¹ Musule azintu ndakamvwa ijwi pati lyabantu lyalikweti aleluya. Bantu ba mwelwe wabantu mujulu kabali aleluya. Lufutuko, obulemu anguzu zizya leza wesu. ² Kubeteka kwakwe kwakasimpe ape kulasyomezya kambo wabeteka sibuhule mupati. Wakenena nyika yonse obwami bwakwe wamubwedezya lubeteko nkambo kabulowa bwa bazike bakwe. kuzwa kumanza akwe. ³ Olwabili bakamba kuti, aleluya! busi bwakwe bunosuka kujulu lyonse a lyonse kukabe kutamani. ⁴ Mpawo bali makumi obile abane azilenge zyonse zipona zyakawida ansi okukomba leza, wakese acibbula cobwami kuti ameni, aleluya! ⁵ Ino acibbula mwakazwa ijwi, lyakati, amulumbe leza wesu nobazike bakwe nywebo nonse nomumuyowa nibaba banini nibaba bapati. ⁶ Mpawo ndakamvwa ijwi lili mbuli lyamakamu abantu mbuli mulumo wamanzi manji manji mbuli kundindima kwamilumo mipati lyakati, aleluya jehova wesu ulalela leza wesu., mupati kapatila. ⁷ Atusekelele akubotelwa okumupa bulemu, kambo buzuba bwanabwinga bwa mwanaambelele bwasika, amwanakazi wakwe walibamba kale. ⁸ Wakazuminizigwa kuti azwate zizwato zibotu zituba buu zibenya kambo zizwato zibenya njemicelo ayabantu basalala. ⁹ Mungelo wakati kuli mebo lemba eci balocolwe abo batambwa kupobwe lyabwinga bwa mwaambele. Ape wakati kulindime nga majwi aleza amasimpi. ¹⁰ Ndakawida kumaulu akuwe kumukomba,"Pele wakati kulindime utaciti namu, mukambo wakanyasya, wakati, leka utaciti obo kambo ndilimuzike nyoko buyo ndiliumwi muzyalwa nyoko buyo, ndiliumwi ngozyalwa anguwe bajisi bumboni mbwamuya wobusinsimi bwa Jesu. ¹¹ Ndakabona julu kalijukide ape ndakalanga kwali mbizi ituba. Oyo utantide witwa kuti mushomi ngwa buconzyo ngobeteka akulwana kambo. ¹² Menso akwe akali mbuli mabalabala amulilo, kumutwe wakwe kwali misini minji minji kwakali lembeswe ezina litambwi kumuntu, naba womwi pele lwakwe. ¹³ Nkabela cizwato cakasamide cakatabwa mu Gazi ezina lyakwe letegwa ujwi lya leza. ¹⁴ Ba sinkondo bonse bakujulu bali kumucilila, bali kumucilizya kabatandide ambizi zituba, kazwete zizwato zinyengema, zituba ape zizwato zinyengema, zituba ape kazisalala. ¹⁵ Mukanwa lyakwe mwakazwa panga libosyalyakumywa masi onse uyobulela enkoli yensimbi uyolyotoka lwakwe mudindi lyakusinsima ka waini lyabukali bwa bwalu nyemo lwa leza singuzu zyonse. ¹⁶ Kucizwato cakwe oku cibeo cakwe kwakali lembedwe izina mwami wabami ape leza wabaleza, ¹⁷ Ndakabona mungelo umwi ulimvwi muzuba , wakaita ajwi pati, kubayuni bali kuluka mujulu wakati amubole mubungane antomwe kupobwe pati lya leza. ¹⁸ Amubole mulye nyama yamitunda yabami amutunta yabasinkondo bapati, amitunta yabalumi bele nguzu anyama yambizi ayabatantide, amutunta anyama yabantu bonse nokuba bagunukide abazike, abanini abapati. ¹⁹ "Ndakabona cinyama abami bansi amakamu makamu, abasonkondo bonse kaba bungana, kulwanisya oyo wakatantide ambizi abasinkondo bakwe. ²⁰ Cinyama cakajatwa, ape amusinsimi mubeji wakacita kunembo lyaco, zigambya zyakunena abo, bakatambula cidinto cacinyama abo bakakomba cikozyano caco, bobile bakasowegwa bulanga muziba mubbibi lya mulilo uyakisya asalufa. ²¹ Abo bakacala bakajayigwa apanga lyakazwa anze, wamulomo wayoyo wakatantide ambizi. Bayuni bonse bakalya mutunta yabo.