¹ Ino ndiyanda kumuyubulusya, nobazyalwama, kumulumbe wakasasailwa kuli nywebo, ayo ngomwakatambula okuti mpomwivwi, ² Ape nkokunko komwaka futwida, na mwajatilila kujwi ndindaka mbauka kuli nywebo, ati kuti musyomende kobuyo. ³ Ndasisya kuli nywebo mbuli kusanguna kuyandika oko amibo nkondakatambula, ati kilisitu wakafwa akambo akezibi zyesu kwendelana amangwalo, ⁴ Mponya wakazikwa, ape wakabusingwa mubuzuba bwatatu kwendelana amangwalo. ⁵ Kilisitu wakalibonya kuli kefasi, okuli balikumi otubili; ⁶ Mponya wakalibonya kuli bainda myanda yosanwe bazyalwama acindi comwi. Akati kabo bamwi bacipona, pele bamwi bakalalilila. ⁷ Mponya wakalibonya kuli Jemusi, okuli basikwiya bonse. ⁸ Kumana kuli bonse, wakali bonya kuli mebo, mbuli wakabebulwa. ⁹ Mbuli mbondili umwi wabaswikiyo. Sicelede kwitwa sikwiya kambo ndakapenzya cikombelo ca Leza. ¹⁰ Pele luzyalo lwa Leza ndime mbuli mbwebede, oluzyalo lwakwe mulimebo tilwalinsi lobuyo. Kutainsi kuti, ndakabeleka loko kwinda bamwi. Eyi tikwalinsi mebo, pele luzyalo lwa Leza luliamibo. ¹¹ Nekuba namu mwendi ndime naba mbabo, mponya tulakambauka ape nywebo mwasyoma. ¹² Ino na kilisitu wakambwa kuti uzobuka kuzwa kubafu, ino kulaba buti bamwi benu bamba ati takwe bubuke bwabafu? ¹³ Pele kuti na takwe bubuke bwabafu, mponya nikutakwe kilisitu wakabuka; ¹⁴ Ape kuti na kilisitu takabusindwe, monya ikambauko zyesu zyabuyo, olusyomo lwenu andulo ndwabuyo. ¹⁵ Ape tuyojanika bakamboni babeji kuli zya Leza, kambo twakambilwa masimpe kuti Leza wakabusya kilisitu kuzwa kubafu. Pele takwe nakamubusya , loko bafwide tabakabusidwe. ¹⁶ Nakuti bafwide tabaka busidwe, kutaba nanka kilisitu nakabusingwa kubafu; ¹⁷ Okuti na kilisitu takwe nakabusigwa, lusyomo lwenu ndwabuyo anwibo mucili muzibi zyenu. ¹⁸ Mponyina abo bakalalila muli kilisitu abo ambabo bakapengwa cisubulo. ¹⁹ Nakuti mubumi tulijesi bulangilizi muli kilisitu, okubantu bonse bunji tulafwinda nsoni. ²⁰ Pele ino kilisitu wakabusingwa kuzwa kubafu mbuli mucelo okusanguna kuli abo balende. ²¹ Pele mbokunga lufu lwakazwa mumuntu, omumuntu kwakazwa bubuke bwa bafu. ²² Mbuli kuli Adamu bonse bakafwa , mponya omuno muli Kilisitu bonse bayoba baumi. ²³ Pele umwi muli cakwe cibela : kilisitu, oyu mucelo okusanguna, ape mponya abo bazulilwa muli kilisitu bayoba baumi mukuza kwakwe. ²⁴ Mponyina kuyoba kumagulelo, akusiya bwami kuli Leza tata, uyo mwaya bonse buleli abwendelezi bonse enguzu zyonse. ²⁵ Nkambo ulelede kwendalezya kusikila akabike bonse bamulwanya kunsi amaulu akwe. ²⁶ Mulwani wamamanino kuku nyonyonwa ndufu. ²⁷ Mbuli '" bwakabika zyintu zyoonse kunsi amaulu akwe,"" pele kuti lyamba ""wakabika zintu zyonse ,"" kwasalala na eci tacivwaningwa oyo wakabika zyonse kunsi anguwe. ²⁸ Pele zyoone zinntu nizyakaubauba kunsi anguwe, mponyina mwana nguwe uyozyubyaubya kunsi oumwi oyo ubika zintu zyonse mububauba kunsi anguwe, kuti Leza abe zyonse muli zyonse. ²⁹ Namwendi ino bayocita nzi abo bakabbizigwa kambo kabafu ? lno