¹ ໃຫ້​ທຸກຄົນ​ຖື​ວ່າ ພວກເຮົາ​ເປັນ​ຜູ້ຮັບໃຊ້​ຂອງ​ພຣະຄຣິດ ທັງ​ເປັນ​ຜູ້​ປ້ອງກັນ​ຮັກສາ​ຄວາມຈິງ​ອັນ​ເລິກລັບ​ຂອງ​ພຣະເຈົ້າ. . ² ຜູ້ຮັບຜິດຊອບປ້ອງກັນຮັກສາຕ້ອງເປັນຄົນສັດຊື່. ³ ແຕ່ສຳລັບຂ້າພະເຈົ້າແລ້ວ, ມັນເປັນເລື່ອງເລັກນ້ອຍຫຼາຍ ທີ່ຂ້າພະເຈົ້າຈະຖືກຕັດສິນ ໂດຍພວກເຈົ້າ ຫຼື ໂດຍສານຂອງມະນຸດ. ເພາະວ່າຂ້າພະເຈົ້າເອງກໍບໍ່ໄດ້ຕັດສິນຕົນເອງຄືກັນ. ⁴ ຂ້າພະເຈົ້າບໍ່ຮູ້ວ່າຂ້າພະເຈົ້າເຮັດຜິດອັນໃດ. ແຕ່ນັ້ນບໍ່ໄດ້ໝາຍຄວາມວ່າຂ້າພະເຈົ້າບໍ່ມີຄວາມຜິດ, ມີພຣະເຈົ້າອົງເຈົ້ານາຍເທົ່ານັ້ນທີ່ພິພາກສາຂ້າພະເຈົ້າໄດ້. ⁵ ສະນັ້ນ ຢ່າຟ້າວຕັດສີນ ກ່ຽວກັບສິ່ງໃດກ່ອນເຖິງເວລາ, ກ່ອນທີ່ພຣະເຈົ້າອົງເຈົ້ານາຍຈະກັບມາ. ພຣະອົງຈະນຳສິ່ງຕ່າງໆທີ່ຖືກຊ້ອນໄວ້ໃນຄວາມມືດໃຫ້ອອກມາສູ່ຄວາມສະຫວ່າງ ແລະ ຈະຊົງເປີດເຜີຍຈຸດປະສົງຕ່າງໆໃນໃຈ. ເມື່ອນັ້ນ, ແຕ່ລະຄົນກໍຈະໄດ້ຮັບຄຳຊົມເຊີຍຂອງຕົນຈາກພຣະເຈົ້າ. ⁶ ພີ່ນ້ອງທັງຫລາຍເອີຍ, ທີ່ຂ້າພະເຈົ້າໄດ້ນຳຫຼັກຖານຕ່າງມາໃຊ້ຂ້າພະເຈົ້າເອງແລະອາໂປໂລມາກ່າວເປັນຕົວຢ່າງກໍເພື່ອຜົນປະໂຫຍດຂອງພວກເຈົ້າທີ່ຈະຮຽນຮູ້ເອົາຕາມແບຢາງຂ້າພະເຈົ້າ ຄືຢ່າອອກນອກຂອບເຂດພຣະຄຳພີ, ຢ່າໃຫ້ຜູ້ໃດຜູ້ໜຶ່ງໃນພວກເຈົ້າມີໃຈຈອງຫອງ ໂດຍຍົກຜູ້ໜຶ່ງຂຶ້ນ ແລະຂົ່ມຜູ້ໜຶ່ງລົງ. ⁷ ເພາະວ່າຜູ້ໃດເຫັນຄວາມແຕກຕ່າງລະຫວ່າງພວກເຈົ້າ ແລະ ຄົນອຶ່ນ? ແມ່ນຫຍັງທີພວກເຈົ້າມີແຕ່ພວກເຈົ້າບໍ່ໄດ້ຮັບ, ເມື່ອໄດ້ຮັບແລ້ວ ເປັນຫຍັງພວກເຈົ້າຈຶ່ງອວດເໝືອນກັບວ່າບໍ່ໄດ້ຮັບເລີຍ? ⁸ ພວກເຈົ້າມີທຸກຢ່າງທີ່ພວກເຈົ້າຕ້ອງການແລ້ວໜໍ! ພວກເຈົ້າກາຍເປັນຄົນຮັ່ງມີແລ້ວໜໍ! ພວກເຈົ້າໄດ້ເລີ່ມຕົ້ນຄອບຄອງແລ້ວ  ໂດຍບໍ່ມີພວກເຮົາ, ຈິງໆແລ້ວ! ຂ້າພະເຈົ້າຢາກໃຫ້ພວກເຈົ້າໄດ້ຄອບຄອງ, ເພື່ອທີ່ຂ້າພະເຈົ້າໄດ້ຄອບຄອງຮ່ວມກັນກັບເຈົ້້າດ້ວຍ ⁹ ເພາະຂ້າພະເຈົ້າຄິດວ່າພຣະເຈົ້າໄດ້ແຕ່ງຕັ້ງພວກເຮົາເຊິ່ງເປັນອັກຄະສາວົກໃຫ້ປະກົດຕົວຕາມລຳດັບສຸດທ້າຍ ແລະຢ່າງຜູ້ຖືກລົງໂທດປະຫານ.