो माहा ज्ञाना आणे खुबहारो भाषण कीन आखतो आलो एहकी नाहा हाय, ² काहाका तुमा आरीरीन तोच यीशु ख्रिस्त आणे तोसुध्दा क्रुसखांबाप खिलाटलो, या शिवाय माल केडाच ज्ञान माल नेय जोजे मायुय एकुच गोठी निर्णय केलो हाय, ³ आणे आय तुमापाही अशक्त खुबबीन व थुरथुर कापतो आलो.

⁴ माआ भाषण व घोषणा ई मनवालीलेनारो एहडो माहा ज्ञानाकी देदलो नेय आथो पेन तो आत्माआ आणे तिया सामर्थ्य की आथो.

⁵ जेहकी तुमा विश्वास माहा ज्ञानापे नेय तर देव सामर्थ्यापे रा जोजे ⁶ तेबी बी जे आत्मिकाम पाक्का हाय तियाहाल आ तियाहाल ज्ञान हिकवता पेन तो ज्ञाना या जगा नाहा हाय आणे या युगाआ नष्टवेनारो जे अधिकारी तियाबी नाहा हाय, ⁷ तर देवाआ दबीनरेनारो ज्ञान आमा आखाता तो गुपीत थोवलो आथो. तो देवाय या युगापेला तुमा आमा केता गौरवाकेता तियाय नेमीन देदलो आथो. ⁸ ईज्ञान या युगामने केडालबी अधिका-याल मालुम नेय आथो काहाका जर तियाहाल मालुम रेतो, तर तियाय गौरवी प्रभुल क्रुसखांबाप खिलाटते नेय. ⁹ पेन ज्यारीतीकी पवित्र शास्त्र आखे डोवाकी वेयो नाहा कानाकी उनाओ नाहा आणे माहा मोनाम जे आलो नाहा तो देवाय तियायपे मोया केराखातुर तियार केले हाय. ¹⁰ तो देवाय आत्माकी आपुल प्रकट केले हाय काहाका ओ आत्मो प्रत्येक गोठी इ्र व देवाआ माजमेने गोठीई होद काडे, ¹¹ काहाका माहाआ आत्मा शिवाय माहा गोठया ओकुणारो बिहरो केडो माहु हाय , तियाकेता देवाआ आत्मा शिवाय देवाआ मान विचार केडोच ओकुणारो नेय. ¹² पेन आम्हाल जगा आत्मो मिलो नाहा, तर देवापणे आत्मो मिल्लो हाय याकेता की देवाय आपुल जो कृपाकी देदलो हाय तो आपु ओकुणु हाय. ¹³ माहा ज्ञानाकी हिकवुला शब्दाकी आमा या गोठया आखता नाहा, तर आत्माकी हिकवुला शब्दाकी आत्मिक शब्द आाखीन आध्यात्मिक गोठया स्पष्टीकरण केता हा ¹⁴ जर शहाणो माहु देवाआ आत्म्याआ गोठया तो मानतो नाहा काहाका ते तियाल मुर्खपणा वाटे आणे तो ते गोठया मानतो नाहा. काहाका ते गोठया आत्म्याकी होमजुनु रेत्याृ ¹⁵ जो आत्माकी पोलो हाय तो तर बाठया गोठया होमजीले तेबी स्वत:आ पारख केडाकी वेती नाहा.

¹⁶ काहाका पवित्र शास्त्र आखे प्रभुअ मोन केडो जाही जो तियाल हिकवी शके.