1 ພີ່ນ້ອງທັງທັງເອີຍ, ຂ້າພະເຈົ້າຢາກໃຫ້ພວກທ່ານຮູ້ວ່າ, ບັນພະບຸຣຸດຂອງພວກເຮົາທຸກຄົນເພິ່ນໄດ້ຢູ່ໃຕ້ການຄຸ້ມຄອງຂອງເສົາເມກ ແລະທຸກຄົນໄດ້ຍ່າງຜ່ານທະເລໄປ. 2 ທຸກຄົນໄດ້ຮັບບັບຕິສະມາໃນເມກ ແລະ ໃນທະເລເຂົ້າຮ່ວມກັບໂມເຊ, 3 ແລະ ທຸກຄົນໄດ້ກິນອາຫານຝ່າຍວິນຍານຢ່າງດຽວກັນ. 4 ທຸກຄົນໄດ້ດື່ມນ້ຳຝ່າຍວິນຍານຢ່າງດຽວກັນ. ເພາະທຸກຄົນໄດ້ດື່ມຈາກສີລາຝ່າຍວິນຍານທີ່ຕິດຕາມພວກເຂົາ, ສີລານັ້ນຄືພຣະຄຣິດເຈົ້າ. 5 ແຕ່ພຣະເຈົ້າບໍ່ໄດ້ພໍພຣະໄທກັບພວກເຂົາສ່ວນຫຼາຍ, ແລະ ສົບຂອງພວກເຂົາກໍ່ຖືກກະແຈກກະຈາຍຢູ່ໃນຖິ່ນແຫ້ງແລ້ງກັນດານ. 6 ດຽວນີ້ ສີ່ງເຫຼົ່ານີ້ກໍ່ເປັນບົດຮຽນໃຫ້ກັບເຮົາ, ຢ່າໃຫ້ເຮົາປາຖະໜາທີ່ຈະເຮັດສິ່ງທີ່ຊົ່ວຮ້າຍຕ່າງໆ ຄືກັບທີ່ພວກເຂົາເຄີຍເຮັດ 7 ຢ່າເປັນຄົນກາບໄຫ້ວຮູບເຄົາຣົບ, ດັ່ງທີ່ບາງຄົນໃນພວກເຂົາເຄີຍເປັນ. ຕາມທີ່ມີຄຳຂຽນໄວ້ວ່າ, "ປະຊາຊົນກໍ່ນັ່ງລົງກິນແລະດື່ມ, ແລ້ວກໍລຸກຂຶ້ນມ່ວນຊື່ນ." 8 ຢ່າໃຫ້ເຮົາປະພຶດຜິດທາງເພດຄືກັບທີ່ຫຼາຍຄົນໃນພວກເຂົາໄດ້ເຄີຍເຮັດ. ເພາະໃນວັນດຽວ ຄົນຈຳນວນສອງຫມື່ນສາມພັນຄົນຕ້ອງຕາຍຍ້ອນເຫດນີ້. 9 ແລະຢ່າທົດລອງກັບພຣະຄຣິດ, ຢ່າງທີ່ຫຼາຍຄົນໃນພວກເຂົາເຮັດ ແລ້ວກໍຕ້ອງຕາຍດ້ວຍງູພິດຕອດ. 10 ເຊັ່ນດຽວກັນ ຢ່າຈົ່ມເໝືອນທີ່ຫຼາຍຄົນໃນພວກເຂົາເຮັດ, ແລ້ວກໍ່ຖືກທຳລາຍໂດຍທູດສະຫວັນ 11 ບັດນີ້ ເຫດການເຫຼົ່ານີ້ໄດ້ເກີດຂື້ນກັບພວກເຂົາເພື່ອເປັນຕົວຢ່າງແກພວກເຮົາ ແລະໄດ້ຮັບການບັນທຶກໄວ້ເພື່ອເເນວທາງແກ່ພວກເຮົາ ຜູ້ທີ່ວາລະສຸດທ້າຍຂອງຍຸກນີ້ມາເຖິງແລ້ວ. 12 ເຫດສະນັ້ນທຸກຄົນທີ່ຄິດວ່າຕົນເອງໝັ້ນຄົງດີແລ້ວ ຈົ່ງລະະວັງໃຫ້ດີເພື່ອທີ່ເຂົາຈະບໍ່ລົ້ມລົງ 13 ບໍ່ມີການທົດລອງໃດໆ ເກີດຂື້ນກັບເຈົ້າ ນອກເຫນືອຈາກການທົດລອງທີ່ເຄີຍເກີດກັບມະນຸດທຸກຄົນ ພຣະເຈົ້າສັດຊື່ ພຣະອົງຈະບໍ່ຍອມໃຫ້ທ່ານຖືກທົດລອງເກີນກວ່າທີ່ທ່ານຈະທົນໄດ້. ພ້ອມກັບການທົດລອງນັ້ນ ພຣະອົງຈະໂຜດໃຫ້ມີທາງໜິ່ລອດດ້ວຍ ເພື່ອໃຫ້ທ່ານສາມາດອົດທົນໄດ້ 14 ພວກທີ່ຮັກຂອງຂ້າພະເຈົ້າ, ຈົ່ງຫຼີກໜີຈາກການຂາບໄຫວ້ຮູບເຄົາຣົບ. 15 ຂ້າພະເຈົ້າເວົ້າກັບທ່ານຄືກັບເວົ້າກັບທ່ານໃນຖານະຜູ້ຄົນທີ່ມີຄວາມເຂົ້າໃຈ ເພື່ອທ່ານຈະພິຈາລະນາວ່າຂ້າພະເຈົ້າຫມາຍເຖິງອັນໃດ. 16 ຖ້ວຍແຫ່ງພຣະພອນທີ່ພວກເຮົາໄດ້ຂໍພຣະພອນນັ້ນ, ເຮັດໃຫ້ເຮົາໄດ້ເຂົ້າສ່ວນໃນເລືອດຂອງພຣະຄຣິດບໍ່ແມ່ນບໍ? ເຂົ້າຈີ່ທີ່ເຮົາຫັກອອກ, ເຮັດໃຫ້ພວກເຮົາໄດ້ເຂົ້າສ່ວນໃນພຣະກາຍຂອງພຣະຄຣິດບໍ່ແມ່ນບໍ? 17 ເນື່ອງຈາກມີເຂົ້າຈີ່ກ້ອນດຽວ, ພວກເຮົາຊຶ່ງເປັນຫລາຍບຸກຄົນ ຄືເປັນກາຍດຽວ. ເຮົາທຸກຄົນຕ່າງໄດ້ຮັບຈາກເຂົ້າຈີ່ກ້ອນດຽວກັນນັ້ນ. 18 ຈົ່ງເບິ່ງຊົນຊາດອິດສະຣາເອນຕາມທາງກາຍະພາບ. ພວກຄົນທີ່ຮັບປະທານເຄື່ອງບູຊານັ້ນ, ບໍ່ແມ່ນຜູ້ທີ່ມີສ່ວນຮ່ວມໃນແທ່ນບູຊາບໍ? 19 ດັ່ງນັ້ນ ຂ້າພະເຈົ້າຈະເວົ້າແນວໃດ? ຮູບເຄົາຣົບນັ້ນສຳຄັນຫຍັງ? ຫຼື ອາຫານທີ່ຖວາຍບູຊາແກ່ຮູບເຄົາຣົບນັ້ນສຳຄັນຫຍັງ? 20 ແຕ່ຂ້າພະເຈົ້າ ໄດ້ເວົ້າເຖິງການທີ່ຄົນຕ່າງຊາດຖວາຍບູຊານັ້ນ, ພວກເຂົາຖວາຍສິ່ງຕ່າງໆເຫຼົ່ານີ້ໃຫ້ກັບຜີມານຮ້າຍ ບໍ່ໄດ້ຖວາຍແກ່ພຣະເຈົ້າ. ຂ້າພະເຈົ້າບໍ່ຕ້ອງການໃຫ້ທ່ານເປັນຜູ້ມີສ່ວນຮ່ວມກັບຜີມານຮ້າຍເຫຼົ່ານັ້ນ! 21 ທ່ານບໍ່ສາມາດທີ່ຈະດື່ມຈາກຈອກຂອງພຣະເຈົ້າອົງເຈົ້ານາຍ ແລະ ດື່ມຈາກຈອກຂອງຜີມານຊາຕານໄດ້. ທ່ານບໍ່ສາມາດກິນຮ່ວມໂຕະຂອງພຣະເຈົ້າອົງເຈົ້ານາຍແລະ ຮ່ວມໂຕະຂອງຜີມານຮ້າຍໄດ້ເຊັ່ນກັນ. 22 ຫລື ພວກເຮົາຈະຍຸຍົງພຣະເຈົ້າອົງເຈົ້ານາຍໃຫ້ຫຶງຫວງບໍ? ພວກເຮົາມີກຳລັຫຼາຍກວ່າພຣະອົງບໍ? 