¹ Oloni yetu twakolo mukulahela tunapandele kukwasa baje kanda bakole mulikulahelo lyabo,nambe kutwapandele kulibwahetha yetu babenya embwe. ² Oloni tuboshe tubwaheseleni bakwetu mukubalingila bya bibwa,linga bakole likulahelo lwabo. ³ Omwo Kilisitu kalibwahesele ikeye babenya embwe.Oloni,mubithona binandeka ngwabyo, "Kushaula bamishawile chinaija ali yange." ⁴ Hakati kabuyma byoshe bibasonekele babisonekele mukutulonfetha linga tikale na chasu chakutunda kulukakateya na kutakametha kubithoneka. ⁵ Cho Njambi ikeye wakuthimpa na kumitakametha kukala mubiyongola bimo akati keni mukukala kutemunwina Yesu Kilisitu. ⁶ Cho yeni boshe mushangale Njambi Ishe ya mwene wetu Kilisitu na lijwi limo. ⁷ Ngocho litambuleni umo na mukwabo,nge omo mwamitambule Kilisitu,muchithemo cha Njambi. ⁸ Omwo njendeka ngwange Kilisitu napu ngamba ya ba Yunda mu mwela uje wa buthunga muli Njambi,mukushulila bikulahetho byendi kuli bakukulwila babo, ⁹ na bakamafuti bashangale ng'eke ya Njambi.Ngwe mubabithona ngwabyo, '' Ngocho njikakana chishangala akati keni baka mafuti na kukamulemetha mulithzina kyendi." ¹⁰ Cho lalo bilinakwendeka ngwabyo, ''Bwaheleleni,yeni baka mafuti,na banu ba Njambi." ¹¹ Chikwabo lalo ngwabo, "Shangathzaleni Shukulu,yeni bakamafuti; echeleni banu boshe bamushangathzale ikeye. ¹² Cho lalo,Isaya wendekele ngwendi, "Chikota cha Njesi chikaija,nakukatula buswana hali bakamafuti; muku ikeye bakamafuti bakapwa chinyabili." ¹³ Cho Njambi wa chinyangabili akamishulitha mbwathe na kwoloka kwoloka mukukulahela, linga mukukulahela kwa mundthzindthzime wa kuthzila kukakala na chinyangabili. ¹⁴ Yange babenya njamithzika yeni,ba ndolome bange. Njathzibuka lalo yeni babenya muna thulu bubwa,bwakushula na mangana. Njinathzibuka ngwange munatha kulongetha umo na mukwabo. ¹⁵ Oloni njili na kusoneka bikwabo bya kukanyama bya kumyanukitha yeni,mwaya ngothzi ya njana Njambi. ¹⁶ Hakukala na bwana bwakupwa ngamba ya Kilisitu Yesu uje banatumu ku bakamafuti,mukulyana kupwa kapilisitu wa mujimbi wa Njambi,linga bwana bwa bakamafuti linga baka butambule,bana bujeletha kuli Mundthzindthzime wa kuthzila. ¹⁷ Cho muli Kilisitu Yesu njatha kulishasha hakumupangela Njambi. ¹⁸ Kunjikendeka byeka kubanga bije byananjilekele Kilisitu kwitila muli yange bya kutwamenene bakamafuti mukonwonwoka.ebi byuma bikebyo bi njekele lalo njabilingile, mundthzili na bithzibukitho na mubikomwetha, ¹⁹ na munthzili ya Mundthzindthzime wa Kuthzila. Cho kutunda ku Yelusalema, nakuthzenguluka na kweta ku Ilikyuma,njinamanetha kwambulula bing'anda bya bibwa bya Kilisitu. ²⁰ Cho mungila eyi,chithzango change chili cha kwambulula binganda bya bibwa, kuli baje kandabathzibuke lithzina lya Kilisitu,kutewetha njikatunga lubula lwendihaje hali munu weka. ²¹ Cho bachisoneka ngwabo: ''Baje boshe kubatambwile mujimbu wendi bakalimona nendi,cho nawa baje kubathzibukile baka thzibithitha." ²² Cho banjibingikile bithimbu bya bibingi bya kwija kuli yeni. ²³ Oloni muthimbu ino,kukwethi mutambela chimo kuje lijwi lyendi ku lyetele,cho njashungwiiye ha myaka yaingi njashakele kwija kuli yeni. ²⁴ Njinakulahela kwija nakumimona amo njakwita akakati kangila yange yakuya ku Sipani,chonawa mukanjikwathako habungendthzi bwange bwakuya kuje, njabwahelela kukalanene thimbu yoshe. ²⁵ Cho hano njilinakuya ku Yelusalema,mukupanga bipangi ku banu bakujela ba Njambi. ²⁶ Chapwile chachibwa kuli baka Misondoniya na baka Akasa kukungulula milambu kuwatha banu bakuhutuwa hakati ka banu ba Njambi baje bali mu Yelusalema. ²⁷ Eyo, banu boshe babwahelele, bakele na likongo kuli bakebo. cho nawa baje baka mafuti balipangelele muthzimbu wamu sipilitu,kuli baje kethi baYunda naku kwatha bufuko bwabo kuli ba Yunda. ²⁸ Omwo njamanethele bipangi byakwetetha bije biba kungulwile,cho njinakaya ku Sipeni na kuthikama ha bungethzi bwange. ²⁹ Njathzibuka bwino ngwange omo njikaija kuli yeni njikaija washula na bikwithula bya Kilisitu. ³⁰ Hanobeni njili na kumikoletha,bandolome bange,muli Mwene Yesu Kilisitu,na chithzemo cha sipilitu linga tupangele hamo nange mukunjilombelela yange kuli Njambi. ³¹ Lombeni linga munjobole njikajeneke kukala ba bushonde kuli baje banajeneka kukulaheka mu Njundeya, na bipangi byange bakabitambule kubanu ba Njambi mu Yelusalema. ³² Ngocho lombeni mgweni njika ija kuli yeni muchithzango cha Njambi,cho nange,hamolika neni,tukawane kuhwima. ³³ Cho Njambi wa kwoloka akale neni boshe. Ameni.