¹ Ino amilumbo yokubunganya basalali: mbuli mbondalailila zikombelo zyoku Galatiya; mponya anywibo amucite. ² Mubuzuba bokusanguna bwesunda, umwi akati kenu alibilikile cimwi cintu ambali okucibamba mbuli mbwajana colwe. Mucite namuya kuti kutazobi kubunganya ndasika. ³ Ndasika buyo, kuli abo mbatamusale ndizobapa magwalo okulipandulula kuli mbabo okutuma mbabo ezipo zyenu ku jelusalemu. ⁴ Nacilakozeka kuti ndike amibo, balainka amibo. ⁵ Pesi ndizoza kuli nywebo ndazoinda kwinka ku macedoniya. Kambo ndiyoindala ku macedoniya. ⁶ Mwendi ndiyokala anywibo nanga kumana kwepeyo, kucita kuti mundingwasye mulwendo lwangu, kufumbwa kondainka. ⁷ Kambo tandinyomeneni kumubona inawa mwenzu uyindilila buyo. Kambo ndisyoma kukala cindi cilafu anywibo, na mwami wazumizya. ⁸ Kono ndiyokala mu Efisiyasi kusikila buzuba bokutambula muyaausala, ⁹ Kambo mulyango ukwazeme wajuka kuli mebo, ape kubali mbanji balwani ma. ¹⁰ Awo Timoteyo nakasika , wabona kuti uli anywibo katayowide kambo ulaicita milimo yamwami, mbuli mbondicita. ¹¹ Kutabi naba omwi umusapula. Mumungwasye munzila yakwe mulumuno, kuti asike kuli mebo. Kambo ndilangila kuti ulaza antomwi abazyalwanyina. ¹² Mponya kwendelanya omuzyalwama wesu Apolosi, ndakayuma kumukulwaizya kuti azo mupotele antomwi abazyalwama pesi taisyi kuyanda kwakwe kuti aze inawa. Nekuba namuya, uzoza cindi cazoba kabotu. ¹³ Amulangisisye amwime nji mulusyomo, amucite mbuli balumi, amuyume. ¹⁴ Akube kuti zyonse zyomucita zyicitwe muluyando. ¹⁵ Mulizi nganda yonse ya sitefani, kuti balibatazi kuli acala, ape okuti bakalisala beni kwendelezya bantu ba Leza basalala. Ino ndamukulwaizya nywebo, noba zyalwama, ¹⁶ Okuli bombya kubantu bali namuya ape okuli oyo ungwasya mukubeleka omukulikatazya answibo. ¹⁷ Ndakanonenwa kukuza kwa sitefani, fotunatasi, o acalikasi. Bakakwimina kuzulwa kwako. ¹⁸ Kambo batontozya muya wangu o wenu. Mponya awo amulemeke bantu mbuli mbabo. ¹⁹ Zikombelo zyo ku asiya zyatuma kulumelesya kuli nywibo. Akwiliya o pulisila bamulumelesya mu mwami, ezi kombelo ezyo zili mumanda abo. ²⁰ Bonse bazyalwama bamulumelesya. Amulumelesyane omwi oumwi olumyonto lusalala. ²¹ Mebo, nde paulo ndalemba eci amanza angu. ²² Nakuli umwi utayandi mwami, abe olutuko. Mwami wesu, sika! ²³ Luzyalo lo mwami Jesu lube anywibo. ²⁴ Luyando lwangu lube anywibo nonse muli kilisitu Jesu. Amube namuya.