¹ Ndabona julu ipya anyika impya nkambo julu iyakusanguna anyika yakusanguna zyonse zyakamanina, alwalo lwizi talukoyoba ko limbi. ² Ndakabona munzi mulemu Julusalumu mupya, uza buseluka ansi kuzwa kujulu kwa leza ulibambilidwe mbuli nabwinga mbwali kubatizya ku mulumwakwe. ³ Ino ndakamnvwa ijwi ipati lizwa ku cibbula cabwami, lyakati,' langa bukalo bwa leza mpobuli akati kabantu, kulimbabo, azokala akati kabo, Bazoba bantu bakwe, alokwe leza mwini uzokala kulimbabo, uzoba leza wabo. ⁴ Uyonknkumuna misozi yonse kuzwa kumenso abo, pele takukoyoba limbi lufu, nikuba komoka nikuba kulila nikuba kuciswa, nakulila zintu zyacindi zyamamanino ⁵ Umwi wakede acibbula wakati, bona ndapanga zintu zyonse zyaba zipya ape awa kuti majwi aya asyomeka, nga conzyo. Wakandambila wakati, amanene makani ndime matalikilo a mamamanino ulanyota ndiyomunywisya kakutakwe kubadela. ⁶ Wakati kulindime ezi zintu zyacitika! Ndime matalikilo amamanino kuli oyo ufwide nyota ndiyomunywisya mebo kasensa kamanzi abuumi. ⁷ Oyo uzunda uzokona zintu ezi zyonse, njoba a leza , alokwe uyoba amwangu. ⁸ Pele bayofu, abatashomi abasesemu abajayi aba sibuhule, aba lozi, aba komba mituni, aba beji, bonse bayopegwa lukono lwabo luyaka mulilo alufu, ndulonya ndo lufu lwabili. ⁹ Umwi wabangelo bali musanu ababili bakaza kuli ndime umwi wabo wajisi mikeke yakazwide zipaizyo ape wakati cozo kuno ndakutondezya nabwinga, amwanakazi wa mwanambelele. ¹⁰ Wakanditola munguzu zya muuya wakaditondezya munzi mulemu wa Jelusalemu uya buza ansi kuzwa kujulu kuli leza. ¹¹ Jelusalemu wakalijisi bulemu bwa leza, pele unyengema bwawo bwakali kubonekanga mbuli ibbwe liyandikanga lyakali mbuli bbwe letegwa jasper lili balangola. ¹² Lyajesi bwanda bupati bulanfu amilyango ili kumi ayibili aba ngelo bali kumi amilyango., amilyango kwakalilembedwe mazina ali kumi abili amishobo abana ba Izilaeli. ¹³ Kujwe kwakali mulyango yotatwe kunyika kwakali milyango yotatwe yakali kumusanza amwi milyango totatwe yakali kumbo. ¹⁴ Bwanda bwamunzi bwajisi matalikilo ali kumi abili, pele mulingawo mwali mazina ali kumi abili aba positolo ba mwanambelele. ¹⁵ Umwi oyo waka kandambauzya wakajisi ntambo yakapangwa angolide yakupimya minzi amilonga yabo bwanda bwawo. ¹⁶ Munzi uliyakidwe, zyoko zyone zyonse zili elene bulamfu bulelene abwaamba wapenwa munzi antambo, wakajana kuli mamaile ali myanda ili kumi asunu malamfu abwanda zyoonse zili elene. ¹⁷ Ape wakapima bwanda 144 ku bwasa mbuli kwelana kwamuntu (kabuli mbo bwasa bwa ba ngelo) ¹⁸ Bwanda bwawo bwali yakidwe a jsaper ape munzi loko ngwa ngolide imwakamweka buli cibboni cisalala. ¹⁹ Matalikilo abwanda alicakatide amabbwe mabotu amisyobo misyobo amazina amabbwe akumatalikilo ngaya itanzi ngu jasper, lyabili ngu sappira, lyatatu ngu kalikedi, lyane ngu Emerald. ²⁰ Lyasanu ngu onyx, lyasanu ayomwe ngu carnelian, lyamusanu ayitatu ngu berly, lyasanu ayine ngu Tapazio, lyakumi ngu chrysoprase, lyakumi ayomwi ngu jacinth, lyakumi ayobile ngu Amethtst ²¹ Ape milyango ili kumi aibili njangaze zili kumi azibili, umwi aumwi mulyango ngwangaze yomwe, anguwo mugwagwa wamunzi ngwangolide isalala inyengema yomwe, anguwo mugwagwa wamunzi ngwa ngolide isalala inyengema mbuli cibboni cinjoloma. ²² Tandikabwene cikombelo mulinguwo pepe, kambo mwami leza singuzu zyoonse ncecikombelo cawo, alokwe mwanambelele ncecikombelo. ²³ Ape munzi tuyandi kumunikilwa zuba niuba mwezi, kambo bulemu bwa leza mbobumunikila, ape lambi lyawo ngu mwana ambelele. ²⁴ Ape bantu bamasi bayoweda mumuni wawo, abalo bami bensi bayorta bulemu bwabo mulinguwo. ²⁵ Milyango yawo tiyojalwa isikati, kuti oko takukoyoba masiku pepe. ²⁶ Ape bayoeta kulinguwo bulemu azintu ziyandonika zyamasi onse. ²⁷ Ino omo mumunzi tamuyonjili cintu niciba cimwe cidingenwa, nekuba bantu babeji, pele abo abalike balembedwe mazina abo bali mubbuku lyabumi lya mwanaambelele.