¹ Ndakalanga ndakabona mwana a mbelele wakaimvwi a cilundu ca ziyoni, anguwe kwali bali 144,000 bajisi zina lyakwe azina lyajisi lya lembedwe amitwe yabo. ² Ndakamvwa ijwi lizwa kujulu lyakali mbuli ijwi lya maanzi manjimanji mbuli muzumo mupati ijwi ndindakamvwa lyakali mbuli ijwi lyamanzi lyabasituntuntimbwa mbubalizya ntuntimbwa twabo. ³ Baimba nyimbo mponya kunenbo lye cibbula cobwami lyabanyama bone elyabapati. Olu lwimbo kakutakwe muntu wakali kukonzya kwilizya pele abo bantu balike bali zyulu zili mwanda a makumi bakaulwa kuzwa munyika. ⁴ Mbababo batalisofwazya kubanakazi, nkambo bakalibamba kuzwa kumamambe, mbababo ba cilila mwana a mbelele. Kufumbwa kwaya mbababo bakusanguna kunununwa akati kabatu, kuti babe micelo mitanzi ya leza, oyo mwana ambelele. ⁵ Takwe bubeji bwakajanika mumilomo yabo tabakwe cibi. ⁶ Ndakabona mungelo umbi uluka muluwo wakalijisi makani mabotu okukambauka kuli abo balikukala ansi okubamasi, misyobo, okumywambo okubantu. ⁷ Wakaita ejwi pati, amuyowe leza okumupa bulemu, nkambo casika cindi colubeta lwakwe. Amumukombe oyo wakapanga julu enyika, olwizi atusensa twamanzi. ⁸ Umwi mungelo wabili, wacilila wakati, wawa,wawa babiloni munzi oyo mupati, wakasongelezya zisi zyoonse wakabamvwisya waini wabukali bwa mamambe akwe. ⁹ Umwi mungelo-watatu mungelo- wakabacilila akwamba, ejwi pati, kuti "na kuli okomba cinyama micikozyano caco akutambula cidinto amutwe yakwe amujanza lyakwe. ¹⁰ Oyo utikamvwe waini wabukali bwa leza utuntwa cakutavwela nisigwa amaanzi mu nkomoki calunyemo lwakwe, ape uyopenzegwa amulilo alufu kunembo wabangelo basalala akunembo bwa mwanambelele. ¹¹ Busi buzwa bwa mapenzi abo bulasuka lyonse alyose. Takwe kupumula nokuba kanini sikati amasiku, abo bakomba cinyama acikonyano caco abalo bonse batambula cidinto cezina lyakwe. ¹² Obu mboluboneka lukakatilo lwabasalali, mbabo babamba milazyo ya leza, olusyomo lwa kwe. ¹³ Ndakamvwa jwi kuzwa kujulu luti, lemba namu, bala colwe bayofwida mumwami kuzwa sunu. ¹⁴ Ndakalanga ape kwali joba lituba kwakalikede umwi wa kozyenye a mwana amuntu wakakede mujoba. Wakajisi musini wa ngolide mumutwe wajisi panga libosya mumaanza akwe. ¹⁵ Kwakasika mungelo umbi anze a tempelel wakaita ajwi pati kuloyo wakede mujoba lyakati tola jekiso utalike kutyola kambo cindi cakutyola casika, mbokunga butebuzi bwe nyika bwabizwa. ¹⁶ Oyo wakakede mu joba wakamvwikula jekiso lyakwe atala nyika yonse yakatembulwa. ¹⁷ Mungelo umbi wakaza anze kuzwa mu tempele lya mujulu, anguwe wakajisi e panga libosya. Ape umwi nungelo wakazwa kucipayililo, wakajisi nguzu zyakwendelezya mulilo. ¹⁸ Wakaita ajwi pati luliyoyo wakajesi panga libosya wakati,"tola panga lyako utebule zya musansa waisi, kambo micelo yawo yabizwa maningi. ¹⁹ Mponya mungelo wakavwikila jekeso cakwe catutebuzya nyika wakatebula musansa ansi okufusila mudindi ansi okufusila mudindi pati lyakusinina bukali bwa leza. ²⁰ Mudindi mwakalyatokwa anze lya munzi ape mudindi omu mwakankunka bulowa kuya mujulu kukunka kumitwe mutwe we mbizi okunkunka kusikila ku mawelwe wa 1,600.