¹ Indi mpamo kumuthzibuka,bandolome (Mwfwa njilinakwendeka kubanu baje bathzibuka mashiko), ngwange lishiko likayula hali munu hathimbu yoshe oyo akala na kuyoya? ² Mwafwa munakathzi wakushomboka banamunungu na mashiko kuli munalume wendi hathimbu ali na kuyoya,oloni nga munalume athsa,banamuthzitula ku mashiko a bulo. ³ Cho ngechije,thimbu alinakuyoya munalume wendi,nga akala na munalume weka,bamutumbula ngabo wakala na bukwithzi. Oloni nga munalume athsa,nathzituka ku mashiko,cho nga ayoya na munalume weka kapu lalo mukabukwithzi. ⁴ Ngechije bene,bandolome bange,bamipwithile ba kuthsa ku mashiko kwitila mu mubila wa Kilisitu. Chili ngocho mangana baminunge ku mukwabo,kulumbununa ngwe,kuli ou bathangwile ku buthsi,mangana twime bushuka bwa Njambi. ⁵ Mwafwa omu twakele ku mubila, mashungu a bubi,akatukite ha mashiko,akele na kupanga muli yetu na kwima bushuka bwa kuthsa. ⁶ Oloni banatunungu ku mashiko. Tuthsi kuli chije batukutile nacho.Echi chili ngachije mangana tupangele mu buhya bwa mundthzindthzime,kethi mubukaja bwa mukanda. ⁷ Choni twendeka ngwetu bati? mashiko anapu bubi ndi? Kuchatela kupwa ngocho,ngwe kunjathzibukile bubi,nga kwitila mumashiko kwahi. Mwafwa ngwe kunjathzibukile kulibeyela chuma kwa kwa kwilika mashiko kwendeka ngwawo "Kethi ukalibeyele chuma cha munu. ⁸ Oloni bubi bwemanene mwela kwitila mukukambeya na kunena kulibeya muli yange.Kwa kujeneka mashiko,bubi bunathsi. ⁹ Hathimbu ino omu njayoyele kwakujeneka mashiko nja kele na mwonyo, cho omu kuthzile kukambeya cha mashiko,bubi bwatambwile mwonyo,cho njathsile. ¹⁰ Chije kukambeya chatelele kunena mwonyo cha tengulukile kupwa kuthsa kuli yange. ¹¹ Mwafwa bubi bwawanene mwela kwitila mu mashiko cho na kunjikwitha. kwitila mu lishiko cho lya njithsilile. ¹² Cho lishiko linapu lya akuthzila,na kukambeya kunapu kwa kuthzila,kwa buthunga,na bubwa. ¹³ Cho chije cha chibwa chethzile kupwa buthsi kuliyange? Kethi chikafwe ngocho. Oloni bubi,hakulinga ngwabo bakachisholole kukala bubi,bwanenele kuthsa kuli yange kwitila mubije bya bibwa,nakwitila mukukambeya bubi bukatubakana theteko ya kubuhonowa. ¹⁴ Mwafwa twathzibuka ngwetu mashiko apwa aku mundthzindthzime,oloni njinapu wa kumubila: Bana njilandetha ku bundungo njikapange bubi. ¹⁵ Mwafwa ebi njikapanga, kunjithi kubithzibithitha. Cho ebi njikatondo kulinga,cho kunjethi kubilinga, cho bije njathzinda,bibyo njikalingi. ¹⁶ Oloni ngwe njikalingi bije kuthi kutonda kubilinga, cho njataba ku lishiko kupwa lya libwa. ¹⁷ Oloni hathimbu ino kethi njikabilkingi, olojo bubi obu bwakala muli yange. ¹⁸ Mwafwa njathzibuka ngwange muli yange, kupwa ku mubila wange, Kumweku kuyoya byuma bya bibwa muli yange, oloni njatha kubilinga. ¹⁹ Mwafwa bubwa buje njitonda,kujethi kubulinga, oloni bubi buje kunjekutonda kulinga, bukebyo njikalingi. ²⁰ Cho nga njilinga bije kunjekutonda kulinga,cho kethi yange alinakuchilinga,oloni buje bubi kwakala muli yange. ²¹ Cho,njinawana eli lishiko: Omu njitonda kulinga bya bibwa,bubi bwakala nange. ²² Mwafwa njikajolela mu mashijo a Njambi na munu wa mukati kange. ²³ Oloni njikamono mashiko a kulithebuka ku bimana bya mubila wange. Cho likalyutha lishiko lya lihya bya biyongola byange. Likanjitwala kubundungo na lishiko lya bubi bwa kala ku bimana bya mubila wange. ²⁴ Yange njimunu tuyando! Iyajo akanjilwila kutunda ku mubila wa buthsi? ²⁵ Oloni kukandelela chikale kuli Njambi kwitila muli Yesu Kilisitu Mwene wetu! Cho lalo, Yange babenya njikapangela mu lishiko lya Njambi na biyongola byange. Nambe ngocho,na mubila cho njinapangela lishiko lya bubi.