¹ Mponya mungelo wasanu wakalizya mpeta. Nakabona nyenyezi kuzwa kujulu eyo wakandi asi. Nyenyezi yakapengwa nki yelyo ndindi litakwe magolelo. ² Wakajula chijazyo chedindi litakwa magolelo, mpoonya busi bwakazwa achijazyo mbuli, mbila lyo mulilo. Mponya zuba olobo jakasiya kuzwa kuchi jazyo che dindi. ³ Kuzwa kuwusi kwakasika nswabalanda atala lyenyeka, ape zyakapengwa nguyu, mbuli tubanji twenyeka mbutuli enguzu. ⁴ pele zyaka laililwa kuti litabi nizi yosinya bwizu bwenyeka butete nenga chisamu pele abo bantu batakwe zinamatilo zya Leza ankumo. ⁵ Pele kuli mbabo chakapegwa kuti zitabajayi, pele kuti ziba pezye kwe myezi yo sanwe. Kuchisa kwali mbuli kwa kabanze. ⁶ Mumazuba ayo bantu bayo yandola lufu kono tabayo lujani. Kono bayonda kufwa pele lufu loyo bachija. ⁷ Inswabanda zyali kuboneka mbuli mbizi zibambilindwe kulwana nkondo. Amitwe yazyo kwali misini ye golide, ape kumeso kwali anga chiso cho muntu ⁸ Zyali amasusu aswana omwanakazi, ape ameno mbuli meno omulavu. ⁹ zyali jesi zyokuli kwabilila achamba , ape zyali mbuli chinsimbi muzumo wamababa buli muzomo wezi kochikala zye mbizi zizuza kwinka ku nkondo. ¹⁰ zyali emichila mbuli tubaze; zyajesi nguzu zyo kuluma bantu kwa myezi yosanwe. ¹¹ Zyali jesi mwami wazyo oyo ngomungelo wedindi litapwe magolelo, ezina mu chi Himbulayo ngu Abadoni, omu chi Giliki Apolyoni. ¹² Wamatalikilo wainda. Amubone! Kwachili kupenga kwabili kuza. ¹³ Mungelo wechisanu akamwi wa kaongolola empeta, mponya ndakamva ijwi lyakazwa kuchipaililo che ngolide chili mubusyu bwa Leza, ¹⁴ Kwambila mungelo we chisanu akomwi wa jesi mpeta, "Mwangunune ba ngelo bone bangidwe amulonga mupati wa Eufuletisi." ¹⁵ Bangelo bane ba kangununwa abo babambidwe muwola, obo buzuba, omwezi, omwaka kujala chibela chatatwe chabantu. ¹⁶ Mwelwe wa basikodo bembizi bali myanda yobile yezyelu, dakamva mwelwe. ¹⁷ Echi mundakabona mbizi muchilangano abo batantide ambizi: Zye chamba chikwabililo zyali kusalala, zimwi zyayali kusiya omukunga weji. Mwitwe yamabiza yali kuswana emitwe yaba lavu, kumilomo yazyo kwali kuzwa mulilo, obusi esalufa. ¹⁸ Chibela chabantu bakafwa kuzyomo zyo tatwe: busi antomwi e salufa zyakazwa kumilomo, ¹⁹ Kambo nguzu zye mbizi zyali mulomo okumichila, mbuli nzoka , e mitwe yali kuluma bantu okubapa zilonda. ²⁰ Bunji bwa bantu abo baka jaingwa ezi zyumo takwe nibakasanduka kumichito yabo, nanga kuleka kukomba myuya mibi emituni ye ngolide, siliva, mabwe, ezi samu- zintu zitabone, zitavwi na kweda. ²¹ Takwe ni ba kempwa ku kujaya kwabo, obulozi bwabo, obuhule, nenga michito yo bwibi.