¹ Ngechibene, baka chithzemo bandolomebange yeni njili na kubandamena,kubwahelela kwange na chilongo chnge,mu ngila eyi bene imaneni mbee muli Mwene,bakachithzemo babuthamba. ² Cho njili na kulombelela Yondiya,cholalao njili na ku lombelela, na Sintiche,ngwange pweni banu ba binhinganyeka bimo muli Mwene. ³ Eyo,njikulomba yobe muthamba wange wa kulongwa,ngwange, kwatha aba banakathzi aba bana kala na ku panga nange mu kukuba muthzimbu wa ubwa,amo lika na Kilimente na boshe baje bakwetu njina kala na kupanga nabo,baje mathzina abo ali mu Libulu lya Mwonyo. ⁴ Bwaheleleni muli Mwene thimbu yoshe. Njikendeka lalo ngwange,bwahelelelni. ⁵ Mwetheni bungulu bweni ku banu boshe. Mwene a muyehi. ⁶ Kethi muli jakamene a chuma manbe chimo. Olojo,mu byuma byoshe na lilombo na kukundika kwakaho na ku kandelelela,lektheni Njambi bimuthetela kulomba, ⁷ chojo na kwoloka kwa Njambi,kuje kwa kutubakana kuthzibithitha kwoshe,ku ka nyunge bimbunge byeni na biyongola byeni muli Kilisitu Yesu. ⁸ Cho muku manethe,bandolome,bije byuma byoshe bya buthunga,bije byuma byoshe bya kuthingimika,bije byuma byishe bya kuthungama,bije byoshe byuma bya kuthzila,bije byoshe byuma bya bibwa,bije byuma byoshe bije banambulula bwino ngwe ngwabo kuli chije cha chibwa manene,ngwe ngwabo kuli chije chibana pande kushangathzala. ⁹ Ebi byuma bimuna lilongetha na kutambula na kuthziba na kumona muli yange,bilingeni ebi byuma,cho Njambi wa kwoloka akala neni. ¹⁰ Chojo njina bwahelela manene muli Mwene mwafwa a thimbu ino munelukila lalo muku njakaako mangana. Eyo na ku bithimbu bene bya kunima muna kala na kunjakako mangana,olonini ku mwa kele na kuwana lika ngila ya kunji kwathelamo. ¹¹ Chojo kunjethi na kwendeka echi a mulonga wa kukalekeya embwe. Mwafwa njalilongethoni ku pwithamo na bije njili na byo mu katumbameno koshe. ¹² Chojo nji thzubukoni mu chikafu a kupwa a chihutu,cho lalo njina thzubuka muchikafu ngwe uli na bya bingi. Mungila yoshe cho na mu byuma byoshe nja lilongethele chithing'iko cha ju kala munu uje na kuta bwino indi uje yali na njala,ho nomu mwa kukela na bya bingi indi kukala mu kujeneka. ¹³ Chojo nji natha kulinga byuma byoshe kwitila muli uje ya ka nji akanjitakametha. ¹⁴ Nameme ngocho,muna lingile mwa mubwa manene a kuli pangela namnge mu tuyando twange. ¹⁵ Mwafwa yeni baka Filipi muna tanekeya bene bwino ngwe muku shangumuka ou muthzimbu wa ubwa,muje nja tundile ku Masendoniya,ku kwakele chikungulukilo cheka lalo chije cha nji kwathele mu bing'anda bya kwana na kutambula kubanga bene yeni a likalyeni. ¹⁶ Cho nameme a thimbu njakele mu Tesolonika,yeni mwa tumine bukwathi a mulonga wa ku kalekeya kwange chojo mwa lingile echo kethi ngwe lumo lika embwe. ¹⁷ Kethi ngwe ngwabo njili na kuthetela bwana embwe. Olonini,njili na kuthetela bushuka buje bu bubwethethelela ku bango yeni. ¹⁸ Cho njina tambula byoshe mu kushula,na kutubakana. Chojo a thimbu ino njilyoni nebi byoshe njishaka mwafwa njina tambula laja kuli Epafulondiasi bije byuma mu na tumine. Chojo bili na kunika lwengo,cho chili bene bunapu bwana buje bwa natha ku tambula Njambi na ku bwahelela nabwo. ¹⁹ Cho Njambi yange aka mayana byoshe bije bimutonda kwetheketha na bufuko bwendi mu bumpahu muli Kilisitu Yesu. ²⁰ Chojo kuli Njambi yetu na Tatetu kukala bumpahu bwa mayaka yoshe. Ameni. ²¹ Aneni chihindu kuli banau boshe bakuthzila ba Njambi muli Kilisitu Yesu. Cho na bandolome bano njili nabo kuno bana tumu chihindu chabo kuli yeni. ²² Na banu boshe ba kuthzila ba Njambi bali kuno bana tumu chihindu chabo kuli yeni,maneneneni baje ba ku naanga ya Kaisale. ²³ Ngothzi ya Mwene Yesu Kilisitu ikala na muthzinthzime weni.