¹ Cho yange njimileka buthunga muli Kilisitu. Kunjethi nakukutha,bithinganyeka byange bimwetha bukaleho bwange mu mundthzindthzime wa kuthzila ² ngwe yange muli buthiwa bwakama manene na kubabala mu mbunge yange kwa kujeneka kuhwa. ³ Mwafwa yange ngwe njinatha ngwe njishaka yange kuthingiwa na kunjitunditha kuli Kilisitu hamulonga wa bandolome bange babushoko bange kwetheka na mubila. ⁴ Bakebo banapu ba Isilaele. Bakebo bana batambula,bumpahu,litabathano,bwana bwa lishiko,kulemetha Njambi, na kukulahetha. ⁵ Bakebo bapwa nanga yatudile kuli Kilisitu cho ineja na kathingimiko ku mubila - ikeye Njambi hali byoshe. Cho bakamushangala myaka yoshe. Ameni. ⁶ Oloni kethi ngwe lijwi lya Njambi lya honowa embwe. Mwafwa kethi banu boshe mu Isilaele bapwa ba buthunga. ⁷ Nambe kethi boshe baka chithemunwina cha Abilahama banapu bana bendi mwa buthunga, oloni "Kubanga kwitila muli Isaka lika mukemwo chithemunwina chabo baka chithanenamo. ⁸ Mukemwo bene,bana baku mubila kethi bana ba Njambi. Oloni bana likulahelo bakebo balumbununa kupwa bashakulu bendi. ⁹ Mwafwa akewo majwi a likulahelo: ''Ha thimbu eyi njikeluka,cho Sala bakamwana mwana wa munalume." ¹⁰ Cho kethi echi lika embwe,oloni hanima ya Lembeka wakele na chikute lalo kuli Ishabo umo, tatetu Isaka - ¹¹ thimbu kanda bana bathemke na na bipangi bya bibwa nambe bya bibi,ngechi kukulahetha kwa Njambi mukwetheketha mukwangula kwendi bulingiwe,kethi mwafwa wa bilinga,oloni mwafwa wendi ou mukakuthana. ¹² Babyendekele kuli ikyeye ngwabo, "Mukulunu akapangela shongo yendi." ¹³ Chili ngwe omu bachithonekele ngwabo: "Yakobo uje njathzemeneoloni Esau njathzindile." ¹⁴ Bikajo tukatha kwendeka? kuli buthinga tahi kuli Njambi? embwe kethi chipwe ngocho. ¹⁵ Ikeye wendekele kuli Mosesa ngwendi, " Njikathzibila ngothzi baje njikatha kuthzibila ngothzi,Njikatetela ou njitonda kutetela." ¹⁶ Choni,kethi ngwe ha mulonga wa uje mukakutthsila,nambe mwafwa yobe mukakushatuka,oloni mwafwa wa Njambi,ou mukakutumwetha ngothzi. ¹⁷ Ngwe omwo bithoneka byendeka kuli Fwalao, " Ngechi bene ha butumbe obu njakwimikile,mangana njikupangethe usholole ndthzili yange muki yobe,ngechi lithzina lyange lithsimane mu kaye koshe." ¹⁸ Cho lalo,Njambi ali na ngothzi kuli uje yashaka,nou amushaka akamukaluwitha. ¹⁹ Cho mukendeka kuli yange ngweni, "Bikajo achili nakuthetele mulonga? Iyajo atha kuli byanangana chithzango cheni?" ²⁰ Kumutambela ukwabo,munu,yobe iyajo uje wakali kumbulula na Njambi?kli bije byakubumba byatha kwihula munu uje nabibumu ngwayo,mwafwa bijako wanji mungila muje? ²¹ Kumani uje muka kubumba kethi na lithetha lya kupangetha buje buma kubumba buma chitenga chakupangetha babenya,nabitenga bokwabo by kujeneka kupangetha? ²² Nga Njambi,ou natabela kusholola butenu bwendi na kupwitha bindthzili byendi kubithubuka,watwaleleho nakubandamena chakama bitenga bya kulibwayethela kunyonga. ²³ Indingwe walingile echi mangana asholwethe kutanekeya cha bufuko bwendi mubumpahu ha bitenga bya ngothzi,ebi wabwayethele laja mubumpahu? ²⁴ Indi batyoni nga walingile echi hali yetu lalo,aba lalo wathonene kethi lika kutunda mukati kaba Yunda,oloni lalo kutunda hakati kaba Njentile? ²⁵ Ngwe omu wendekele lalo mu Hosiya, "Njikathana banu bange aba kubakele banu bange,baje kathzemene yange nji kabathzema. ²⁶ Cho chikakala ngwe muje mubachendekele kuli bakebo,yeni kethi mu banu bange; cho kuje bakabathana 'bana ba Njambi wa kuyoya."' ²⁷ Cho Isaya walilile na kutambeka hali ba Isilaele ngwndi, "' Nambe nga bana ba Isilaele batumine manene ngwe binona bya mushekesheke wa ku Kalunga Ndunga,babandondo bakebo bakoboka. ²⁸ Omwo Shukulu akamanetha lijwi lyendi hano ha kaye kulimanethelela lyoshe nakujeneka kwishwala. ²⁹ Ngwe omwo wachendekele laje Isaya ngwendi, "Nga shukulu mukandthzili yoshe katuthethzeleleko bikota bimo, tukafwa ngwe baka Sndoma,na kulifwa ngwe baka Gomola." ³⁰ Cho twendeka ngwetu bikajo? ngwetu bakamafuti,kubakulahelele na kutondethetha kuthungama,banatambula kuthungama,kuthungama kwa kukulahela. ³¹ Oloni Isilalele,ou wakangeyele lishiko lya kuthungama,keteleho haje ha lishiko. ³² Mwafwa bikajo? oloni bakebo kubatondele kukulahela,oloni ha bipangi. Cho bakebo batanukile kuli manya lya kutanukitha, ³³ ngwe muje bithoneka byendeka ngwabyo, "Tala,njikajala mu Siyone limanya likatanukitha banu na limanya lya milonga. Woshe uje akakulahela muli eli limanya kaka muthzibitha shwama."