¹ Ndakabona cinyama cizwa mulwizi kacijisi mitwe ili musanu akumi, ape meja kumi; Atala ameja aco kwakali a minsini ili kumi ape amitwe waco kwali mazina asalawidwe. ² Cinyama cindakabona calikozyene asiluwe, azituta zyakali mbuli cinyama maulu, ape mulomoo wakali mbuli mulavu, ape simwuba wakamipa nguzu zyakwe acibbula cakwe abwami bunji. ³ Umwi wa cinyama mutwe wacinyama ceci wakali yasidwe calufu, ⁴ pele bakakomba takakalwe, wapa nguzu ku cinyama eci, acalo cinyama bakacikomba bakati nguni ukonzyene acinyama? Nguni ukonzya kulwana aco? ⁵ Cinyama cakapegwa mulamo kuti cambaula majwi akusampaula ape eakapegwa nguzu zyaku cikaka myezi ili makumi one amyezi yobile. ⁶ Ino munyama wakajula mulomo wakwe akutuka leza, leza wakatuka zina lyakwe anganda yakwe ababo bakala mujulu. ⁷ Cinyama cakapegwa nguzu zyakulwana zyakulwanya basalali akubazunda ape wakapegwa bwami bwakwendelezya misyobo yonse amikowa yonse amyambo yonse amasi onse. ⁸ Bonse bakala ansi bayomukomba abo batajisi mazina alembedwe mubbuku lyabumi uyotollwa kulubeta lya mwami ambelele wakajayidwe kuzwa kumatalikilo anyika. ⁹ Oyo ujisi matwi, muleke aswilile. ¹⁰ Kufumbwa umwi utola bamwi kubuzike, alokwe uyotolwa kubuzike, oyo ujazya apanga, alokwe uyojayigwa apanga mbubonya. Mbibonya mbuluboneka lukatilo lwabasalali alusyomo lwabo. ¹² Kabele mwami bonse bwacinyama citanzi cakaponesegwa ciyaso caco calufu. ¹³ Wakacita zigambya zipati. Wakapanga mulilo kuzwa ansi munyika kuzwa kujulu munsi abantu. ¹⁴ Zigambya zyakapegwa nguzu zyakacizumizya kucita kunembo acinyama citazi, cakabambila ababo bense kuti balelede kucita cikonzyano cacinyama eco cayasidwe apanga ape capona. ¹⁵ Pele cakapegwa nguzu zyakucita buumi eco cikonzya cacinyama, kuti cikozyano cacinyama bajaigwe. ¹⁶ Cabasunilizya wakacita bantu bonse, nikuba bunini nekuba bapati, nekuba bavubi, nekuba bacete, nekuba bazyale, nekuba bazike, kuti balembwe cdinto kumanza abo alulyo nokuba kunkumo zyabo. ¹⁷ Cakali ciyumu loko kuti muntu amuntu aule nakuzya katajisi cidinto camunyama eci cali kwiminina zina lyaco cinyama eci. ¹⁸ Eci camba busongo, oyo ujisi mano abale mwelwe wacinyama kambo ngomwelwe wabantu. Mwelwe njemyanda ili musanu aumwi amakumi ali musanu aumwi amakumi ali musanu ape amusanu omwe.