¹ Njili na kumikambeya honi,bandolome,mubing'eke bya Njambi,kwetetha mibila yeni mu kulyana ku bwana bwankuyoya,kuthzila,chatabela kutambula kuli Njambi. oku kukekwo kulemetha kwa mana. ² Kethi mulikobelehe mu byuma kano kaye,oloni pweni bakakutenguluka kwitila mubuha bwa biyongola bya bimbunge byeni.Lingeni echi mangana muthzibuke chili cha chibwa,chitambulwa ,na biyongola bya bibwa bya Njambi. ³ Kwetila mubing'eke bya njanene njendeka kuli mubaboshe: Kethi mu thinganyeke mukulijundula manene yeni babenya kutubakana,oloni ku lekehetha mubithinganyeka,umo na umo kwethetha na ku kukulahela kwa na myana Njambi. ⁴ Omwo tuli na bilyo byabingi ku mubila umo,oloni kethi bilyo byoshe bya kala na chipachipangi chimo. ⁵ Muchifwa chimo,yetu mubwingi bwetu tunapu mubila umo. Muli Kiliditu,cho a chimo na chimo bilyo by a chimo na chikwabo. ⁶ Tulinamabwana akulithethza kwetheketha mu chithemo chije chiba twanene. Oshe bwana bwawa umo bu lpolofeta,echeni chilingiwe mu kwetheketha na theteko ya kukulahela chendi. ⁷ Oshe umo ali na bwana bwendi ku kwatha,mwecheni akwathe. Oshe umo ali na bwana bwa ku longetha. Oshe bwana bwa mo munapu kuku takametha,mwecheni a batakamethe. ⁸ Oshe bwana bwa umo bubapu bwa kwana,mwecheleni achilingamo na mbunge imo. Oshe umo ali na bwana bwendi bwa kutwamenenna,mwecheleni a chilingi na ku hyana.Oshe bwana bwa umo ku mwetha nge'ke echeni a chilinge na ndzandzu. ⁹ Echeni chithzemo chipwe cha cheneke makul. Kubyana bya bubi,kukwatelele kuli chije cha chibwa. ¹⁰ Mukwethekeha na kuthzema cha babandolome,pweni bakakulithzema kuli umo na mukwabo. Kwetheketha ha ku lilemetha,lilemetheni umo na mukwabo. ¹¹ Mukwetheketha na kwomatala,kethi muli thindwiye. Kwetheketha na sipilitu,pweni na chinyangabili.Kwetheketha na Njambi,mupangeleni. ¹² Mukubandamena pweni ba ka kubwahelela,mu kuyanda koletheni,pweni ba ku kukulahela mukulombela. ¹³ Lipamgeleni ebi muli na byo nabanu kubethi na byo baka Njambi wa kuthzila. Waneni bingila bya bingi mwa kutambwila bangethzi. ¹⁴ Kwithuleni baje bali nakumiyandetha; bakithuleni cho kethi mu bahinge. ¹⁵ Bwaheleleni na baje bana bwahelela,cho lileni na baje bali na kulila. ¹⁶ Cho kaleni na bithinganeyka byakulifwa umo na mukwabo. Kwthi mukale na bithinganyeka bya kulyaletha,oloni tambuleni banu baka kuyanda. Kethi mulimwethe kupwa baka mana. ¹⁷ Cho kethi mwilwithe bubi ku bubi.Lingeni byuma bya bibwa kumesho a banu boshe. ¹⁸ Oshe chathiwa,kwetheketha nomu mu muhimwena,yoyeni mwa mubwa na banu boshe. ¹⁹ Kethi mulinge shambandinga ,bakachithzemo,oloni aneni ngila ku butenu bwa Njambi. Mwafwa chathonekewa ngwabo, "Shambandinga yapwa yange;njikelwitha; ngwendi shukulu." ²⁰ Oloni "Oshe ali na lihwila,mwaneni bya kunwa.Mwafwa oshe mulinga echi,muka lunduka manungu atuhya ha nutwe wendi." ²¹ Kethi mutabethe ku myatha, oloni atheni bubi na bubwa.