¹ Choni batijo tukendeka? Twapande tutwalelelho mububi ngechi chikeketima chitume ndi? ² Embwe kethi ngocho.Yetu tunathsi laja ku bubi,cho batijo lalo twaatha kuyoyelamo? ³ Yeni kumwathibukile ngechi ngweni babengi bengi baka mbwitika muli Kilisitu Yesu baba mbwitikile mukuthsa kwendi. ⁴ Batu thsindile,cho,na ikeye kwitila mukumbutwika mukuthsa. Echi cha lingiwile mangana ngwe Kilisitu bamuthangwile mukuthsa. Echi cha lingiwile mangana ngwe Kilistu bamuthangwile ku bathsi na nthzili ya bumpahu ya Ishe,ngechi lalo tunapnde kwenda mu mwonyo wauha. ⁵ Umona ngwe twalikwata hamo nendi muchifwa cha buthsi bwendi,cho lalo tukalikwata hamo haku thanguka kwendi. ⁶ Twathibuka echi,ngwetu bunu bwetu bw laja babushukikile hamo nendi linga uje mubila wa bubi amo bakaubihitha. Echi chalingiwile linga kethi tukapwe bandungo kumbubi. ⁷ Umona munu athsa cho noboka kutunda kunthzili ya bubi. ⁸ Oloni ngwe tunathsila hamo na Kilisitu.tuna kulahela ngwetu tuka yoyela hamo na ikeye. ⁹ Tunathzibuka bwino ngwetu Kilistu bamuthangwile ku bathsi,katha kuthsa lalo,buthsi kubwethi nawa na nzthili hali ikeye. ¹⁰ Kwetheketha kuthsa kwathsile ku bubi,wathsilile lika lika lumo.Oloni,uje mwonyo ali naluyoyelamo,ali na kuyoyela muli Njambi. ¹¹ Mungila imo lika neni nawa mwapande kuthinganyeka hali yeni babenya ngweni mwathsile ku bubi,oloni mukayoya kuli Njambi muli Kilisitu Yesu. ¹² Choni lalo bubi kubwapandele kuthswana mibila yeni ya kuthsa linga mwononoke ku butenu bwendi. ¹³ Kumwapandele kulambula bilyo bya mubila weni ku bubi,kupwa bipangetho kubutumbe bwa bubi.Oloni lilambuleni yeni babenya kuli Njambi ngwe aba banatunditha kukuthsa na kubanena ku mwonyo,cho nawa lambuleni bilyo byeni kuli Njambi kupwa bipangetho bya kunena buthunga bwa kujela. ¹⁴ Kethi mukatabethe bubi ku miyula.Omo yeni kumwethi lalo mwithi ya mashiko,oloni mwithi ya chiekekima. ¹⁵ Cho bikajo? Tunatha kulinga bubi mwafwa kutwethi mwithi ya lishiko,oloni mwithi ya chikeketima ndi? Embwe kethi ngocho. ¹⁶ Mwatanekeya ngechi ngweni omo yeni mulambula yeni babenya ngwe ndungo,cho unapu undungo kuli uje uli na kwononokela ndi? Nambe unapu ndungo ku bubi,eyi ika twala kukuthsa,chipwe bindungo kukwononoka,babapwitha bandungo ba buthinga. ¹⁷ Oloni tumukandeleleni Njambi! mwafwa mwapwile mu bundungo bay bubi,oloni munonoka mu bumbunge byeni ku buthunga buli mubilongetha ebi ba myanene. ¹⁸ Bamipatula kutunda ku bubi,cho nawa bamipwitha kupwa bandungo bya buthunga. ¹⁹ Njilinakwendeka ngwe munalume mwafwa kuthzeya ku mibila yeni. ²⁰ Omwo mwalambwile bilyo byeni ku bundungo bwa kujwala na kwonowa kukabangeya mashiko,na kunana butothi bwakama,mungila imo,choni lambuleni bilyo byeni kupwa bandungo mu buthungama na kujela. Omwo yeni mwapwile bandungo bya bubi,mwapatukile kutunda ku buthunga. ²¹ Ha thimbu ije,bushuka mukajo mwakelenabwo ha kulinga byuma ebi bili na kumithzibitha shwama oloni? Mwafwa fweto ya byuma ebi inapu kuthsa. ²² Oloni ololo omwo bana mipatula kutunda ku bubi cho munapu bindungo bya Njambi,cho bushuka bweni bukapwa kujela. Bije bikatundaho mwonyo wa myaka yoshe. ²³ Mwafwa fweto ya bubi inapu kuthsa,oloni bwana bwa Njambi bwapwa mwonyo wa myaka muli Yesu Kilisitu Mwene.