¹ Njakundika ndokathzi yetu Fwembi kuli yeni,ikeye ngamba wa chikungulukilo chaku Seunkili, ² linga mumutambule mu lithzina lya Mwene.Lingeni ngwe muje mubakalingi banu ba Njambi bakujela, cho mukwatheni byoshe bije ashakakuli yeni, mwafwa napu mukakukwatha mannene kubabangi na kuli yange lalo. ³ Mitende kuli Pulisila na Akwila, baka kupanga nange muli Kilisitu Yesu, ⁴ bakebo bechele mwonyo yabo omwo hali yange.njinabakandelela,kethi yange lika,oloni na bikungulwilo bya baje kethi banjentile. ⁵ Menekeni kuchikungulukilo chije chili munjibo yabo.Menekene Epaenetase uje injathzanga,uje wapwile wakulibanga kukulahela Kilisitu mu Asiya. ⁶ Mitende kuli Maliya, uje namipangele manene. ⁷ Mitende kuli Andolonikase na Njuniyase, ba bushoko na bakwetu mutwakelelele mu kamenga. Bapwa ba kuthsimana ku miluwa,cho bapwile muli Kilisitu thimbu kanda yange njikulahele. ⁸ Mitende kuli Ampilyatase, inja thzanga muli Mwene. ⁹ Mitende kuli Ambanase, mukakupanga netu muli kilisitu,na Sitachise,injathzanga. ¹⁰ Mitende kuli Apelese, uje mukaku longwa muli kilisitu.Mitende kuli baje baka njubo ya Alisitombolase. ¹¹ Mitende kuli Helondyone, mukwetu. Mitende kuli bakanjubo ya Nasisase baje bali muli Mwene. ¹² Mitende kuli Talafaena na Talafosa,bakakupanga manene muli mwene.Mitende kuli Pelesise inja thzanga, uje na panga manene muli Mwene. ¹³ Mitende kuli Lufase,wa kwangula muli Mwene, hamo na baina nange banana. ¹⁴ Mitende kuli Asinikilitase, Felengone, Helemese, Patolombase, Helemase, na bandolome baje bali hamo nabo. ¹⁵ Mitende kuli Filolongase na Njulya, Nelyase na ndokathzi yendi, na Olimpase, na banu ba Njambi boshe bakujela baje bali amo nabo. ¹⁶ Lindwitheni umo na mukwabo na kulithsemba kwa kwoloka. Bikungulukilo byoshe bya Kilisitu banatumu mitende yabo kuli yeni. ¹⁷ Njimilambelela, bandolome, kuthinganyeka baje bali na kunene kulyangunuka na kutanganetha.Bana tubakanetha bilongetha bije mwalilongethele. shondolokeni kuli bakebo. ¹⁸ Mwafwa banu bachifwa echi kubethi nakupangela Kilisitu embwe, oloni memo abo lika. Cho na majwi abo akukokweya na endekathi yabo yakusebeleka bali na kukwitha bimbunge bya kujeneka mulonga. ¹⁹ Mwafwa byakumwenaho bya kulongwa kweni binete ku boshe. Njinabwahelela, choni, hali yeni,njitonda mupwe mubakamana ku byuma byabibwa, oloni pweni muba ngocho ku byuma bya bibi. ²⁰ Njambi wa kwoloka ololo akathsena Satani ya myanja yeni.Kutetela kwa Mwene Yesu Kilisitu kukala amo neni. ²¹ Timoteo, mukwetu muka bipangi, natumu mitende yeni kuli yeni, na Lusiyasi, Njasoni, na Sosipata,babushoko. ²² Yange,Teshase, muka kusoneka mukanda ou, njamitumina mitende muli Mwene. ²³ 23 Ngayase, mukakunjitambula na chikungulukilo choshe na mitumina mitende.Elasitase,muku kutulika bimbongo bya munganda, na mitumina mitende, hamo na ndolome yendi Kwatase. ²⁴ Kutetela kwa Mwene Yesu Kilisitu kukale amo neni boshe. Amena. ²⁵ Ikeye atha kumilingitha mupwe na nthzili kwetheketha na bing'anda bwa bibwa njikambulula bya Yesu Kilisitu,kwetheketha na kujomboloka kwa busunga bwa kushweka buje bubahswekele tunde ku sanulu. ²⁶ Oloni banasholola na kubuthzibuka kwitila mubisoneka bya bapolofita ku mafuti oshe, na kushika kwa Njambi wa myaka yoshe, kakunena kwononoka kwa kukulahela. ²⁷ Kuli Njambi umolika uje muka - mana ,kwitila muli Yesu Kilisitu,kukale bumpahu bwa myaka yoshe.Amena.