¹ Ino ndakabona umbi mungelo mupati kaseluka kuzwa kujulu. Kazwete joba, mponya kwali pini congo atala amutwe. Cinso cakwe cali mbuli zuba maulu akwe ali mbuli ndimi zto mulilo. ² Wajesi kabbuku kanini kajulidwe mu janza lyakwe. Wakabika cifumba cakwe cokucilisya alwizi e cifumba cakwe cokugoyo anyika. ³ Mponya wakaongolola mujwi pati mbuli kuvuluma ko mulavu. Nakaongolola mizuzumina uli musanu aibili yakazuzuma. ⁴ Mizuzumo ili musanu aibili niyakazuzuma, ndalikuyanda kulemba. pele ndakamvwa jwi kuzwa kujulu kaliti,' lamatika ezyo zyambwa zili musanu azibili, utazilembi.' ⁵ Mponya mungelo ngundakabona kaimvwi alwizi ape a nyika wakanyamuna janza lyakwe lye cilisya kujulu. ⁶ Wakakonka kuli oyo upona lyense lyense, wakalenga julu ezyo zyeense zili mumo. Inyika ape ezyo zili alinjiyo o lwizi ape ezyo zyense zilimukati, mponya mungelo wakati,' takubi kucedwa. ⁷ Pele mubuziba obo mugelo wo musanu aibili nalafwi okulizya mpeta yakwe makani a leza anomanide, mbuli mbwakambilizya mulumbe mubotu kubazike bakwe basinsimi.' ⁸ Ijwi ndindakamvwa kuzwa kujulu ape lyakambola kuli mebo,'koya. tola bbuku lijulidwe elyo lili mujanza lyo mungelo wimvwi a lwizi ape a nyika,' ⁹ mponya ndakainka ku mungelo ndakamwambila kuti andipe kabbuu kanini. Wakati kuli mebo,'Tola kabbuku ukalye kayoluzya tumbu lyako, pele mukanwa lyako kutolwela mbuli buci,' ¹⁰ Ndakabweza kabbuku kuzwa mu janza lyo mungelo okukalya. Kali kulwela mbuli buci mukanwa lyangu, pele nindakamana kukalya, mutumbu lyangu kwakalula. ¹¹ Mponya umwi wakati kuli mrbo,' welede kusinsima ape kubantu banji, okuzisi zinji, okumishobo minji, okubami banji.'