¹ Amutobele luyandisyo, ape amupangike myoyo yenu kuzipego zyamoyo. Pele kwinda zyonse kubusinsimi. ² Kaambo sikwamba myambo tensi bantu mbabambila pepe, ulambila leza luzutu nkaambo takwe muntu umvwa wamba makani asisdwe a moyo. ³ Pele oyo unsinsima ualambila bantu majwi ayaka akusenezya akusozya' ⁴ Oyo unowawamba myambo ulaliyaka mukamweni,pele oyo usinsima ulayaka basimbungano nyina acikombelo. ⁵ Ino ndiyanda kuti nonse mwambe myambo,pele cintu nceyanda kwinda ncakuti musinsimi nkambo oyo usinsinsima ulayanda sikwamba myambo cita apandulule, kuti babe abuyake abalo basimbugano. ⁶ Ino kucindi cino,nobazyalwama, kuti ndeza kulindinywe kuzo bwamba myambo nkamugwasye buti?cita ndamwambila ciyubunuzyo nanka lusibo, naka lusinsimo, nanka lwiyo? ⁷ Azyalo zintu zilila mbuli nyele nanka kantimbwa, kuti tuzipambukanye bantu kabutu endelo zyazyo. Inokulazibwa buti kuti ncinzi eco cizibwa nanka cumwa? ⁸ mwembo wanolila cakutamwigwa nguni unga ulalibambila nkondo? ⁹ Mbokubede kulidinwe anywebo endimi zyenu zitinoamba majwi aswilila,ino kulazibwa buti kuti makaninzi ambwa?mulabanga mwambila muwo buyo. ¹⁰ Mbubonya obo kwili myambo yamusyobo musyobo ansi ano nkabela takwe takwe utaswiliki. ¹¹ Pele kuti nsimwisyi mwambo mbubede pele mumeso asikwamba ulaba ubweleza buyo kulindime. ¹² Ino anywebo mbuli bomusungwala kunjilwa muuya,amupangike myoyo yenu kuti mukainde kuyakana abasimbunganonyoko. ¹³ Abobo oyo wamba myambo myambo ulelede kukumba kuti apegwe bupanduluzi. ¹⁴ Nkaambo kuti ndakomba mumwambo umbi, ino muuya wangu ulakomba ncobeni,pele miyeyo yangu tigwasigwi pe. ¹⁵ Ino nkucita buti?nokomba kumuya.pele nokomba kumiyeyo yangu ayebo. ¹⁶ Kwataba bobo, kuti kolomba leza kumuuya,ino oyo utaiyide na kufunda ulakonzya buti kuzuminina kulumba kwako kuti ameni? Nkaambo tensi boamba. ¹⁷ Webo ulalumba kabotu nekubanamu walo tayakwi. ¹⁸ Ndalumba leza kuti ndamwinda nonse kukwamba myambo. ¹⁹ Pele mumbungano cilandibotela kuti nkambe magwi naba osanwe amiyeyo yangu, kuti kaisye benzuma,kwinda kwamba magwi ali zyuulu zili ikumi mumwambo umbi. ²⁰ Nobazyalwama mutabi mbuli bana kumakani abusongo. Kumakani abubi amube tunsambila buyo,pele kumakani abusongo amube banonobokede. ²¹ Kulilembedwe mubbuku lya mulao kuti,bantu aba nzibambila amyambo imbi amilamo imbi,nekuba abo tabakozondiswilila pepe mbobubo mbwamba leza. ²² Abobo eyi myambo imbi tuli citondezyo kuli babo bazuminipepe.pele kulibabo batazumini. Anukuti busisinsimi tabwinsi bwababo batana zumina pepe mbubwaba bazumini. ²³ Ino kuti mbungano yanu yonse yabungana antomwe nkabela bonse buyo balamba myambo i mbi elyo kulanjila bamwi bataiyide nanka bamwi batazumini.kana tabakonzi kwamba kuti mwasondoka na? ²⁵ Pele kuti bonse balansinsima,elyo kulanjila umwi utaide nanka umwi utazumini ncobeni oyo muntu ulayaswa mumoyo kuli bonse ulalingulwa kuli boonse ²⁴ Makani asisidwe amumoyo wakwe alaboneka, elyo ulainda kumenso akwe akukomba leza mpali akati kenu. ²⁶ Ino nkucita kutinzi?nabazyalwama cindi cimubungana umwi aumwi ujisi lwimbo nanka lusisunumo nanka lupnduluzyo ncibotu.pele onse abe akuyasya . k ²⁷ wanoli bamba myambo imbi, aba bamba babe omwe_omwe,nkabela akube umwi upandulula. ²⁸ Pele takwe sikupandulula,elyo sikwamba myambo ulelede kumuna buyo mumbungano, alyambilile mwini mumoyo akwambila leza. ²⁹ Abalo basinsimi babe bobilo na botatwe,nkabela bamwi babuzyanye makani ambwe. ³⁰ Umwi ulukede akusisinidwa makani,elyo uli mukwamba aumune. ³¹ Kaambo mulakonzya kusinsima nonse omwe_omwe, kuti bonse baiye akuyumisigwa mumoyo. ³² Myuuya yabasisimi ilakonzya kwendelezegwa kubasinsinsimi mumoyo. ³³ Ikuti leza tali leza walupilangano pepe, ngwalumuno mbubabede mumbungano zyoonse zyabasalali. ³⁴ Banakazi baumune mumbungano,nkaambo balo tabazumizigwa kwamba, balibombye buyo mbali mbuwamba mulawo. ³⁵ Kuti balayanda kwiya makani,babuzye balumi babo beni kunganda nkaambo masampu kuti banakazi baamba mumbungano. ³⁶ Ma! sa kulindinwe nkukwakazwa makani a leza? kana kuli ndinywe kolike nkwakasikila. ³⁷ Akuli muntu uliyeya kuti ndi musinsimi, nanka kuti ndi simuuya, azibe kuti aya makani ngindakamulembela milazyo ya mwami. ³⁸ kufumbwa muntu ikaka, alokwe mwini uyokakwa. ³⁹ Mbubo nobazyalwama amukusukamine businsimi, nkabela kwamba myambo imbi akwalo mutabakasyi. ⁴⁰ Pele zintu zyoonse buyo zicitwe kabotu akucililana.