¹ Nga kulitakametha muli Kilisitu,nga kuli kulithzembeleka chibana myana ku chithzemo,nga kuli choshe cha kulinunga muli muthzithzime,nga kuli kulitetela choshe ocho na ngothzi, ² cho shulitheni kujolela kwange ha kupwa na bithinganyeka bimo,kupwa na chithzemo chimo,kupwa ba kulinunga mu muthzithzime,na kupwa na chuma chimo mu bithinganyeka. ³ Kethi mulinge chimo kutunda ku chupululu na mashungu a kulishaha,oloni ku banu anukeni bakweni kutubakana yeni babenya. ⁴ Echeleni umo na umo kethi akenge lika bije bimuthzibitha bwino,oloni lalo thzibitheni bakweni bwino. ⁵ Kaleni nebi mu bithinganyeka byeni bije byakele lalo muli Kilisitu Yesu, ⁶ Iyajo,nambe wakeleko mu chifwa cha Njambi,kathele kulipwitha theteko yendi kupwa namo na Njambi ngwe chuma chimo chakukwatelelako. ⁷ Oloni,wecheleni byishe ikeye babenya ha kwambata chifwa cha ngamba,cho wathemukile mu chifwa cha chakathemuka munu. ⁸ Walikehethele ikye babenya na kulyononona kwta na kutheteko ya kuthsa,nameme kukwata ku kuthsa ha chilindakano. ⁹ Chojoni na Njambi lalo wamiwmikile helu wamwanene lithzina lyakam kuhyna mathzona oshe. ¹⁰ Walingile ngechi mangana mabulu oshe akathikame mulithzina lya Yesu. ¹¹ Walingile ngechi mangana malimi oshe athe kutabela ngwabo Yesu Kilisitu ikeye Shukulu,kubumpahu bwa Njambi Tate. ¹² Cho lalo,baka chithzemo bange,ngwe omwo mukwononoka yoshe,kethi ngwe ku musho ange lika embwe oloni manene nambe njiwahiko,pangeleni ha kwoboka cheni na lyoba na kulijajela. ¹³ Mwafwa Njambi ikeye alinakupangela muli yeni mupwe chithzango hamolika na bipangi bya bibwa bya butumbe bwenda. ¹⁴ Lingeni byoshe kwa kujeneka kuyayabala nambe kulibyanangana ¹⁵ mangana mupwe baka kujeneka milonga na kujela,bana ba Njambi bakujeneka kapenga mukati ka chikota cha bilinga bya kupenga na linyanyamena muka byathzima ngwe cheke mu kaye. ¹⁶ Kwatetheniko ku lijwi lya mwonyo mangana ha litangwa lya Kilisitu njikalishangale ngwange kunjashatukile mwa ngocho nambe kupangela mwangocho. ¹⁷ Olojo nambe bananjitila ngwe bwana bwa ng;ombelo na bipangi bya likulahelo,njina bwahelela na kujolela hamo neni boshe. ¹⁸ Mungila imolika neni nawa munapande kubwahelela na kujolela hamo nange. ¹⁹ Oloni njili na chinyangabili muli Shukulu Yesu hakutuma Timoteya kuli yeni ololo beni,mangana nange nawa njitakame omwo njithzibuka byuma hali yeni. ²⁰ Mwafwa kunjethi na umo weka wakulifwa nendi uje chili bene myaka mbunge. ²¹ Mwafwa bohe bali nakutonda byabo babenya bikasholoka,kethi bya Yesu Kilisitu. ²² Oloni munathzibuka kulema chendi,mwafwa mwana na baishe,cho wapangele nange mu muthzimbu wa ubwa. ²³ Cho njili na chinyangabili cha ku mutuma bwathi bwathi omwo njimona byuma byenda nange. ²⁴ Oloni njakulahela muli Njambi mgwange nange babenya njiya ololo. ²⁵ Oloni njayongola ngwe chinapande kutuma Epafalonditu mangana eluke kuli yeni. Wapwa ndolome yange cho mutukapangela buthamba wange mutukapangela cho mukwetu liswalale,cho wapwa muka kutwala muthzimbu na ngamba mu byuma byakunjikwatha. ²⁶ Mwafwa wa jukile manen,na kutonda kukala neni boshe,mwafwa mwathzibile ngweni wakale nakubinja. ²⁷ Omu mwa buthunga bene wakele nakubinja kweta kuyehi na kuthsa. Oloni Njambi wamuthzibilile ngothzi,cho kethi ikeye lika embwe,oloni nange lalo,mangana kethi njikale na chinyengo ha chinyengo. ²⁸ Cho eyi ndthzandthzu ije njilina kumutumina,mangana nga Muna mumona lalo linga mubwahelele.cho njikakala na chinyengo cha chondondo. ²⁹ Tamobka Epafolonditu muli Shukulu na kubwahelela choshe. Thingimikeni banu bakulifwa ngwe ikeye. ³⁰ Mwafwa bipangi bya Kilisitu bikebyo byalingithile mangana eta kuyeho na kuthsa. Wanene mwonyo wendi mangama anjobole na kushulitha bije kumwathele kunipangela yange.