¹ Cho kutubakana kuli na ba Yunda indi kubethzika kwa kutuhuka kuka?" ² Chuma chakama mungila yoshe.Chakulibanga,ba Yunda babajombolwelele byuma bya kushweka kuli Njambi. ³ Chikala bati ngwe ba Yunda kubakulahelele? kwonowa kukulahela kwabo kwatha kuthzimangana buthunga bwa Njambi ndi? ⁴ Kethi chipwe ngocho embwe,Oloni,echeleni Njambi sholoke buthunga.Nambe munu woshe wakapwa muka makuli.Ngechi muje mubathona ngwabo, "Majwi obe asholole buthunga bwobe,linga uhyane bakakuthompetha." ⁵ Oloni ngwe,bubi bwetu busholola buthunga bwa Njambi,cho twendeka ngwetu bati? Tunatha kwendeka ngwetu Njambi nendi muka kulinga bya makuli mwafwa nasholola haliyetu ndi? (njili nakupangetha endekethi ya bunu.) ⁶ Kethi chikakale ngocho embwe! mwafwa ngwe chikapwa ngocho cho Njambi akathompetha bati bakaye? ⁷ Oloni ngwe buthunga bwa Njambi bunasholokela mukukwitha kwange cho butumitha bumpahu bwendi,chojo mwafwa wabika lalo bahinjithompethela ha mulonga wa bubi? ⁸ Bikajo kumwendekela ngechi omu bamo batushaula nabakwabo nawa bakataba ngwabo, "Tulingeni bubi, linga bubwa butume"? Chili bene kubahitha kwabo kunabapande. ⁹ Cho bikoni? Tuli na kulyamena yetu babenya ndi? kethi ngocho.mwafwa tunabangeya laja ba Yunda na ma Ngiliki, boshe,bali na bubi. ¹⁰ Echi chilingechi ngwe muje mubachithona: "Kukwethi naumo wahi mukabuthunga,naumo wahi. ¹¹ Kukwetha nambe umo mukakuthzibithitha.Kukwethi nambe umo mukakuthetela Njambi. Boshe banatengulukila kweka. ¹² Boshe hamlika banapu bangocho ngocho. Kukethi nambe umo akalingi byabibwa,embwe,nambe umo wahi." ¹³ Mulibu wabo napu ngwe mwa mbumbo ya kushokoloka.Bindaka byabo bikendeka bya makuli.Cho bushunga bwa manyoka bwakala kwithi ya milungu yabo. ¹⁴ "Mutunwa twabo mwashula bishingo na ngundi." ¹⁵ "Mendi abo akashatuka kuya na kwitila maninga. ¹⁶ Mubingila byabo mwakala kubihitha na kuyandetha. ¹⁷ Aba banu kubatanekeyeye ngila ya kwoloka." ¹⁸ ''Kukwethi lyoba lya Njambi ku mesho abo." ¹⁹ Oloni tunathzibuka ngwetu byoshe endeka mashiko,byendeka kuli baje bakala muchiyulo mashiko.Echi chinapu ngocho manganoni baka milingi boshe boloke,cho manganakaye koshe bakakathompetha kuli Njambi. ²⁰ Echi chili linga kukwethi munu bakathambethela ha bilinga bya mashiko bije walishangala ikeye babenya. Mwafwa kwitila mu mashiko mukemwo mukatundu kuthzibuka bubi. ²¹ Oloni buthunga bwa Njambi banajomboloka kethi kwitila mu mashiko. Mashiko na tupolofita binapu bukaleho, ²² mukemwo bene,buthunga bwa Njambi kwitila mulikulahelo muli Yesu Kilisitu kuli boshe baje bataba. Kumwethi kahangu kahi. ²³ Mwafwa banu boshe banalingi bubi cho ngechi kubetethele hatheteko ya bumpahu bya Njambi, ²⁴ cho banabalingitha kupwa baka buthunga chabwana na ngothzi yendi kwitila mukutetela chili muli Kilisitu Yesu mwafw walithingile. ²⁵ Mwafwa Njambi walithingile Kilisitu Yesu kupwa ng'ombelo ya kuthambetha ku bubi ha kukulahela mu maninga endi. Wapwithile Kilisitu kupwa chimwetho cha buthunga bwendi,negchi webaleleko bubi bwa thimbu ya kunima. ²⁶ natutalelelako. Echi chakele ngocho mangana ashololwethe buthinga bwendi muthimbu ino. Echi chapwilengechi bene managana alisholole buthunga bwendi ngechi athambetha muka bubi woshe uje akulahela muli Yesu. ²⁷ Chojo kulishasha chili halyoni? Bna chitundithako kwitila mulishiko lya chifwa muka?bya bilinga ndi? Embwe,oloni hamulonga wa kulahela. ²⁸ Cho Omwo twayongola ngechi munu bamupwitha muka buthunga ha kukulahela kwakujeneka bilinga bya mashiko. ²⁹ Nameme Njambi kuma Njambi wa ba Yunda lika ndi? Kapwile Njambi wabaka mafuti lika ndi? Eyo, wapwa lalo wabaka mafuti. ³⁰ Ngwe,chili bene,Njambi wapwa umo,cho alingitha ba Yunda kupwa baka buthunga ku mesho endi, na baka mafuti kupwa baka kukulahela. ³¹ Kuma echi chinalumbunuka ngechi akukulahela tunabyana lishiko ndi?Kethi chikalangocho! Oloni,tulinakwanonokela mashiko.