¹ Cho njendeka honi, Njambi na byana banu bendi ndi? Kethi chi kakale ngocho. Omu namnge bene njika Isalele,mutekulu wa Abilahama,wa ku muyati wa Mbenjamini. ² Njambi ka byanene banu bendi, aba bathzibukile kuthang'ulu.Yeni kumuthzibuka bithoneka mu byendeka hali Elinja,om mwa lambelele Njambi ali Isalela? ³ "Shukulu,banathsi bapolofita bobe boshe,bana thothzola mitula yobe, Yange lika njathalaho,cho bashaka kunjithsiya." ⁴ Oloni Njambi wa mukumbulwile na kwendeka ngwendi? "Njalitumbikile yange babenya banalume makulukathzi atanu na banalume aba kuba lemetheleho Balu." ⁵ Nambe ngocho athimbu ino lalo kubali ban bipangi.Ngwe kethi athimbu imo lalo kubali banathala ba babandondo mwafwa ya ku shakula ng'eke. ⁶ Oloni woshe ya ng'eke,kethyoni mwafwa ya bipangi.Ngwe kethngocho bing;eke nge kethi bing'eke. ⁷ Bikajo? chuma chije Isalele yakele na kushakethzeka,kuya chiwanene,oloni ba chiwanene kuli baje ba bashakuliwa, cho ba thaleleho bakolethele. ⁸ Chinapu ngwe nuje bachithonelkekelele; Njambi na bana Silitu ya kweneka mana,mesho mangana kethi bathe kumona,na matwi mangana kethi bathzibe,kweta na lelo lino." ⁹ Cho Ndaviti ngwendi, "Metha yabo ipwe linimba na likambwila,chimbundi cha kutanukako na kubanyanyametha. ¹⁰ Mesho abo apwe a bupuputwa linga kethi bathe kumona,na myongo yabo i kunyunga thimbu yoshe." ¹¹ Cho ngwange, "Batanukile ngechi bawe?" Kethi chikapweo ngocho. Oloni,kwitila muku bihitha chabo,Bwobole bunethzila ba kamafuti,ngechi kuba shangumuka bathzibe lifuwa. ¹² Hanoni oshe bubi bwabo bunapu bufuko bwa kaye,cho oshe kujeneka kwabo chinapu bufuko bakamfuti,bukama bwa fweto yabo bukapw batijo? ¹³ Oloni hano njili nakwendeka kuli yeni ba kamafuti,chongechi njinapu muluwa wa bakamafuti,njili nakubwahelelela muchiapngi change. ¹⁴ Amo njinenetha lifuwa mubanu baku muyati wange.Amo tukobola bamo babo. ¹⁵ Cho oshe kuba byana chabo chilumbumuna kulwitha cha kaye,ku batambula chabo chikapwa bati oloni mwonyo kutunda ku bathsi? ¹⁶ Oshe busska bwa kulibanga bwa kujeneka,cho na mukamo wa chishingo.Oshe muthzi wa jele,chona minango ngocho. ¹⁷ Oloni oshe minango imo baiteteleko,oshe yeni,munango wa mubinyu wa kweka,ba mi nungeli akati kabo,cho oshe mwa lipangelele bwilo bwa muji wa bubinyu nabo, ¹⁸ kethi yeni muka kwatha muji,oloni muji ukewo ika mukwatha yeni. ¹⁹ Cho mukendeka ngweni,'Minango ba iteteleko managana hamo bami nungako." ²⁰ Echi chinapu cha buthunga . Mwafwa ya kweneka kukulahela chabo ba bateteleko,oloni yeni munakoletha mwafwa ya kukulahela kweni. Kethi mulyalehe yeni babenya,oloni kaleni an lyoba. ²¹ Cho oshe Njambi kechelele ije minanga ya chithemwa,neni kak mwechela. ²² Kengeni,anoni,bikinga bya chithzemo na kikaluwa kwa Njambi: Kukaluwa chegthzile kuba Yunda baje wile,oloni chithzemo cha Njambi chineja hali yeni,oshe mutwaleleleho muchithzemo chendi.Oshe kethi ngocho nenei lalo baka mitetako. ²³ Cho nambe bakebo,oshe kubakatwalelelaho cho bajejukeni mu kweneka kukulahela kwabo,baka belwitha.Mwafwa Njambi atha ku belwitha lalo. ²⁴ Cho oshe ngwe ba mibatwile ku mitunditha ku muti wa mubuyu wa chithemwa wa mushwaata,cho kweneka kukaba chithemwa baminungile ku muti wa mubinyu wa ubwa,chikakala mwakutubakana bati aba,ije minanga ya chithemwa,ku inungako lalo ku muti wayo? ²⁵ Mwafwa,kunjishaka yeni kupwa bakujeneka ku mileka,bandolome,yechi chakushweka,cho mwonowe kupwa ba kujeneka mana mu bihinganyeka byeni:kukaluwa kwa bimbunge chineja hali ba Isalele kweta noho nambala ya bakamafuti bakakobela. ²⁶ Choni boshe ba Isalele baka bobola,ngwe omu ba chothonekele: Mwobola akatunda ku Siyone,Akatunditha bubi bwoshe muli Yakomba, ²⁷ cho echi chikapwa lithzibathano lyange nabo,omu jika tundithako bubi bwabo." ²⁸ Kwetheketha na muthzimbu wa ubwa omu uli,banapu bitothzi mwafwa yeni. Oloni kwetheketha na ku shaula omu chili,banapu baka chithzemo mwafwa wa kukulwila babo. ²⁹ Omu ma bwana na kushakula cha Njambi ku chathiwa ku chitengulula. ³⁰ Cho ngechi omu ku mwononokelele Njambi kuthang'ulu,ano muna tambula ng'eke mwafwa ya kujeneka kwononoka chabo. ³¹ Mungila eyi bene,anoni aba ba Yunda kubononokele. Ma manethelo apwile kwitila mu ng'eke bya mwethiwa kuli yeni na bakebo lolo batambule ng'eke lalo. ³² Mwafwa Njambi nabapwitha ba kujeneka kwononoka boshe manga amo a mwetha bing'eke uli boshe. ³³ Oho,kukunama cha bufuko bwamana na mangana a Njambi! Biyongola bhyendi bya bikalu bati ku bitengulula,cho na bingila byendi bikalu kubi wana! ³⁴ Omwoni iyajo na thzibuka bithinganyeka bya Shukulu nambe iyajo napu muka kunangula? ³⁵ Nambe iyajo wa bangele kwana chuma kuli Njambi,ngechi Njambi athe kumufweta?'' ³⁶ Omu kutundilila kuli ikeye na kwitila muli ikeye na kuli ikeye mwakala byuma byoshe.Kuli ikeye kukale bumpahu bwa myaka yoshe. Ameni.