¹ Cha mamanethelo,bandolome bange,bwaheleleni muli Shukulu. Yange honi hakumuthonekela byuma bimolika lalo kuli yeni kukwethi bukalu kuli yange,cho bikami kwatha kukala bwino. ² Nyanyameni na tutali. Nyanyameni na bakabipangi baka kulinga byuma bya bibi. Nyanyameni bana futithi ya kuthsiya. ³ Mwafwa yetu kutuhuka - aba bakalemetha na muthzithzime wa Njambi,na kubwahelela muli Kilisitu Yesu,cho kutwathimpile ku chithemwa cha mubila. ⁴ Nambe ngocho,yange babenya njatha kuthimpa mu byuma bya mubila.Nga umo ayongola ngwendi nathimpi mu chithemwa cha mubila,cho njapande kuhyana manene. ⁵ Njatuhukile halitangwa lya muchitanu na watatu,kutunda kubanu ba Isalele,muyati wa Mbenjamani, ka Hebelu waba Hebelu;hakunyunga lishikoni njika Faliseho. ⁶ Hachithzango,njayandethele chikungulwilo; mukuthungama kwitila mu lishiko,ku njakele na mulonga. ⁷ Oloni byuma byoshe byapwile bya nganyo kuli yange,nja bipwitha kupwa bya ngocho mwafwa wa Kilisitu. ⁸ Ngechi bene,njili na kutanda byuma byoshe kupwa ngocho mwafwa wa theho yakama ya kutanekeya Shukulu Yesu Kilisitu, Mwafwa wa ikeye njinechela byuma byoshe - cho njabi bya pwitha ngocho - mangana njitambule Kilisitu ⁹ na kuwaniwa muli ikeye,kethi kukala na kuthungama kwange babenya kutunda ku lishiko,oloni kwitila lika mukukulahela muli Kilisitu - kuthungama kwa kutunda kuli Njambi kwitila mukukulahela. ¹⁰ Cho hano honi njilinakutonda muthzubuka na bindthzili byendi bya kithanguka kwendi na kupangela tuyando twendi,kupwa ngwe ikeye mukathsa, ¹¹ cho hani njikaita mukuthanguka kutunda kubthsi. ¹² Kethi ngwe njili laja nabyo ebi byuma embwe,nameme njinajele embwe,oloni njitwaleleleho kukwatetha chije njakwateleleleko kwitila muli Yesu Kilisitu. ¹³ Bandolome,kunjathinganyekele ngwe babenya nja chikwetetha laja.Oloni chuma chimo njinapande kulinga: Kwibala bije bili kunima na kutwaleleleho kutonda bije bili lutwe, ¹⁴ njili na kutwaleleleho kweta kuchikongwani na chiyongola chakutambula fweto ya kunjithanena kwilu kuli Njambi muli Kilisitu Yesu. ¹⁵ Yetu boshe tunakolo mu likulahelo,tuthinganyekeni mungila eyi ngechi,cho woshe yeni muthinganyekela mungila yeka achuma chili choshe,Njambi akamisholwelacho. ¹⁶ Nameme ngocho,na kwetheketha ebi tulinabyo,tuyeni tunyunge mashiko mungila imolika. ¹⁷ Pweni baka kunjitemwinina,bandolome.kengethekeni bwino baje bali na kwenda mu chithemwa chije muli nacho muli yetu. ¹⁸ Babengi bali nakwenda - baje bamo banjikmilekeho yeni thimbu yoshe,cho hano honi njili na kumileka yeni na mithothzi - ngwe bitothzi ba chilindakano cha Kilisitu. ¹⁹ Mamanethelo abo kunyongwa.Mwafwa njambi ya bo lifu lyabo,na bumpahu bwobo buli mushwamwa yabo.Bakebo bithinganyeka byuma bya hano ha kaye. ²⁰ Oloni yetu lifuti lyetu lili mwilu,kutunda kuje tulina kubandamena mwobole wetu,Mwene Yesu Kilisitu. ²¹ Akatengulula mibila yetu ya kuthzeya mu mibila ba tungunga ngwe mubila wendi wa bumpahu,watungile na bindzili byendi bya kuhyana byuma byoshe kuli ikeye babenya.