ພວກເຮົາໄດ້ກາຍເປັນສິ່ງທີ່ໃຫ້ໂລກເບິ່ງ ທັງແກ່ບັນດາທູດສະຫວັນ ແລະ ມະນຸດທັງຫຼາຍ. ¹⁰ ພວກເຮົາເປັນຄົນໂງ່ ເພາະເຫັນແກ່ພຣະຄຣິດ, ແຕ່ພວກເຈົ້າເປັນຄົນມີປັນຍາໃນພຣະຄຣິດ ພວກເຮົາເປັນຜູ້ອ່ອນແຮງ, ແຕ່ພວກເຈົ້າເປັນຜູ້ແຂງແຮງ ພວກເຈົ້າມີກຽດ, ແຕ່ເຮົາບໍ່ມີກຽດ. ¹¹ ຈົນເຖິງປະຈຸບັນນີ້ ພວກເຮົາກໍຍັງອຶດເຂົ້າ, ຢາກນໍ້າ, ຂາດເຄື່ອງນຸ່ງຫົ່ມ, ຖືກຕົບຕີ ແລະບໍ່ມີບ່ອນພັກພາອາໄສເປັນຫຼັກແຫຼ່ງ ¹² ພວກເຮົາຍັງອົດສາຫາລ້ຽງຊີບຕົນເອງ ໂດຍເຮັດວຽກຢ່າງໜັກໜ່ວງ. ເມື່ອຖືກປ້ອຍດ່າ ພວກເຮົາກໍອວຍພອນ ເມື່ອຖືກຂົ່ມເຫັງ ພວກເຮົາກໍອົດທົນເອົາ, ¹³ ເມື່ອຖືກກ່າວຫາ, ພວກເຮົາກໍ່ເວົ້າດ້ວຍຄວາມສຸພາບ. ພວກເຮົາໄດ້ກາຍເປັນ, ຄືຂີ້ເຫຍື້ອຂອງໂລກ ແລະ ຄ້າຍຄືສີ່ງຂອງເສດເຫລືອທີ່ສຸດຂອງທຸກສິ່ງ ແລະ ຍັງເປັນຢູ່ຈົນເຖິງບັດນີ້. ¹⁴ ຂ້າພະເຈົ້າບໍ່ໄດ້ຂຽນສີ່ງເຫຼົ່ານີ້ເພື່ອເຮັດໃຫ້ຳວກເຈົ້າອັບອາຍ, ແຕ່ເພື່ອເຕືອນສະຕິພວກເຈົ້າໃນຖານະທີ່ພວກເຈົ້າເປັນລູກທີ່ຮັກຂອງຂ້າພະເຈົ້າ. ¹⁵ ເມື່ອຖືກນິນທາປະໝາດ ພວກເຮົາກໍຊອກຫາທາງປອງດອງ ພວກເຮົາເປັນເໝືອນຂີ້ເຫຍື້ອຂອງໂລກ ¹⁶ ພວກເຮົາເປັນເໝືອນຂອງເສດເຫຼືອຈາກສິ່ງສາລະພັດທີ່ໂລກເລືອກຖິ້ມຈົນເຖິງບັດນີ້. ¹⁷ ດ້ວຍເຫດນີ້ ຂ້າພະເຈົ້າຈຶ່ງສົ່ງຕີໂມທຽວ, ລູກທີ່ຮັກ ແລະ ສັດຊື່ໃນອົງພຣະຜູ້ເປັນເຈົ້າຂອງຂ້າພະເຈົ້າ. ລາວຈະເຕືອນພວກເຈົ້າກ່ຽວກັບການດຳເນີນຊີວິດຕ່າງໆຂອງຂ້າພະເຈົ້້າໃນພຣະຄຣິດ, ດັ່ງທີ່ຂ້າພະເຈົ້າສອນພວກເຂົາໃນທຸກບ່ອນ ແລະ ທຸກຄຣິສຕະຈັກ. ¹⁸ ບັດນີ້ ບາງຄົນໃນພວກເຈົ້າໄດ້ອວດຕົວຂຶ້ນ, ເຫມືອນກັບວ່າຂ້າພະເຈົ້າຈະບໍ່ມາຫາພວກເຈົ້າ ¹⁹ ຖ້າເປັນເປັນນາມພຣະໄທຂອງພຣະເຈົ້າອົງເຈົ້ານາຍ, ຂ້າພະເຈົ້າຈະມາຫາພວກເຈົ້າໃນໄວໆນີ້. ຕອນນັ້ນຂ້າພະເຈົ້າກໍ່ຈະໄດ້ຮູ້ ບໍ່ພຽງແຕ່ຄຳເວົ້າຂອງຄົນເຫຼົ່ານີ້ທີ່ອວດຕົວຂຶ້ນເທົ່ານັ້ນ, ແຕ່ທີ່ຂ້າພະເຈົ້າຈະເຫັນອຳນາດຂອງພວກເຂົາຄືກັນ. ²⁰ ເພາະວ່າຣາຊອານາຈັກຂອງພຣະເຈົ້ານັ້ນບໍ່ໄດ້ປະກອບດ້ວຍຄຳເວົ້າ ແຕ່ດ້ວຍຣິດອຳນາດ. ²¹ ພວກເຈົ້າຕ້ອງການແບບໃດ? ຈະໃຫ້ຂ້າພະເຈົ້າມາຫາພວກເຈົ້າດ້ວຍໄມ້ແສ້ ຫຼື ດ້ວຍຄວາມຮັກ ແລະ ດ້ວຍໃຈທີ່ອ່ອນສຸພາບ?