¹ Mponya ndakapegwa kabu kokupimya kali mbuli nkoli akwambilwa kuti, koza upime tempele lya leza a cipaililo ababo bakomba mumo. ² Pele utapimi lubuwa luli anze lya tempele, ulusiye nkambo lwapegwa kuli ba masi bo bayakulyatauka mumunzi usalala kwamyezi ili makumi one aibili. ³ Ape ndiyobapa bakaboni bangu bobile nguzu zya kusinsima kwamazuba ali cuulu amyanda yobile a makumi ali cisambomwe, kabazwete cisani ca masaka. ⁴ Aba njeisamu yobile ya oliva, amalambe obile zimvwi kumbele lya mwami wenyika. ⁵ Ape kuti kufumbwa uyanda kubacisa, kulazwa mulilo kumilomo yabo akubatenta basinkondonyina. Kufumbwa uyanda kubacisa welede kujaigwa minzila eyi. ⁶ Mponya balijisi nguzu zyakusinka julu, kuti mvula itawi kwamazuba ayo ngobasinsima. Ape balijisi nguzu zyakusandula manzi kuti abe bulowa akuma nyika amishobo yonse a napenzi kufumbwa cindi ncobayanda. ⁷ Ape bamane buyo bumboni bwabo,cinyama cizwa mumulindi utagoli ciyakubalwana. Akumazunda akubajaya. ⁸ Ape mibili yabo iyakulala mumugwagwa(eeci tondezyo citwa kuti Sodoma a Egepita) awo leza mpakabambwidwa. ⁹ Ape bantu bazwa kumishobo yonse akumilaka, a muzisi, bayakulanga mitunta yabo kwamazuba otatwe acisela. Pele balakaka kuti izikwe mucumbwe. ¹⁰ Pele abo bapona anyika bayo botelwa kukondwa aku sekelela. Alimwi bayo tumina zipo nkambo basinsimi bobile bakali kubapenzya. ¹¹ Pele nekwakainda mazuba otatwe acisela muuya wa buumi uyakunjila mulimbabo, alimwi bayo ima nji. alimwi abo bakababona bakanjilwa kuyowa loko. ¹² Alimwi bayomvwa ijwi lizwa kujulu lyamba kuli mbabo,' amuze okuno' ape bakatanta mumayoba, basinkondo muina kabalanga. ¹³ Ape kucindi eco kwakaba kuzungana kupati kwanyika, ape cibela cipati ca munzi cakawa. Pele mukuzungana oku bantu banji bakajayigwa bali zyuulu zili musanu azibili, pele bantu bakasyala bakaba abuyofu, akulemeka leza wakujulu. ¹⁴ Ipenzi lyabili lyainda. Mulange! ipenzi lyatatu lyobuza cokufwambana. ¹⁵ Mponya mungeli wo busanu atubili wakalizya mpeta yakwe, amajwi mapati akambola kujulu okwamba kuti, 'bamwi bwenyika bwaba bwami bwa mwami wesu obwa kilisito lwakwe, ape uyolela kukabe kutamani.' ¹⁶ Mponya bapati bacikombelo bali makumi obile atone, bakala azibula zyobulemu zyabo mumenso a leza, kabawide balanga ansi okumukomba leza. ¹⁷ Bakamba,' tulamupa kulumba, mwami leza singuzu zyoonse, oyo uliwo owakaliwo, kambo mwakabweza nguzu zyenu zipati okutalika kulela. ¹⁸ Zisi zyalinyemide, pele bukali bwako bwakasika. Cindi cakasika cabafu cokubetekwa ecindi cokulumbula babelesi bako abasinsimi abanyu baleza basalala, abo bakali kuyowa zina lyako. boonse batayandikani abasinguzu cindi casika cokubanyonyona abo balikunyonyona nyika,' ¹⁹ Mponya tempele lya leza mukati kejulu lyaka julwa abokisi lyecizuminano cakwe lyakaboneka mutempele lyakwe. Kwakali tulabi, mjwi emizuzumo, mizumo, muzuzumina, ecivula mabwe cipati.