¹ Bandolome, kushaka kwa mbunge yange na kulomba kuli Njambi hali bakebo,ha kwoboka kwabo. ² Mwafwa njatha kwambulula bukaleho wabo banalyana manene kuli Njambi,oloni kethi kwetheka kutanekeya kwa mangana. ³ Cho,mwafwa kujeneka kutanekeya buthunga buje bwatunda kuli Njambi,kutondatonda tumamethi yabo babenya ya buthunga,kubalyanene kuli Njambi mu buthunga. ⁴ Mwafwa Yesu nashulitha lishiko lya buthunga kuli woshe uje na mukulahela. ⁵ Omwo Mosesa wathonekele bya buthunga bije byathele kutunda kumashiko: "Ou munu mukakulinga bya buthunga bya mashiko akayoyela mu buthunga." ⁶ Oloni buthunga buje butunda mukukulahela bwendeka ngwabo: "Kethi wendeke mukati ka mbunge yobe ngwobe,"Iyajo akalonda mwilu?' (chinapu ngwe,kushulwitha Yesu hathi); ⁷ cho kethi wendeke ngwobe, 'Iyajo akashelumukila mu mwela wa banu bakuthsa?"" (Chinapu ngwe kunena Kilisitu kutunda helu kutunda ku bathsi). ⁸ Oloni chinendekewo ngwabo batijo? " Lijwi lili mu muyehi neni, mukanwa na mumbunge yobe." Eli likelyo lijwi lya likulahelo, eli litwambulwile. ⁹ Cho ngwe nakanwa kobe ulitabela ngwobe Yesu ikeye Mwene,na kukulahela mumbunge yobe ngwobe Njambi wamuthangwile kutunda kubathsi,ukapwa umuka kwoboka. ¹⁰ Ngwe na mbunge yobe omo ulitabela ali na buthunga cho na kanwa omo alitabela cho akoboka. ¹¹ Mwafwa bithoneka byendeka ngwabyo, "Woshe uje akulahela muli ikeye kubaka muthzibitha shwama." ¹² Cho kukwethi kahangu hakati ka mu Yunda na Ngiliki. Mwafwa Shukulu ikeye napu mwene waboshe,ikeye wapwa mu mukabufuko kuboshe baje bathana hali ikeye. ¹³ Mwafwa munu woshe ou thana halithzina lya Mwene akoboka. ¹⁴ Banatha batijo kumuthana ikeye bakebo kubamukaulahelele? Batijo bamukulahela ngwe kubathzibile lijwi lyendi? Batha kuthziba batijo kwakujeneka muka kukwambulula? ¹⁵ Cho batha batijo kwambulula lijwi,kubanga ngwe banabatumu? - Ngwe muje mubachithoneka ngwabo, "Kubwaha kwa mendi abaje boshe bali na kwambulula muthzimbu waubwa!" ¹⁶ Oloni kethi boshe bonokelele ku muthzimbu wa ubwa. Ngwe muje Isaya wendekele ngwendi, "Shukulu.iyajo na kulahla muthzimbu wetu?" ¹⁷ Ngocho bene kukalahela chikayija kutunda ha kutolilila, kutolilila na lijwi lya Kilisitu. ¹⁸ Oloni njimihula ngwange, " Kumani bakebo kubathibile?" Eyo, mukemwo bene. "Mutambi wabo washandokelele mukaye koshe,cho na majwi abo kumamanethelelo alifuti." ¹⁹ Ngechibene,njendeka ngwange, " Kumani baka Isilaele kubathzibukile?" Hakulibanga Mosesa wendekele ngwendi, "Njikamishangumwina lifuwa kuli baeje kethi kabakamafuti. Bakamafuti bakakujeneka kutaneka Njambi,cho njikabalubaletha." ²⁰ Cho Isaya na kuthimpa wendekele ngwendi, "Banjiwanene kuli baje kubathele kunjishakatheka. Njalisholwele kuli baje kubathele kunjihula yange." ²¹ Oloni kuli baka Isalela wendekele ngwendi, "Thimbu yoshe jolwele maboko ange kubaka kujeneka kwononoka na banu baka kutengulukila."