¹ Batijo twendeka ngwetu Abilahama, kakulukathzi ketu,wawanene? ² Ngwe Abilahama bamuthambethele mu bilinga,nga wapandele kulishaka,oloni kalishashele kuli Njambi. ³ Bithoneka byendeka ngwabyo bati? Abilahama wa kulahelele Njambi,bamutalelele kupwa wa buthunga." ⁴ Chojo kulyoni uje alina kupanga,fweto yendi kuya pwiloni ngwe bwana,oloni ngwe ije ina mupande. ⁵ Oloni kuli uje keth na kupanga olojo a kulahela muli uje aka thambetha baje baka kujeneka kutaba,cho kukulahela kwendi ba chilabela kukuthungama. ⁶ Ndaviti na ikeye wendekele akubethikitha kwa munu uje Njambi na mulabela muka buthunga kwa kujeneka bipinga. ⁷ Endeka ngwendi, "Bana bethzika baje milonga yabo bana ithambetha,na bibi byabo bana bifwiki. ⁸ Na bethzika uje munu uje shukulu ka mulabela bubi bwendi." ⁹ Kuma kuje kubethzika kwendekele kwa kundama lika kuli baka kutuhuka,indi na baje baka kweneka kutuuka? Tuli na kwendeka ngwetu, " Kukulahela bachi labelelele kuli Abilaham kupwa muka buthunga." Bachilabelele bati kuli ikeye? ¹⁰ Echi chalingiwile thimbu kanda atuuke laja? chalingiwile thimbu kanda atuuke,kethi te na tuuka laja! ¹¹ Abilahama watambwile chimwetho cha kutuuka ngwe chipwe chitanekeyetho cha buthunga bwa kele nbwo mukukulahela thimbu kanda bachimutuhule. Bithinganyeka bya kele bya kumupwitha ishe ya boshe bakakulahela nameme bene kubatuukile,linga nabakebo bakale baka buthunga. ¹² Cho ikeye lalo napu ishe ya baje bana tuuka kethi kutuuka lika embwe oloni bakende mumingano ya kukulahela ije ya yoyele tatetu Abilahama thimbu kanda banutuule. ¹³ Omwo Abilahama na batekulu bendi babakulahethele ngwabo baka swana kaye kuchethzile kwitila mu lishiko embwe oloni kwitila munuthunga bwa kukulahela. ¹⁴ Omwo ngwe baje bononoka ku lishiko bakebo bakaswana,cho kukulahela kupwa kwa ngocho,cho na kukalahetha kunapu kwa kujeneka theho. ¹⁵ Omwo lishiko linena bukalu,oloni nga kwethi lishiko,cho kukwethi kubulumuna. ¹⁶ Cho mukemwo kukulahetha,kukulahetha kwa jendamenene ha ngothzi na kukulahetha kupwa mwana kuba tekulwila boshe ba Abilahama. Kethi lika kuli baje bononoka ku lishiko embwe,oloni na kuli baje balinalipangela likulahelo bya Abilahama. Napu tate yetu boshe, ¹⁷ ngwe omu basoneka, "Njili nakukupwitha ishe ya mafuti a mengi," Abilahama wakele hakati kauje ya kulahethele,ikeye,Njambi,uje muka kuthangula bathsi na kunena byuma bije kubyethiko ngechi bikaleko. ¹⁸ Muchinyangabili wa kulahelele nameme bene kukwakele byaku talelelaho,ngechi ngwendi akapwa ishe ya mafuti a mengi,cho ngechi omwo mubamukulahelele ngwabo, "Cho ngechi bene naba tekulwila bobe bakatuma." ¹⁹ Oloni kukulahela kwendi kukwathzeyele,wayongolwe a mubila wendi uje wakele kunjeneka kuthsa (mwafwa wakele na chiita cha myaka),na Sala nawa katha kukita bana. ²⁰ Oloni hamulonga wa lishiko lya Njambi, Abialahama katumamenene kutaba. Olojo,bamukolethele mulikulahelo cho nendyoni wa shangathzalele Njambi. ²¹ Wakolethele ngwendi Najmbi bije byana kulahela,tah kubilinga. ²² Omu mukemwo lalo "bamu lablele kupwa wa kuthunga." ²³ Oloni majwi awa, "bawalahele kuli ikeye" kubawa thonekele ikeye lika embwe. ²⁴ Bawathonekele lalo yetu,babana labela kukulahela muli ikeye uje wathangwile mwene Yesu ku bathsi. ²⁵ Ba mwechelele linga athse ha bubi bwetu cho bamu thangwile linga batupwithe baka buthunga.