¹ Tambuleni woshewa kutheya mulikulahelo,kwakujeneka bimata ha biyongola. ² Munu umo ali na likulahelo lya kulya chuma choshe,oloni munu mukwabo watheya ikeye akali lika bithapa. ³ Cho munu muka kulya byoshe kethi ayengule uje kethi kulya; cho uje munu kethi kulya chuma choshe kethi ahithe uje muka kulya chuma chose.Omwo Njambi na mutabetha. ⁴ Yobe iyajo,yobe uhithe ngamba yambala? chili ku mesho a shukwaina oku emana nambe awa.Oloni baka mwimika,mwafwa Shukulu natha kumwimika. ⁵ Munu umo amona litangwa limo kupwa na theho kutubakana likwabo.Munu mukwabo ana theho ku matangwa oshe.Echeni munu woshe a chitabethe mu mwonyo wendi. ⁶ Uje woshe ononokela litangwa,ali na kulyononokele Shukulu; nauje muka kulya,alila Shukulu,mwafwa kakandelela kuli Njambi.Nauje muka kujeneka kulya,alikela kulya mulonga wa Shukulu; naikeye lalo ali naku kandelela kuli Njambi. ⁷ Mwafwa naumo wahi wetu waliyoyela likalyendi,naumo wahi walithsila likalyendi. ⁸ Mwafwa nga tuyoya tulinakuyoyela muli shukulu, cho nga tuthsa,tuli na kuthsila muli Shukulu. Cho nga tuyoya nambe tuthsa, tunapu ba Shukulu. ⁹ Cho muchifwa echi Kilisitu wathsile cho wayoyele lalo,linga apwe Mwene waboshe baka kuthsa na baje baka kuyoya. ¹⁰ Oloni yobe, bikajo uhithila ndolome yobe? nabe,bijajo uyengwila ndolome yobe? Mwafwa yetu boshe tukemana ku chitwamo cha Njambi cha kuthompethela. ¹¹ Mwafwa bachi soneka,"kuli yange mabuli oshe kathsikamena,na malimi oshe kalitabela kuli Njambi." ¹² Cho ngachije,munu na munu akalyambulula babenya kuli Njambi. ¹³ Ngachije bene kethi tuli hithe umo na mukwabo,oloni tuna pande kulinga echi,ngwabo naumo wahi akatha kwaka chimbundi nambe kutela muheto ndolome yendi. ¹⁴ njinathzibuka na kutolilila muli Shukulu Yesu Kilisitu ngwabo kukwethi cha kujwala hacholika.Kubanga kuli ou akulahela ngwendi bya kujwala,kuli ikeye binapu bya kujwala. ¹⁵ Nga ubulumwina ndolome yobe ha bya kulya,cho kuwethi na kwenda muchithemo. Kethi munyongethe na kulya kweni umo uje Kilisitu wa mithsililile. ¹⁶ Kethi utabethe bije wapwitha kupwa bya bibwa kubyendeka kupwa bya bibi. ¹⁷ Mwafwa bumwene bwa Njambi kethi bwa kulya nambe kunwa,oloni bwa buthunga,kwoloka,na kujolela mu Mumundthzindthzime wa Kujela. ¹⁸ Cho woshe uje apangela Kilisitu mu ngila eyi bene bana mutaba kuli Njambi na banu banachitabetha. ¹⁹ Cho ngachije,tunapande kuyongola byuma bay kwoloka na byuma bitakametha umo na mukwabo. ²⁰ Kethi munyongethe bipangi bya Njambi hamulonga wa bilya.Byuma byoshe byapwa bya kujela,oloni cha kuluwa kuli munu kulya chuma chimo chije chasa kulingitha umo linga awile mububi, ²¹ Cha chibwa kwakujeneka kulya thitu,nambe kunwa binyu,nambe kulinga chuma chimo chije chitanukitha ndolome yobe. ²² Kukulahela muli nacho,chitulikeni yeni babenya na Njambi. Napu wakubethzika uje kalithibi kupaya ha chuma chije chana tabetha babenya. ²³ Uje woshe aluwathana ngwe alya cho bana muhitha,mwafwa kuchatundililila mu kukulahela.Cho chuma choshe kucha kundamene kuku kukulahela chinapu bubi.