¹ Mponya ndakabona mungelo oyo buseluka ansi uzwa kujulu, wali jisi acijuzyo camulindi utagoli, mujanza lyakwe walijisi ntambo pati. ² Wakajata inzoka yacindi, itegwa diabulosi satani akumwanga myaka ili cuulu. ³ Wakamufusila mudindi litagoli. Wakamufusila mumulindi utagoli wakujalila akusinka kujulu. Kuti atente limbi masi mane do yamana eyo myaka ili cuulu elyo musule lyayaya ulelede kwangununwa kaindi kanini. ⁴ Mpawo ndakabona zibbula mpobakede, abo bakapegwa lubetako, ape ndakabona muuya yababo bakakosolwa mitwe kambo kabumboni bwa kilisito a makani a leza. Takwe niba kakomba cinyama cikozyana caco akutambula bulumbu bwaco ankamu zyabo nikuba mumanza abo bakapona akwendelezya antomwe a kilisito myaka ili cuulu. ⁵ Pele bafwide boonse bakacala tebakaboneka, pepe mane do nyaka ili cuulu imanininne. Mbombubo bubuke butanzi. ⁶ Ulacolwe, ape usalala, kufumbwa muntu ubuka mububuke obu butanzi kuti ababo bali bobo lufu lwabili talukwe nguz. Pele bayoba ba paizi ba leza aba kilisito ape bayoyaendelezya anguwe myaka ili cuulu. ⁷ Ino zyuulu zyamyaka zyaza kumamanino satani uyoagununwa muntolongo yakwe. ⁸ Uyoinka anze akuyoena masi onse ali muzyoko zyonse zyanyika, gog- a magogo akabungana antomwe kunkondo. mwelwe uli mbuli nuse wakulwizi. ⁹ Ba kainka mubulamfu bendenda bonse munyika, akuzinguluka inkambe yabasalali munzi uyandika. Mponya awo kwakaseluka milimo kuzwa kujulu waka batenta. ¹⁰ Satani wakabena wakafusilwa muziba lyamulilo uyaka salufa nkukonya nkocibede cinyama anguwe musinsimi mubeji nkwabede pele bazopegwa isikati amasiku lyonse lyonse kukabe kutamani. ¹¹ Mpawo ndakabona cibbula cipati cituba oyo ukede ali cico nyika a julu zyonse zyakacija kubusyu bwakwe. Tubulikwe busena kokwinka. ¹² Ndakabona bafu balemu abatainsi balemu balimvwi acibula cabulemu, ape kwakavununwa ibbuku limwi, ndebbuku lya buumi nkabela bafu bakazekisigwa mbuli makani alembedwe mumabbuku mbuli milimo yabo. ¹³ Pele lwizi lwakalekezya bafwide bakuli mukati omo, alwabo lufu acikalilo cabafu zyonse zyakabwedezya bufu bali mulinzizyo pele bakabetekwe aumwi aumwi mbuli milimo yakwe. ¹⁴ Lufu lwa kasowelwa muziba lyamulilo olu ndulonya ndulufu lwa bili. ¹⁵ Umwi aumwi iwakatakajanwa izina lyakwe mubuku lyabumi wakasowelwa muziba lyamulilo