kuti bafu tabakabusidwe nikuba , ³⁰ kambo nzi ncibakabbizigwa kulimbabo.Kaambo nzi ncotuli mumakatazyo cindi conse? ³¹ Ndilafwa buzuba o obuzuba! Eci cecico celivwa mulinwebo, cejesi muli kilisitu Jesu Leza wesu. ³² Ino ndijana nzi , kuzwa mukuyeya kobuntu, na ndalwana aba nyama ku Efisyasi , ino kuti na bafwide tababusidwe ? '' Atulye o kunwa , mbukuli junza tulafwa .'' ³³ Mutenywi: " cilongwe cibi cisofwazya bubotu mbojesi ." ³⁴ Amubuke ! amupone cokululama! mutabi nimucita zibi.Kambo bamwi benu tabajesi luzibo muli Leza.Ndamba eci mukumuswabisya. ³⁵ Kambo umwi uyoamba, " ino bafwide bayobusigwa buti , ape mumubili nzi mubayozida ?" ³⁶ Nwebo nobafubafuba ! cobyala tacimeni ati kuti cafwa . ³⁷ Ape eco cobyala tainsi mubili uyoba, pele enseke izyala.Elakozya kuba maila nikuba zimwi zintu. ³⁸ Pele Leza ulapa mubili mbuli mbwasala , ape okuli imwi nseke o mubili wayo ³⁹ .Tainsi zyonse nyama ziswana. Kuli nyama yomwi yabanyu, imwi nyama njabanyama, imwi nyama njabayuni , imwi nje nswi. ⁴⁰ Kuli mibili yokujulu emibili yenyika. bulemu mubili wokujulu ulaulike ape bulemu bomubili wenyika ngumbi . ⁴¹ Kuli bomwi bulemu bokuzuba, ape obumwi bulemu bokumwezi, obumwi bulemu bokunyenyezi .Pele yomwi nyeneyezi ilindene kuzwa kuli imwi nyenyezi mubulemu. ⁴² Pele mbombubo bubuke bwabafu. Eco cibyalwa cilabola , ape eco cimena taciboli . ⁴³ Cilabyalwa mukutalemeka ; cilanyamunwa mubulemu . Cilabyalwa mukugonkelwa ; cilanyamunwa munguzu. ⁴⁴ Cilabyalwa ,mumubili wobuntu; cilanyamunwa mumubili womuya.Kuti na kuli mubili womubuntu, pele kuli mubili womumuya. ⁴⁵ Mponya cilembidwe, '' muntu mutanzi Adamu wakaba muya upona. '' Adamu musyalizi wakaba obumi bupa muya. ⁴⁶ Kono muya takwe niwakaza kusanguna pele buntu, mponya muya. ⁴⁷ Muntu musangu wali wenyika, wakapangwa obulongo . Muntu wabili uzwa kujulu. ⁴⁸ Mbuli uyo wakapangw obulongo mbwabede, ombuli muntu okujulu mbwabede, mponya ape kuli abo bo kujulu. ⁴⁹ Mponya mbotuli bazwalwe cikozya omuntu obulongo, tuyo zyala cokozya comutnu okujulu. ⁵⁰ Ino ndamba eci, bazyalwama, kuti nyama obulowa tabukozi kujila kubwami bwaleza. Nikuba eco cibola kujila muli citaboli. ⁵¹ Langa ! ndamwambila zisisidwe: tatuyolali bonse, ape bonse tuyosadulwa. ⁵² Tuyosandulwa mucindi cinini buyo, mukulaba kelinso, a mwebo wamamanino. Mwembo uyo ywika, abafwide bayobusigwa mukutabala, ape tuyosamdulwa. ⁵³ Mbuli oyo mubili ubola uwelede kubikwa mucitaboli, ape oyu mubili ufwide uwelede kubikwa kukutafwa. ⁵⁴ Kono kuti oyu mubili ubola wabikwa muli utaboli, ape kuti oyu mubili ufwide wabikwa mukutafwa, mponya kuyoza lwakaminwa kuzwa kuluzundo,'' '' ⁵⁵ Olufu , kuli kuzunda kwako? lufu, buli kulibukali bwako?'' ⁵⁶ Bukali bolufu cibi, ape inguzu zyecibi mulawo. ⁵⁷ Kono kulumba kube kuli Leza, oyo utupa luzundo luzwa ku mwami wesu Jesu kilisitu! ⁵⁸ Nikuba namu, nobazyalwama, amukakatile okutazungana. Cindi conse amulyange mumulimo wa Leza, kambo mulizi kuti milimo yesu mu mwami tainsi yobuyo.