23 "ຂ້າພະເຈົ້າເຮັດສິ່ງສາລະພັດໄດ້," ແຕ່ບໍ່ແມ່ນທຸກສິ່ງມີປະໂຫຍດ. "ຂ້າພະເຈົ້າເຮັດສິ່ງສາລະະພັດໄດ້" ແຕ່ບໍ່ແມ່ນທຸກສິ່ງທີ່ເຮັດໃຫ້ຈະເລີນນຂື້ນ. 24 ບໍ່ຄວນໃຫ້ຜູ້ໃດສະແຫວງຫາຄວາມດີຂອງຕົນເອງ. ແຕ່ໃນທາງກົງກັນຂ້າມ, ແຕ່ລະຄົນຄວນສະແຫວງຫາຄວາມດີຂອງເພື່ອນບ້ານຂອງຕົນ. 25 ທ່ານອາດຈະກິນໄດ້ທຸກຢ່າງທີ່ຂາຍໃນຕະຫລາດ, ໂດຍບໍ່ຕ້ອງມີຄຳຖາມເລື່ອງໃຈສຳນຶກຜິດແລະຊອບ. 26 "ເພາະວ່າແຜ່ນດິນໂລກນີ້ເປັນຂອງພຣະເຈົ້າອົງເຈົ້ານາຍ, ແລະ ທຸກຢ່າງທັງໝົດທີ່ຢູ່ໃນນັ້ນດ້ວຍ.” 27 ຖ້າຜູ້ບໍ່ເຊື່ອເຊີນທ່ານໄປກິນອາຫານ, ແລະ ທ່ານຢາກໄປ, ແລ້ວກິນສິ່ງໃດກໍ່ຕາມທີ່ເຂົາກຽມໄວ້ໃຫ້ທ່ານ ໂດຍບໍ່ຕ້ອງຖາມຄຳຖາມເລື່ອງໃຈສຳນຶກຜິດແລະຊອບ. 28 ແຕ່ຖ້າມີໃຜມາບອກທ່ານວ່າ, "ອາຫານນີ້ໄດ້ຖືກຖວາຍແກ່ຮູບເຄົາຣົບແລ້ວ," ກໍຢ່າສູ່ກິນອາຫານນັ້ນ. ເພື່ອເຫັນແກ່ຄົນທີ່ບອກກັບທ່ານ, ແລະ ເຫັນແກ່ໃຈສຳນຶກຜິດ ແລະຊອບ. 29 ຂ້າພະເຈົ້າບໍ່ໄດ້ໝາຍເຖິງໃຈສຳນຶກຜິດແລະຊອບຂອງທ່ານເອງ, ແຕ່ເປັນໃຈສຳນຶກຜິດແລະຊອບຂອງຄົນອື່ນໆ. ເພາະເປັນຫຍັງເສຣີພາບຂອງຂ້າພະເຈົ້າຄວນຖືກຕັດສິນໂດຍໃຈສຳນຶກຜິດແລະຊອບຂອງຄົນອື່ນ? 30 ຖ້າຂ້າພະເຈົ້າຮ່ວມກິນອາຫານດ້ວຍໃຈຂອບພຣະຄຸນ, ເປັນຫຍັງຂ້າພະເຈົ້າຕ້ອງຖືກຕິຕຽນດ້ວຍ ສິ່ງຊຶ່ງຂ້າພະເຈົ້າໄດ້ຂອບພຣະຄຸນນັ້ນແລ້ວ? 31 ດັ່ງນັ້ນແຫຼະ, ບໍ່ວ່າທ່ານຈະກິນ ຫຼື ດື່ມ,ຫຼື ເຮັດສິ່ງໃດກໍ່ຕາມ, ຈົ່ງເຮັດທຸກສິ່ງເພື່ອເປັນການຖວາຍກຽດຂອງພຣະເຈົ້າ. 32 ຢ່າເປັນເຫດໃຫ້ໃຜຫຼົງຜິດ ບໍ່ວ່າຈະເປັນຊາວຢິວ ຫຼື ຊາວກຣີກ, ຫຼຶ ຄຣິສຕະຈັກຂອງພຣະເຈົ້າສະດຸດໄປ. 33 ຂ້າພະເຈົ້າພະຍາຍາມເຮັດໃຫ້ທຸກຄົນພໍໃຈໃນທຸກສິ່ງ. ຂ້າພະເຈົ້າບໍ່ໄດ້ສະແຫວງຫາຜົນປະໂຫຍດຂອງຕົວເອງ, ແຕ່ເພື່ອປະໂຫຍດຂອງຄົນຈໍານວນລາຍ. ຂ້າພະເຈົ້າເຮັດສິ່ງນີ້ເພື່ອພວກເຂົາຈະໄດ້ພົ້ນ.