¹ Ngechije kukwethi kuhitha lolo kuli baje bali muli Yesu Kilisitu. ² Mwafwa lishiko lya mundthzindthzime wa mwonyo wa Yesu Kilisitu unamithzitula kutunda ku lishiko lya bubi na kuthsa muli Kilisitu Yesu. ³ Mwafwa byoshe byonwene lishiko kupanga hamulonga wakujeneka kukakala na ndthzili ku mubila,Njambi wa bipangele. Watumine munendi mu chifwa cha mubila wakubulumuna kukala bwana bwa bubi,cho wathile bubi bwa mubila. ⁴ Wapangele echi mangana ngwendi byoshe bishakiwa bya mashiko bikale bya kwetethewa muli yetu,yetu kutwethi kwendela kwetheketha na mubila oloni kwetheketha na mundthzindthzime. ⁵ Baje bakayoyo kwetheketha na mubila bakebo mana abo ku byuma bya mubila,oloni baje bakayoyo kwetheketha na mundthzindthzime bakaka mana abo kubyuma bya mundthzindthzime. ⁶ Mwafwa mana aba banawaka ku bya mubila kunapu kuthsa, oloni mana ali kubya mundthzindthzime ali na Mwonyo na kwoloka. ⁷ Mana awa banaka kubya mubila akala akulinga kuli Njambi,mwafwa kwononokela ku lishiko lya Njambi,nambe kwatha kulinga ngocho kwahi. ⁸ Baje bali mu mubila kubatha kubwaletha Njambi. ⁹ Nambe ngocho,Kumwethi mu mubila oloni muli mu mundthzindthzime, ngwe chili mundthzindthzime wa Njambi wakala muli yeni. Oloni ngwe kuli umo kethi mundthzindfthzime wa Kilisitu,cho kethi kuli ikeye. ¹⁰ Ngwe Kilisitu ali muli yeni,mubila unathsi na bubi bwawo,oloni mundthzindthzime wayoya na buthunga bwawo. ¹¹ Nga mundthzindzthime wauje wathungwile Yesu kubathsi uyoya muli yeni, cho uje wathangwile Kilisitu kubathsi akana mwonyo ku mibila yeni na kuthsa kwitila mu mundthzindzthime wendi,ou wayoya muli yeni. ¹² Cho ngechi,bandolome,tunapu baka makongo,oloni kethi ku mubila lika tukayoye kwetheketha na mubila embwe. ¹³ Mwafwa ngwe muyoya kwetheketha na mubila, cho muli mu muyehi na kuthsa,oloni ngwe muyoya ku mundthzindthzime bipangi bya mubila kukuthsa,cho mukayoya. ¹⁴ Mwafwa ngwe omu babangi babatwamenene ku mundthzindthzime wa Njambi,aba banapu bana ba Njambi. ¹⁵ Cho kumwatambwile mundthzindthzime wa bundungo linga mukale na lyoba lalo; oloni mwatambwile mundthzindthzime wa kutupwitha bana,ou tutambeka ngwetu, "Tate, Tatetu!" ¹⁶ Mundthzindthzime babenya akana bukaleho na mundthzindthzime wetu ngwe tubana ba Njambi. ¹⁷ Ngwe tubana,cho tunapu baswana,baswana ba Njambi. Cho bana tunyungu ku buswana na Kilisitu,nga chili tuyanda nendi linga netu lalo bakatuthzumbangeye nendi hamo. ¹⁸ Mwafwa njayongola ngwe tuyando twa thimbu kutwapandele kwetheketha na bumpahu buje bakatusholwela yetu. ¹⁹ Mwafwa kabandamena kwa kutanga bya bandamena kusholola kwa bana na Njambi. ²⁰ Mwafwa tangethi yoshe baillingithila kupwa ya ngocho, kethi kukushaka kwache babenya, oloni ha mulonga wendi ou wapwile ngocho, mukubandamena ²¹ ije tangetho ibenya bakayobola ku bundungo na ku kubola,cho bakainena mu kuthzituka kwa bumpahu bwa bana ba Njambi. ²² Mwafwa twathzibuka ngwetu katanga kwoshe kwakola na kupangela hamo mumishongo kweta bene na thimbu ino. ²³ Kethi omwo lika,olini nambe yetu babenya,tuli na bushuka bwa kulibanga bwa mundthzindthzime,kukolela mukati,hathi tuli nakubandanmena kututambula, bwobwoke bwa mibila yetu. ²⁴ Mwafwa mukubandamena echi bana twabola. Cho kubandamena kuje kwethina na kumona kethi kubandamena kwa kutamo. Mwafwa iyajo akabandamena chije alinakumona? ²⁵ Oloni ngwe tubandamena chije kutwethi na kumona, cho tuchi bandamena na mukuthimpa. ²⁶ Mungila imolika,munthzindthzime ukakwatha ha katheya kwetu. Mwafwa kututhzibuka omwo twatela kulombela,oloni mundthzindthzime babenya ukatwimanenako kutukwatha ha byuma kutwatha kwendeka na majwi. ²⁷ Uje akathetela mubimbunge athzibuka biyongola bya mundthzindthzime,mwafwa akakwatha kwamaneneko banu ba Njambi bakuthzila kwetheka na chithango cha Njambi. ²⁸ Kuli aba bathzema Njambi tuthzibuka ngwetu,akapanga nabo hamo byuma bya kunena bubwa, mungila ikwabo akapanga byuma byoshe hamo kunena bubwa, mabubulu amo achiNgiliki banathono ngwabo, byuma byoshe bikapangela hamo kunena bubwa,kuli baje banathana kwetheka na chipangi cheni. ²⁹ Mwafwa kuli baje wathzibukile wa bafwitha bakabulumune kulifwa na munendi,mangana akale ntwatwa hakati kaba ndolome babangi. ³⁰ Nabafwitha laja,bakebo lalo na thana. Baje wathanene laja,bakebo na lumbununa laja. Baje alumbununa,bakebo athingimika na bumaphu. ³¹ Cho bika lalo twendeka hali ebi byuma?Ngwe Njambi napu wetu, iyajo atwana mulonga? ³² Ou kathele kwechela munendi oloni bwa mwanene kuli bakebo hamulonga wetu boshe,bati lalo kutwana byuma byoshe hamo nendi? ³³ Iyajo akanena kubangeya ha banu ba Njambi aba wangwile laja? Njambi ikeye lika akathambetha. ³⁴ Ijayo ou imunahitha? Yesu Kilisitu lika lyendi ikeye wathsile - kuhyana ocho,ou bathangwile - ou ali kuliboko lya chilyo lya Njambi,ou alalo ali nakutwimaneneko. ³⁵ Ijajo akatupangununa ku chithzemo cha Kilisitu?Tuyando ndi,nambe kukaluwa,nambe kutupaketha,nambe njala,indi buthzu,indi bushonde,nambe mukwale? ³⁶ Ngwe muje bachisoneka ngwabo, "Hamulonga wobe banakututhsiya thimbu yoshe. Batupwitha kupwa ngwe bimanga baje bakuthsiya. ³⁷ Mubyuma byoshe twatubakana baka kuhitha muli umo uje watuthzema. ³⁸ Mwafwa njina chitabela munmbunge yange kethi kuthsa,nameme mwonyo,nambe tungelo, nambe fulumende,nambe byuma biliko,nambe byuma bikaija nambe bindthzili bya bakakuyula, ³⁹ nambe kuya helu,nambe bulobe bwa hathi, nambe chuma cheka chakutanga, chikatha kutupangununa yetu kutunda ku chithzemo cha Njambi, echi chakala muli Yesu Kilisitu mwene wetu.