¹ Omwo banatupwitha kupwa bakabuthinga mu kukulahela, cho tuli na kwoloka muli Njambi kwitila muli Mwene yetu Yesu Kilisitu. ² Muli ikeye nawa tuli na ngila ya likulahelo muli eyi ngothzi ije tunemanamo,na ku lyaletha mubumpahu bwa Njambi. ³ Kethi lika ebi,oloni tukalayletha mutuyando twetu. Tunathzibuka ngwetu tuyando tukanena lukakateya. ⁴ Lukakateya lukanena bilinga,na bilinga bikanena chinyangabili, ⁵ na chinyangabili kuchethi kutubithzibitha shwama mwafwa chithzemo cha Njambi bana chitila mubimbunge byetu kwitila mu mundthzindthzime wa kuthzila,uje ibana twana kuli yetu. ⁶ Omwo twapwile bakakuthzeya,athimbu ya kwoloka Kilisitu wa thsililie baje kubathzibukile Njambi. ⁷ Naumo wahi atha kutaba kuthsila munu wa buthunga,amo mpano munu atha kuli na kuthsila munu wachili. ⁸ Oloni Njambi nasholola chithzemo chendi hali yetu,mwafwa thimbu twakele tuchili baka bubi,Kilsitu watuthzililile. ⁹ Kubwethzelelako,cho lalo,ngachije banatuthambetha na maninga endi,bakatwobola kutunda kubutenu bwa Njambi. ¹⁰ Cho ngwe muje,twakele tuchili mubutothzi twali thzibathanene na Njambi kwitila mu kutsa kwa munendi,cho manene honi,anima ya kulithzibathana nawa,cho bakatwobola na mwonyo wendi. ¹¹ Kethi lika ebi lika,oloni tukabwahelela muli Njambi kwitila muli Shukulu yetu Yesu Kilisitu muli ikeye lalo mukemwo mutwatambwile eli lithzibathano. ¹² Choni, mukati ka munu umo bubi kwakobelele muka kaye,mungila imolika kuthsa kwakobelele kwitila mu bubi. Na kutsa kwatandele kubanu boshe,mwafwa tubshe twabulumwine. ¹³ Thimbu kanda bakeko lishiko,bubi bwakele mukaye,oloni kukwethi kuhitha ngwe kukwethi bubi. ¹⁴ Nameme ngocho, kuthsa kwayulile kuli Abilahama na kweta kuli Mosesa,nameme baje kubalingile bubi ngwe Adama wonene kwononokela lithiko.Adama wapwa chimwetho chauje akaija. ¹⁵ Oloni obu bwana kubwapwile ngwe kubulumuna embwe. Cho omo chapwile kubulumuna kwa umo babengi bathsile,batijo chithango cha Njambi na bwana bwa chithzango cha munu umo. Yesu Kilisitu,chayobola babangi! ¹⁶ Oloni obu bwana kubwa pwile ngwe buje bubi bwatundile kuli uje munu umo. Cho kuthompetha kukakabangeya uje na bulumuna nakumunenela kumuhitha,oloni bwana bukakabangeya babangi bakakubulumuna na kubanenela kubathambetha. ¹⁷ Oloni omwo,mu kubulumuna kwa umo,kuthsa kwa yulile kwitila muli umo,cho batijo balina kutambula ngothzi na bwana bwasungama na kutumbama mu mwonyo muli uje umo. Yesu Kilisitu. ¹⁸ Chohoni,ngwe umo abulumuna cho chikatwala kuli banu babangi mukubahitha, chonawa kwitila mubilinga bimo bya kusungama mwethzile kuthambetha kwa myonyo ya banu boshe. ¹⁹ Muli yetu kwiila mu munu umo uje wonene kukabangeya lishiko cho babangi bapwile bakakubulumuna,nameme ngocho kwitila mukwononoka kwa umo babangi bakapwa baka buthunga. ²⁰ Oloni lishiko lyethzile na kunungako kubulumuna. Oloni aje kwa kwele bubi,ngothzi ya Njambi yalaneneho. ²¹ Echi cha sholokele,ngwe bubi bwayulile kuthsa,nameme ngocho ngothzi nayo yatela kuyula kwitila mubuthunga bya myaka yoshe kwitila muli Yesu Kilisitu Shukulu yetu.